Revelation 15
15
CHAPTIR FYFTEEN.
The Sang oʼ Moses and the Lamb.
1And I saw anither ferlie in heeven, unco and wunnerfuʼ; seeven Angels, haein seeven plagues — the last — for in them was endit the wrath oʼ God.
2And I saw ʼan it war a glessy sea, glintin bricht; and they that had gotten the victory ower the beast, and ower his image, and ower his brand, and ower the number oʼ his name, stude on the glessy sea, haein the harps oʼ God.
3And they sing the Sang oʼ Moses the servant oʼ God, and the Sang oʼ the Lamb, sayin, “Unco and marvellous are thy works, Lord God Almichty; richtous and true are thy ways, thou King oʼ Nations!
4“Wha wadna fear thee, O Lord, and laud heigh thy name! For thou only art holie; for aʼ nations sal come and loot doon afore thee; for thy holie commauns are made kent.”
5And eftir the things I saw the Temple oʼ the Tabernacle oʼ Testimonie unsteekit in heeven.
6And forth cam the seeven Angels, thae haein the seeven plagues, oot oʼ the Temple; buskit wiʼ jewels, pure and bricht; and girdit roond the breist wiʼ bands oʼ gowd.
7And ane frae ʼmang the fowr leevin‐anes #15:7 We wad aʼ like to ken mair aboot the last days: but lat us mind that gin God had designed we soud ken aʼ aboot it, he wad hae tellʼt us in plain words, and no in visions: and that the great end oʼ prophecie is no to mak folk wyss aforehan, but raither to strenthen their faith, whan they see the things come to pass. John 14:29.gied tae the Angels seeven gowden flagons, fuʼ oʼ the wrath oʼ God, he wha leeves for evir and evir.
8And the Temple was fuʼ oʼ reek, frae the glorie oʼ God, and frae his pooer; and nane could gang intil the Temple, till the seeven plagues oʼ the seeven Angels war endit.
Currently Selected:
Revelation 15: SCO1904
Highlight
Copy
Compare
Share
Want to have your highlights saved across all your devices? Sign up or sign in
Translated by Rev William Wye Smith. Published in Paisley, Scotland in 1904.
