1 Peter 4
4
CHAPTIR FOWR.
Cease frae sin; for Christ sinned‐na! And gin ye be Christians, ye soud be like him!
1Forasmuckle than as Christ has sufferʼt iʼ the flesh, airm ye yersels wiʼ the same ettlin: for he that has tholed iʼ the flesh has #4:1 Christ, at his death, gat rid oʼ aʼ onsets oʼ sin and sinners; sae the Christian, wha taks up his cross and follows Christ, has sinderʼt his sel frae sin: has nae mair to do wiʼt.gotten rest frae sin!
2Sae that nae langʼer soud ye leeve iʼ the ill‐desires oʼ men the lave oʼ yere time iʼ the flesh.
3For the by‐past time is eneuch to hae wrocht‐oot the desires oʼ the Gentiles; gaun on in wantonness, ill‐desires, an owercome oʼ wine, riotins, feastins, and vile eidol‐worshippins;
4In whilk they ferlie unco that ye rin‐na wiʼ them to the same owerflowin oʼ riot, miscaʼin ye:
5Wha sal gie up an accoont to him wha is haudin himsel ready to judge leevin and deid.
6For to this end was the Blythe‐message gien to thae that are #4:6 The Apostle here, nae doot, refers to the saunts wha hae won awa hame.deid; that they micht be judged, indeed, by manʼs judgment, in flesh; but micht leeve afore God in spirit.
7But the end oʼ aʼ comes on: be ye than oʼ sounʼ mind, and doucely pray ye.
8Aboon aʼ things, hae ye love ane for anither; for that “love haps ower a rowth oʼ sins.”
9Schawin hospitality ane to anither, wiʼ nae sweirness.
10Ilk ane, eʼen as he has had gien to him a free gift, sharin it wiʼ ithers, as leal stewards oʼ Godʼs mony‐fauld favors:—
11Gif ony ane speaks, as Godʼs oracles speakin; gif ony ane serʼs, as oot oʼ strenth gien by God; that, in aʼ things, God may be made glorious, throwe Jesus Christ, to wham is the glorie and the pooer, for evir and aye. Amen.
12Beloved, be ye na taen by surprise anent the lowin fire amang ye, whilk is comin on ye for to try ye, as gin some ferlie happenʼt to ye;
13But in sae far as ye marrow wiʼ Christ in his sufferans, rejoice ye; that, at the unfauldin oʼ his glorie, ye may rejoice wiʼ muckle joy.
14Gin ye be miscaʼd for Christʼs name, happy are ye! for the Spirit oʼ glorie, eʼen the Spirit oʼ God, brings ye rest!
15But lat nane oʼ ye dree as a blude‐shedder, or a thief, or an ill‐doer, or a meddler in ither folkʼs maitters:
16But, gin it be as “a Christian,” lat him feel nae shame; but lat him gie God praise for this name.
17For it is time for judgment to begin at the hoosehauld oʼ God; but gif it first begin wiʼ us, what sal be the end oʼ thae that gie‐na‐in to the Gude‐tidins oʼ God?
18And, gin the richtous ane jimply be saved, whaur sal the ungodly and the sinner schaw theirsels?
19And sae, lat they wha dree, conform to Godʼs wull, commit their sauls, in aʼ weel‐doin, till a true and faithfuʼ Creator!
Currently Selected:
1 Peter 4: SCO1904
Highlight
Copy
Compare
Share
Want to have your highlights saved across all your devices? Sign up or sign in
Translated by Rev William Wye Smith. Published in Paisley, Scotland in 1904.
