Galatians 1
1
CHAPTIR ANE.
They had sune turned awa frae the plain faith. The Apostle challenges them forʼt.
1Paul, an Apostle, no frae men nor throwe men, but throwe Jesus Christ, and God the Faither wha raisʼt him frae amang the deid,
2And aʼ the brethren wiʼ me, to the Kirks oʼ Galatia:
3The peace and gude favor oʼ God the Faither tʼye, and oor Lord Jesus Christ,
4Wha gied his sel for oor sins, that he micht deliver us oot oʼ this present warld, whilk is an ill ane; conform to the wull oʼ oor God and Faither,
5To wham be glorie for evir and evir. Amen!
6I ferlie that thus sae sune ye are changin frae him wha perswadit ye intil Christʼs love, intil some ither “Gude‐word,”
7Whilk indeed isna #1:7 Like the unwaukit claith that disna sort wiʼ an auld coat (Matt. 9:16), some Jews war perswadin them to add Judaism to their faith in Christ. Hearin oʼt, Paul writes. We maunna lippen to warks; mair by token gin sic kind oʼ warks are nae mair enjoined.anither Gude‐word! But that are some wha are fashin ye, and wad damage the Gude‐word oʼ Christ.
8But eʼen aiblins it soud be we, or an Angel frae Heeven, wha soud bring ye anither Gude‐word, differin frae what we gied tʼye, lat him be accursʼt!
9As said we syne, sae say I noo again, Gin ony ane gies ye a “Gude‐word” differin frae what ye gat, lat him be accursʼt!
10For, at this time, div I perswad men, or dis God? Or div I seek to please men? If aye I am pleasin men, Christʼs servant am‐I‐na!
11For I mak kent tʼye, brethren, as to the Gude‐work whilk was tellʼt by me; that it isna conform to men;
12For naither did I frae man obteen it, nor was I learned it by man, but throwe a revealin oʼ Jesus Christ.
13For ye heard, as anent my mainner oʼ life at ae time, in Judaism, that in an unco way I persecutit the Kirk oʼ God, and laid it waste;
14And was gaun on in Judaism ayont my marrows amang my ain folk, bein unco zealous for the traditions oʼ my forebears.
15But wham it pleased God (wha took me sindry frae my mitherʼs womb, and invitit me by his grace),
16To reveal his Son in me, that I soud deliver the Gude‐word regairdin him amang the heathen, at ance I coonsellʼt‐na wiʼ flesh and blude,
17Nor gaed I up to Jerusalem to them that war Apostles afore me; but I gaed awa intil Arabia, and cam back again to Damascus.
18Than, thrie years eftir, I gaed up to Jerusalem, to get acquant wiʼ Peter; and bade wiʼ him fyfteen days.
19But oʼ the lave oʼ the Apostles saw I nane, but James, the brither oʼ the Lord.
20Noo, as to whatna things I am tellin ye, tent ye! in presence oʼ God, I am‐na speakin fause.
21And syne, I gaed intil the kintra oʼ Syria and Cilicia.
22Forby, I wasna kent by face to the Kirks oʼ Judea whilk are in Christ.
23Only they war hearin, “He wha was persecutin us at ae time, is noo preachin the Joyfuʼ‐message oʼ the faith that ance he laid waste!”
24And they magnifyʼt God in me.
Currently Selected:
Galatians 1: SCO1904
Highlight
Share
Copy
Want to have your highlights saved across all your devices? Sign up or sign in
Translated by Rev William Wye Smith. Published in Paisley, Scotland in 1904.
