1 John 1
1
CHAPTIR ANE.
Christ the Life, and Christ the Licht, oʼ men.
1That whilk was frae the first oʼ aʼ, that whilk we hae heard, that whilk we hae seen wiʼ oor een, that whilk we for oorsels hae gazed upon, and oor hauns war laid on, oʼ the Word oʼ Life, —
2And the Life was made kent to us, and we hae seen, and gie witness, and report to you the evir‐durin Life, whilk was wiʼ the Faither, and was made kent to us.
3That whilk we hae oorsels seen and heard, we report to you, that ye too as weel may hae marrowin wiʼ us; and oor marrowin is wiʼ the Faither, and wiʼ his Son Jesus Christ.
4And we write thir things, that oor joy may be filled fuʼ.
5And this is what we hae heard oʼ him, and gie to you, that God is licht, and mirkness isna in him: nane ava!
6Gin aiblins we soud say, “We hae marrowin wiʼ him,” and are gaun on iʼ the mirk, we are leears, and divna the truth.
7But gin aiblins we are gaun on iʼ the licht, as he is in the licht, we marrow ane wiʼ anither, and the blude oʼ Jesus his Son maks us clean frae aʼ sin.
8Gin aiblins we soud say, “Sin hae we nane,” we deceive oorsels, and the truth bides‐na in us.
9Gin aiblins we confess oor sins, leal#1:9 What a ferlie, that the puir believer can claim Godʼs Justice and truth for the pittin‐awa oʼ his sins! God has promised; and he is leal to his promise! and gude is he to forgie oor sins, and mak us pure frae ilk unrichtous deed.
10Gin aiblins we soud say, “We hae‐na sinned,” we are makin him fause, and his word isna in us.
Currently Selected:
1 John 1: SCO1904
Highlight
Copy
Compare
Share
Want to have your highlights saved across all your devices? Sign up or sign in
Translated by Rev William Wye Smith. Published in Paisley, Scotland in 1904.
