SALM 88
88
Bawmhnak Halnak Aunak
Korah Hla
1 Bawipa Pathian, ka khamhtu,
chun nitlak in ka au i
zan ah na hmaika ah ka ra.
2Ka thlacamnak cu ka theihpiak ko
sawh law
nangmah bawmhnak hal in
ka aunak cu ka ngaihpiak
ko sawh!
3Harnak tam tuk nih an ka tlunhnawh i
thlankhor an ka phakpi dengmang.
4Thihnak a phan dengmangmi hna
bantuk kha ka si ve i
ka thazang vialte a lo dih cang.
5Mithi hna lakah khan kaltak ka si ko;
ral kut in a thimi an thlan chung i
a it komi hna bantuk ka si,
annih cu na philh diam cang hna i
bawmh khawh a si in an si ti lo.
6Thlan khor a thuhnak ka ah khan
na ka hlonh,
a thuk bik le a mui bik khor
chungah khan na ka thlak.
7Na thinhunnak nih rit ngaiin
a ka nenh i
na thinhunnak tilet nih khan
a ka khuh.
8Ka hawikom kha na ka chuh hna i
annih nih a fih in an ka fih.
9Kei cu thong ah ka tla i ka luat kho lo;
harnak ka in ruangah ka mit zong
a rawk dih.
Bawipa, ni fate in kan auh i
nangmah sinah thlacam in
ka kut ka hler.
10Khuaruahhar na tuahmi hna cu
mithi caah maw an si?
Mithi cu maw a tho hna in nangmah
an thangṭhatmi cu an si?
11A fekmi na dawtnak cu thlan chungah
maw chim a si i
zumhawktlak na sinak cu
rawhralnak hmun ah cun dah chim a si?
12Khuaruahharmi thil na tuahmi cu
muihnak hmun ah cun maw
hmuh an si i
na ṭhatnak cu rawhralnak hmun ah
cun dah hmuh a si?
13 Bawipa, ka bawm ko sawh, tiin
kan auh;
zing fate in na sinah thla ka cam.
14 Bawipa, zeicahdah na ka hlawt?
Zeicahdah na ka thuhtak?
15Ka ngakchiat lio tein temhnak
ka ing lengmang i
thihnak ka naih zungzal;
dan na ka tatmi ka phorhnak ah hin
ka ba cikcek cang.
16Ṭih a nungmi na thinhunnak nih khan
a ka khuh i
na mi tuknak nih khan holh kho
loin a ka tuah;
17chun nitlak in tilian bang
an ka kulh;
a kenkip in an ka chuahhnawh.
18Ka hawikom ṭha bik hna hmanh
nih khan an ka chuahtak;
ka ca i a tangmi hawikom cu
muihnak lawnglawng kha
a si ko.
Currently Selected:
SALM 88: HCL06
Highlight
Copy
Compare
Share
Want to have your highlights saved across all your devices? Sign up or sign in
Lai (Hakha) Common Language Bible © Bible Society of Myanmar 2006
