Hebrews 2
2
CHAPTIR TWA.
The glorious Son oʼ God, wha becam a man.
1And for the sake oʼ aʼ this, we soud ettle sair to haud fast the things that war heard, least at ony time we soud slype awa.
2For gif the word spoken throwe Angels was stieve, and ilka gangin?-?agley and disobedience gat its true recompense oʼ reward,
3Hoo sal we ʼscape, gif we gie the gang‐by to sae great a salvation; whilk in truth, begude to be spoken throwe the Lord by they wha heard, and to us was made siccar:
4God bearin co‐witness, baith wiʼ tokens and ferlies, and mony‐fauld warks oʼ pooer, and gifts oʼ the Holie Spirit, conform to his wull?
5For it wisna to Angels he subjeckit the comin warld, oʼ whilk we are speakin:
6For ane in ae place bure witness, sayin, “What is man, that thou soud keep him in mind? or manʼs bairn, that thou soud visit him?
7“Thou did #2:7 Dauvid is aye unreelin a pirn aboot Christ, eʼen whan he seems only to be speakin oʼ man; for tak tent here, what we haena gotten, Christ has gotten for us, and as oor King and Heid. And what he gets, he shares (no aiblins here, but aʼ certain Aboon!) wiʼ his brethren.mak him for a wee, laigher nor the Angels; thou did croon him wiʼ glorie and honor; and did set him ower the warks oʼ thy hauns.
8“Thou did pit aʼ things subject aneath his feet.” For in makin aʼ things subject to him, naething was left oot that wasna made subject to him: whaur‐as, noo we see‐na yet aʼ things to him made subject.
9But the Ane wha was “made for a wee, laigher nor the Angels,” div we behauld, eʼen Jesus; crooned wiʼ glorie and honor throwe the pangs oʼ death; that, by the tender‐love oʼ God he might pree oʼ death for aʼ men.
10For it behoovʼd him, for whase sake are aʼ things, and throwe wham are aʼ things, in leading mony sons to glorie, that the Chieftain oʼ their salvation soud by sufferins be made perfete.
11For baith he wha maks holie, and they wha are made holie, are aʼ oʼ ane; for whilk cause he isna backward to caʼ them “brethren.”
12Sayin, “I wull mak kent thy name to my brethren; amang aʼ the thrang wull I sing praise to thee!”
13And again, “I wull stievely lippen him!” And again, “Behauld! #2:13 The hail passage isna gien, but is left as an unfinished sentence: Esaiah viii. 18.I and the bairns God has gien me... ”
14Seein than, that the bairns had pairt in the flesh and blude, he eke in sic mainner had fellowship iʼ the same; that by means oʼ his death he micht ding the pooer oʼ him that had the dominion oʼ death, that is the Adversary;
15And micht deliver thir — as mony as frae fear oʼ death war aʼ their life under bondage.
16For no, truly, is he takin haud oʼ Angels; but he lays haud oʼ Abraʼmʼs seed.
17And sae, in aʼ things he bude be made like his brethren; that he micht be a mercifuʼ and leal Heigh‐Priest in the things oʼ God, to mak a reconciliation for folkʼs sins.
18For, seein he dreeʼd his sel, and was tempit, he kens weel to rescue them that are in temptation.
Currently Selected:
Hebrews 2: SCO1904
Highlight
Share
Copy
Want to have your highlights saved across all your devices? Sign up or sign in
Translated by Rev William Wye Smith. Published in Paisley, Scotland in 1904.
