1 Timothy 4
4
CHAPTIR FOWR.
What the Spirit says. Tak ye gude tent tillʼt!
1But the Spirit says in express words, that iʼ the hinmaist times, some wull gang agley frae the faith, takin tent to beguilin spirits, and to teachins oʼ demons,
2Speakin lees in doobleness, seared as wiʼ a het airn iʼ their ain conscience,
3Forbiddin mairriage, and layin doon abstinence frae meats, whilk God creatit tae be receivit wiʼ aʼ thanksgivin oʼ thae wha hae faith, and ken the truth.
4For ilka creatur oʼ God is gude, and nane to be cuisten‐aside gin it be receivʼt wiʼ thanksgivin;
5For it is made holie by Godʼs word and by prayer.
6Airtin the brethren in mind oʼ thir things, ye sal be a gude servant oʼ Christ Jesus, nouriced wiʼ the words oʼ faith and gude teachin that ye hae closely followʼt.
7But refuse ye godless and auld wivesʼ tales: and train yersel into godliness.
8For bodily exerceeses profit but a wee; but godliness is profitable for aʼ things; haen a promise oʼ life, noo and comin.
9Faithfuʼ the word! and wordie oʼ aʼ receivin.
10For to this end are we toilin and strivinʼ for that we hae putten oor hope in the leevin God, wha is the Saviour oʼ aʼ men, special oʼ thae that believe.
11Gie chairge as to thir things, and teach them.
12Lat nae man lichtlie yere youth, but be ye a paittern oʼ them that believe, in word, in conducʼ in love, in lealness, in pureness.
13Till I come, gie gude attent to the readin, to exhortin, to teachin.
14Neglect‐na the gift in ye, that was gien ye throwe prophecie, wiʼ the layin‐on oʼ hauns oʼ the Eldership.
15Gie thir things yere care: gie yerself to them: that yere progress may be seen by aʼ.
16Gie gude tent to yersel and to the teachin. Bide in them: for, sae doin, baith yersel sal ye save and them hearin ye.
Currently Selected:
1 Timothy 4: SCO1904
Highlight
Share
Copy
Want to have your highlights saved across all your devices? Sign up or sign in
Translated by Rev William Wye Smith. Published in Paisley, Scotland in 1904.
