Psalms 23
23
THE TWENTY‐THIRD PSAUM.
Dauvid is aye unreelin a pirn about Christ. Here he pents him as a Shepherd, and his sel as a silly bit lammie. It evens weel wiʼ the tenth oʼ John.
1The Lord is my Shepherd; my wants are aʼ kent; 2the pasture I lie in is growthie and green.
I follow by the lip oʼ the watirs oʼ Peace.
3He heals and sterklie hauds my saul: and airts me, for his ain nameʼs sake, in aʼ the fit‐roads oʼ his holiness.
4Aye, and though I bude gang throwe the howe whaur the deid‐shadows faʼ, Iʼse fear nae skaith nor ill, for that yersel is aye aside me; yere rod and yere cruik they defend me.
5My table ye hae plenishʼt afore the een oʼ my faes; my heid ye hae chrystit wiʼ oyle; my cup is teemin fuʼ!
6And certes, tenderness and mercie sal be my faʼ to the end oʼ my days; and syne Iʼse bide iʼ the hoose oʼ the Lord, for evir and evir mair!
Currently Selected:
Psalms 23: SCO1904
Highlight
Copy
Compare
Share
Want to have your highlights saved across all your devices? Sign up or sign in
Translated by Rev William Wye Smith. Published in Paisley, Scotland in 1904.
