James 4
4
CHAPTIR FOWR.
Warnins to the warldly: for aʼ that ye wad hae, and aʼ that God wad gie, lippen ye to him!
1Whar come the wars and fechtins amang ye? Eʼen hence, oot oʼ yere pleasurs, that #4:1 Think oʼ oor sinfuʼ desires, “takin the field,” as an airmy, to fecht! The Christian can only owercome, as he has God on his side!tak the field amang yere members!
2Ye desire, and hae‐na; ye kill, and are fain, and canna obteen: ye fecht and war: ye hae‐na, for that ye ask‐na:
3Ye ask, and ye get‐na: for that ye ask‐na weel; that ye micht ware it on yere pleasurs.
4Ye adulteresses! ken‐ye‐na that the freendship oʼ the warld is enmity wiʼ God? Wha, then, wad be a freend oʼ the warld is makin his sel a fae to God.
5Or reck ye that in vain the #4:5 Thoʼ Eccl. iv. 4, is gey nar the same thing, this is no a direcʼ quotin frae ony pairt oʼ the Auld Testament. The New Testament writers and speakers, as here, aft tuik the meanin oʼ the words, withoot muckle care about the preceese form oʼt.Scriptur says, “The spirit that dwalls in us leads to envy.”
6But he gies the mair lovin‐favor. Sae it is said, “God is again the prood anes; but to the humble anes he gies favor.”
7Pit yersels, than, aneath God; but staun up again Sautan, and he wull flee frae ye.
8Draw ye nar to God, and he wul draw nar to you. Mak clean yere hauns, sinners! and purify yere hearts, ye dooble anes!
9Be ye dool, and maen and greet! lat yere daffin be turned to lamentation, and joy to heaviness.
10Come doon laigh iʼ the sicht oʼ the Lord; and he wull lift ye up.
11Speak‐ye‐na again ane‐anither, brethren. He that speaks again his brither, or judges his brither, speaks again the law itsel, and judges the law: but gin ye pass judgment on the law, nae mair are ye a doer oʼ the law, but a judge!
12But thar is ae Lawgiver and Judge! he wha is strang to save and to destroy. But wha are ye that are judgin yere neebor?
13Awa noo! ye that say, “The day or the morn, we wull gang to this citie here; and bide a year thar; and troke, and win gear.”
14Wha, indeed, ken nocht oʼ the morn! for oʼ whatna sort is yere life? For as the scaum oʼ the sky ye are, whilk appears for a wee, and then dwines awa.
15Raither soud ye say, “Gin the Lord please, we sal baith leeve, and do this or yon.”
16But noo ye vaunt yersels in yere boastins. Aʼ sic boastin is ill.
17To ane, than, wha kens hoo to do a gude thing, and dis‐it‐na, it is a sin to him!
Currently Selected:
James 4: SCO1904
Highlight
Copy
Compare
Share
Want to have your highlights saved across all your devices? Sign up or sign in
Translated by Rev William Wye Smith. Published in Paisley, Scotland in 1904.
