SALM 83
83
Israel Mi An Ral Teinak Ca Thlacamnak
Asaf Hla
1Maw Pathian, um sawhsawh
ko hlah;
dai zirziar le holh loin um hlah,
maw Pathian!
2Zohhmanh, na ral cu an cawl
an cang i
nangmah an huatu cu nangmah
doh awkah an i tim len ko.
3Na mi hna tuknak dingah a thli in
khua an khang i
nangmah nih na huhphenhmi hna
doh awk kha an i tim.
4An i thawh i, “Israel hi a phun
hloh in hlo u sih,
zungzal in philh si seh,” an ti.
5An khuakhanmi ah cun lungkhat in
an um i
nangmah doh awkah cun an ṭang ṭi.
6Cu hna cu, Edom mi, Ishmael mi; Moab mi, Hagri mi,
7Gebal mi, Ammon mi, Amalek mi,
Filistia mi le Tair mi an si;
8Assiria zong kha an sinah
aa ṭom ve,
an dihlak in Lot tefa cu
an bawmh hna.
9Midian mi cungah na tuahmi bantuk
kha annih cung zongah tuah ve,
Kishon Tiva ah Sisera le Jabin
cung i na tuahmi bantuk kha
an cungah tuah ko; #Biac 4.6-22; 7.1-23
10Sisera le Jabin cu Endor ah
na sunghter hna i
an ruak cu vawlei ah a rop.
11Oreb le Zeeb cungah na tuahmi
bantuk kha
an ralbawi hna cungah cun tuah ko;
Zebah le Zalmunna na sunghter
hna bantuk khan,
an uktu bawi vialte cu
sunghter ko hna; #Biac 7.25; 8.12
12cu uk bawi pawl nih cun an rak
i thawh i,
“Pathian ram a simi cu kanmah
caah kan i lak lai,” an rak ti.
13Ka Pathian, annih cu leidip bangin
ṭhek ko hna,
thli nih a choihmi capawl bangin
ṭhek dih hna.
14Mei nih tupi kha a kangh i
meizik nih tlang cu a hliau bantukin
15annih cu ṭotho in dawi hna law
thlichia in ṭhih ko hna.
16Maw Bawipa, na min lianngan kha
an phuan hlantiang,
ningzahnak cu an lu cungah khinh
luaimai ko hna.
17Sung hna seh law therphang zungzal
in um hna seh,
ningzak hmaichia in thi hna seh.
18Nangmah lawnglawng hi Bawipa
na si le vawlei dihlak uktu,
Cungnung Bik na si kha
hngal hna seh!
Currently Selected:
SALM 83: HCL06
Highlight
Copy
Compare
Share
Want to have your highlights saved across all your devices? Sign up or sign in
Lai (Hakha) Common Language Bible © Bible Society of Myanmar 2006
