2 Thessalonians 2
2
CHAPTIR TWA.
Paul expones mair aboot the Comin oʼ Christ.
1But we entreat ye, brethren, by the Bein‐wiʼ‐us oʼ oor Lord Jesus Christ, and oor gatherin thegither to him,
2That ye be‐na sae eithlie tossʼt aboot iʼ yere mind, nor yet be fleyʼt — aither throwe spirit, or throwe discoorse, or throwe letter as frae us — as that the Day oʼ the Lord has sutten‐in.
3That nae ane may beguile ye in ony way: for that day winna be, except the gaun‐back comes first, and the Man oʼ Sin be made kent, the son oʼ perdition,
4He wha rises up, and lifts up his sel again aʼ that is caʼd “God,” or that is worshipped: sae that he, iʼ the temple oʼ God taks his seat, settin himsel forrit that he is “God.”
5Dae ye no mind, that whan I was yet wiʼ ye, I tellʼt ye thir things?
6And noo ye ken what hauds back his revealin himsel in his fit time.
7For the mystery oʼ lawless sin dis eʼen noo work; until that whilk hauds back may be taʼen oot oʼ the gate.
8And than sal be seen the Man oʼ Sin, wham the Lord Jesus “Sal slay wiʼ the breath oʼ his lips,” and sal destroy wiʼ the shinin‐forth oʼ his presence.
9Eʼen he, whase comin is conform to the inwart workin oʼ Sautan in aʼ michty workin and tokens, and leean ferlies,
10And aʼ deceitfuʼness oʼ wickedness to thae that are perishin; for that the love oʼ the truth they took‐na ben to them, that they micht be saved.
11And, for this, God sends them an inwart‐workinʼ oʼ error, that they micht lippen a lee;
12That they micht be judged, ane and aʼ, wha didna lippen to the truth, but delichtit theirsels in unrichtousness.
13But we are hauden to gie thanks to God at aʼ times for you, brethren beloved oʼ the Lord, that God made wale oʼ you frae the beginnin, to salvation, by sanctification oʼ the Spirit, and lippenin oʼ the truth.
14Until whilk he caʼd you throwe oor Gude‐word, to the obteeninʼ oʼ the glorie oʼ oor Lord Jesus Christ.
15Sae than, brethren, staun siccar, and haud firm the lear ye gat, whether throwe preachin, or throwe oor letter.
16But oor Lord Jesus Christ himsel, and God oor Faither, wha loved us, and gaʼe us everlastinʼ comfort and gude hope throwe his favor,
17Comfort yere hearts, and up‐bigg ye in aʼ gude wark and word.
Currently Selected:
2 Thessalonians 2: SCO1904
Highlight
Share
Copy
Want to have your highlights saved across all your devices? Sign up or sign in
Translated by Rev William Wye Smith. Published in Paisley, Scotland in 1904.
