Revelation 5
5
CHAPTIR FYVE.
The Lamb that was slain opens the sealed Buik.
1And I saw, on the richt haun oʼ him that sat on the Thron, a buik, written within and withoot, sealʼt up wiʼ seeven seals.
2And I saw a michty Angel, proclaimin wiʼ a soondin voice, “Wha is fit to open the Buik, and to lowse its seals?”
3And nae man was fit, in heeven, nor yet on the yirth, to open the buik, or eʼen to look upon it.
4And I grat sair, that nae man was fund fit to open the buik, or eʼen to look onʼt.
5And ane frae mang the Elders says tae me, “Greet‐na: see! the Lion oʼ the tribe oʼ Judah, the Rute oʼ Dauvid, has prevailʼt to open the buik, and the seeven seals oʼt.”
6And I saw, iʼ the mids oʼ the Thron, and oʼ the fowr leevin‐anes, and in mids oʼ the Elders, a Lamb staunin, as it had been slain, haein seeven horns and seeven een, whilk are the seeven Spirits oʼ God sent oot till aʼ the yirth.
7And he cam, and has taʼen the buik oot oʼ the richt haun oʼ him that sits on the Thron.
8And as soon as he raxʼt for the buik, the fowr leevin‐anes and the fowr‐and‐twenty Elders fell doon afore the Lamb, haein ilk a harp, and gowden flagons fuʼ oʼ insence, whilk are the prayers oʼ saunts;
9And they sing a #5:9 A new kind oʼ sang aʼthegither: sae the word signifies.new sang, sayin, “Wordie art thou, to tak the buik and to lowse its seals; for thou was slain, and has brocht us to God by thy blude, oot oʼ ilka tribe, and tongue, and folk, and nation;
10“And did mak them a kingdom and priests to oor God; and they rule on the yirth!”
11And I saw, and I heard as a voice oʼ mony Angels, roond aboot the Thron, and oʼ the leevin‐anes, and oʼ the Elders; and their number was myriads of myriads, and thoosands oʼ thoosands.
12Sayin wiʼ a soondin voice, “Wordie is the Lamb that was slain, to receive pooer, and riches, and wisdom, and micht, and honor, and glorie, and blessin!”
13And ilka creatit thing that is in Heeven, and on the yirth, and aneath the yirth, and on the sea, heard I sayin, “To him that sits on the Thron, and to the Lamb, be the blessin, and the honor, and the glorie and the pooer, for evir and aye!”
14And the fowr leevin‐anes war sayin “Amen!” And the Elders loutit doon and worshipped.
Currently Selected:
Revelation 5: SCO1904
Highlight
Copy
Compare
Share
Want to have your highlights saved across all your devices? Sign up or sign in
Translated by Rev William Wye Smith. Published in Paisley, Scotland in 1904.
