1 Timothy 2
2
CHAPTIR TWA.
Pray for aʼ men; for thar is the ae God, and aʼ men are alike needfuʼ.
1I coonsel, than, that first oʼ aʼ, supplications, prayers, intercessions, thanks‐gieans, ye mak on behauf oʼ aʼ men:
2For kings, and aʼ thae in authoritie; that we may lead a quate and peaceable life, godly and douce.
3This is gude and pleasin iʼ the sicht oʼ God oor Saviour;
4Wha wad hae aʼ men to be saved, and to come to fuʼ‐kennin oʼ the truth.
5For thar is ae God, and thar is ae mediator atwixt God and man, himsel man, Christ Jesus;
6Wha gied himsel up a ransom for aʼ; the testimonie to be borne in its ain fit times.
7Until whilk I was appointit to proclaim, and to be an Apostle (I say true, I lee‐na!), a teacher oʼ the nations in faith and truth.
8I coonsel thar‐for, that the men pray in aʼ places, haudin up holie hauns, far frae aʼ wrath and disputins:
9Iʼ the same way, too, that weemen, in fit cleedin, wiʼ meekness and douceness, be buskin theirsels; no wiʼ braidins, and gowd, or pearls, or braw attire:
10But — what becomes weemen professin godliness — wiʼ aʼ #2:10 The buskin isna to be gowd, or pearlins, or hair buskit wiʼ tinsel, but gude warks: aye bonnie iʼ the Maisterʼs sicht!gude warks.
11Lat a wumman in quateness be learnin; wiʼ aʼ submission.
12But I alloo‐na a wumman to teach, nor to hae authoritie ower a man, but to be in quateness.
13For Adam first was made, then Eve.
14And Adam wasna deceivʼt; but the wumman bein deceivʼt, has come to be in transgression.
15Yet she sal be saved in her bairn‐time, gif they abide in faith, and love, and holiness.
Currently Selected:
1 Timothy 2: SCO1904
Highlight
Share
Copy
Want to have your highlights saved across all your devices? Sign up or sign in
Translated by Rev William Wye Smith. Published in Paisley, Scotland in 1904.
