1 Ha Banakorinti 1

PAULO NABABWACHA NASIMA MUNGU.

1Paulo, ayayesirwe entumwa ya Yezu Kristu ha bwo kwenda kwa Mungu, na Sositeni, mutabani wetu, 2hali Eklezia ya Mungu eli Korinti na ha batakatifuzibwe muli Kristu Yezu, abakwetwa batakatifu, na hali bona abakulembereza izina ly’Omukama wetu Yezu Kristu, honahona aho tuli twena. 3Enema n’omulebo eziruga hali Mungu Tata wetu na ha Mukama Yezu Kristu zibe mul’imwe.

4Nkusima bucha bucha Mungu wange ha mwanya gwanu, kuber’enema ya Mungu eyabagabirirwe muli Kristu Yezu, 5kuba muli wenene mwabere bahango muli byona, mu bigambo byona na mu bumanyi bwona, 6obwo Kristu yamanyisibwe atyo mul’imwe; 7hatyo timukenire enema n’emo, imwe abakutegeza obuboneki bw’Omukama wetu Yezu Kristu, 8aliguma kubagumisya kuhika ha muhero, musangwe mutali na ntambala ha lunaku lwo kwiza kw’Omukama wetu Yezu Kristu. 9Ni mwesigwa Mungu, owe mwayesirwemo mu bukobe bw’Omwana we, Yezu Kristu Mukama wetu.

OBUHAKANI MW’EKLEZIA YA KORINTI.

10Mbe bana betu, nkubalembereza mw’izina ly’Omukama wetu Yezu Kristu, mube n’ebigambo bimo, nzira buhakani, nawe mube n’ebitekateko bimo n’ebigambo bimo. 11Kuba, bana betu, nkagambirwa abo mu ka ya Kloe okw’obuhakani bulimo mul’imwe. 12Nkugamba nti: buli muntu mul’ imwe akutenga ati: Ine ndi wa Paulo; ine ndi wa Apolo; ine ndi wa Kefa#1, 12 “Kefa” n’izina lya Petro mu lulimi lw’ekigereki.; ine ndi wa Kristu. 13Si Kristu yahinzuka? Si Paulo yabalegirirwe ha musalaba? hamo si mwabatizibwe mw’izina lya Paulo? 14Nkusima Mungu obwo ntabatize n’omo mul’imwe, raba si Krispi na Kayo, 15niho mutahicha kugamba okwo mwabatizibwe mw’izina lyange. 16Nenekwo, hona nkabatiza abo mu ka ya Stefanasi; nawe tinkumanya okwo nabatize ondi. 17Kuba Kristu tiyantumire kubatiza, nawe kwolekerera Evanjeli, nzira bwetegereza bw’ebigambo, omusalaba gwa Kristu gutaburwa omugaso.

EVANJELI TEKUBARA OBWENGE BW’OBUZIGI BW’ENSI.

18Koto ekigambo ch’omusalaba ni lusaro ha meso g’abakubula; nawe ha meso g’abakuchunguka, itwe hatyo, ni buhicha bwa Mungu. 19Nicho chandikirirwe kiti: Ndisingaricha obwenge bw’ab’obwenge, kai ndyanga obwetegereza bw’abetegereza. 20Omwetegereza ali hai? omwandiki ali hai? omuhakani wo mu nsi munu ali hai? Si Mungu tiyahindwire obwetegereza bw’ensi enu, lukaba lusaro? 21Kuba, obw’abantu, n’obwetegereza bwabo, batamanyire obwetegereza bwa Mungu, Mungu akasemererwa kuchunguza abekiriza olusaro lw’obwolekerezi#1, 21 Ebigambo by’Evanjeli bigumire, kai abantu abatali na dini tibakuhicha kubisombokerwa: babyeta eby’olusaro.. 22Mbe Abayahudi bakusaba amahano, kai Abagereki bakuhiga obwetegereza; 23nawe itwe tukwolekerera Kristu ayalegirwe ha musalaba: echo kikusitaza Abayahudi, kai abasenzi bacheta olusaro, 24nawe ha meso g’abayesirwe, naho bali Bayahudi, naho bali Bagereki, Kristu ni buhicha bwa Mungu n’obwetegereza bwa Mungu. 25Kuba ekikususana kuti henda ni lusaro hali Mungu, ni bwetegereza obukukira obw’ abantu, kai ekikususana kuti henda ni bunoge hali Mungu ni mani agakukira ag’abantu#1, 25 Obwenge bwetu ni buke: tibukuhicha kulamura Mungu n’ebya Mungu. Ekiliho, nikwo kuleka kuhakana eby’edini, nawe kubihicha nk’okwo bilagirwe chonka..

MUTAYEKUZA MU MESO GA MUNGU.

26Mulore, bana betu, abasozirwe mul’imwe: abetegereza ha bw’engingo tibakanire, abakuru bona pai, ab’oluganda lw’ekikuru bona pai. 27Nawe Mungu akasora ebisazire by’ensi, akoz’ensoni ab’obwenge; kai Mungu akasora ebinogire by’ensi, akoz’ensoni ab’amani; 28kandi Mungu akasora eby’obuyaga by’ensi n’ebikugaywa n’ebitali kintu, asingariche ebiliho, 29atabaho muntu n’omo wo kwekuza obusyo ye. 30Niwe wenene yabahere kuba muli Kristu Yezu, ayatuberere, ha bwa Mungu, bwetegereza na buhikire na butakatifuza na buchunguzi, 31niho bihike ebyandikirwe biti: Akwekuza, ayekulize mu Mukama.

Currently Selected:

1 Ha Banakorinti 1: KED1946

Highlight

Copy