SALM 78
78
Pathian le A Mi Hna
1Maw ka mi hna, kan cawnpiakmi
hna kha ngai tuah u,
ka chimmi bia kha ṭha tein
ngai tuah u.
2Nan sinah bia ka chim lai i
hlanlio thil khuaruahhar kha
a sullam kan chimh hna lai. #Mat 13.35
3Cu thil cu kan rak theihmi le
kan rak hngalhmi kha an si,
kan pupa hna nih
an kan chimhmi kha an si.
4 Bawipa ṭhawnnak le amah nih thil
lianngan a tuahmi hna le,
thil khuaruahhar a tuahmi hna kha,
kan fale cu chim loin kan um hna lai lo,
kan hmai chan mi kha
kan chimh hna lai.
5Israel mi kha nawlbia a pek hna,
Jakob tefa kha nawlbia a pek hna.
Ka nawlbia cu nan fale kha
nan cawnpiak hna lai,
tiin kan pupa kha a fial hna.
6Cuticun hmai chan mi nih
an hngalh ve lai i
an fale kha an cawnpiak ve hna lai.
7Cun Pathian zong kha an i bochan
lai i a tuahmi thil kha an philh
hna lai lo,
a nawlbia kha an zulh zungzal
hna lai.
8Annih cu a hringsortu hna bantuk kha
an si lai lo,
kha hna kha cu ralthawh hmang,
nawl ngai lomi,
Pathian fek tein aa bochan lomi,
Pathian sinah zumhawktlak in
a um bal lomi an si.
9Li le thal in ral a tu tawnmi
Efraim mi kha
raltuk taktak ni ah cun an zam.
10Pathian sinah bia an i kammi kha
an zul lo,
a nawlbia kha ngaih an duh lo.
11A tuahmi thil kha an philh hna i
khuaruahharnak a langhtermi kha
an i cinken lo.
12An pupa hna mithmuh hrimhrim ah
khan Pathian nih khuaruahharmi
thil pakhat a tuah,
Zoan lo ah, Izipt ram ah khan
a tuah. #Exo 7.8—12.32
13Rili kha a cheu i a chungin
a hruai hna;
ti cu vampang bantukin
a dirter hna. #Exo 14.21-22
14Chun ah khuadawm in a hruai hna i
zan ah mei ceu in a hruai hna. #Exo 13.21-22
15Ram car chungah khan lung ngan pipi
kha a khuai hna i
rili ti zat in din awk ti a pek hna; #Exo 17.1-7; Nam 20.2-13
16lungpang chung khan tiva
a chuahter hna i
ti cu tiva bangin a luanter.
17Sihmanhsehlaw Pathian cungah cun
sualnak an tuah lengmang ko i
Cung Nung Bik kha ramcar
chungah cun an doh zungzal ko.
18Kan duhmi rawl cu na kan pek
hrimhrim lai tiin Pathian cu
an hneksak. #Exo 16.2-15; Nam 11.4-23,31-35
19Pathian cu an thangchiat i,
“Pathian nih cun ramcar ah cun
cabuai cu a hung kho ngai
hnga maw?
20Lungpi cu a tuk i ti cu a chuak
hluahmah taktak,
asinain rawl cu a kan pe kho ngai
hnga maw?
A mi cu sa a kan pe kho ngai
hnga maw?” an ti.
21Cu an chimmi cu Pathian nih a theih
tikah an cungah a thin a hung;
a mi cu mei in a hrem hna i
an cung i a thinhunnak kha
a ṭhang,
22zeicahtiah amah kha an i bochan
duh lo i
a kan khamh lai, tiah
an zum duh lo.
23Sihmanhsehlaw van kha bia a chimh i
a innka kha a hunter;
24vancung cun rawl a run pek hna,
an ei awk manna changreu kha
a run thlak hna.
25Cuticun vancungmi rawl kha an ei.
Pathian nih an ei khawh chung
ei awkin a pek hna.
26Cun nichuahlei thli kha a hranter i
a ṭhawnnak in thlanglei thli kha
a thawhter,
27cun leidip zat in va kha a thlak hna,
rili kam thetse zat in a thlak hna;
28an riahhmun laifang ah khan an tla,
an thlam velchum ah khan an tla.
29Cuticun mi nih khan an ei hna i
an khim;
Pathian nih an duh zat in a pek hna.
30Sihmanhsehlaw an ei lio,
a khim hmanh
an khim hlanah khan,
31Pathian cu an cungah a thin a hung i
an miṭhawng bikbik kha a thah hna,
Israel tlangval ṭha bikbik kha
a thah hna!
32Hi vialte khuaruahharnak a tuah ko
nain mi cu an sual lengmang ko i
a zumh in an zum duh lo;
33cucaah cun an ni cu thaw bantukin
a donghter hna,
an nunnak cu chikkhatte ah
thil ṭhalo nih a tlunhnawh hna i
a dong.
34Sihmanhsehlaw a cheu a thah hna
tikah khan,
a cheu cu amah leiah an i mer ve;
an i ngaichih i amah sinah thla
fak piin an cam.
35Annih a hupphengtu hna cu Pathian
a si kha an hun hngalh i
annih a khamhtu hna cu
Cungnung Bik a si kha
an hun theih.
36Sihmanhsehlaw an bia cu lih lawngte
a si i
an chimmi paoh cu hlennak
lawngte a si.
37Amah sinah khan zumhawktlak in
an um lo,
amah sin i bia an i kammi kha
an zul lo.
38Asinain Pathian cu a mi hna
cungah khan zaangfahnak a ngei,
an sualnak kha a ngaihthiam hna i
a hrawk hna lo.
Thinhun kha voi tampi aa sum i
a thinlinhnak kha voi tampi
chuahter loin a um.
39Minung an si kha a philh lo,
a hung hrang i a lo ṭhan komi thlitu
bantuk men an si kha a philh lo.
40Voi zeizat riamruam dik amah kha
ramcar chungah khan an doh;
voi zeizat riamruam dik a ngaih
an chiatter!
41Atu le atu Pathian kha an hneksak,
atu le atu Israel Mi Thiang kha
a thin an hunter.
42A liannganmi a ṭhawnnak kha
an philh;
an ral hna kut chungin a khamh hna
kha an philh,
43Izipt ram Zoan lo lak i
a liannganmi thil le khuaruahharmi
thil a tuahmi kha an philh.
44Tiva kha thi ah a canter hna i
Izipt mi nih khan tiva ti cu
an ding kho lo. #Exo 7.17-21
45Tho kha a thlahhnawh hna i awlok
an chonh hna,
utlak kha a thlahhnawh hna i
an lo kha an hrawhpiak dih hna. #Exo 8.1-6,20-24
46An rawl kung eitu ah lunghmul
a thlahhnawh hna i
an lo hrawktu ah khaubawk
a thlahhnawh hna. #Exo 10.12-15
47An mitsur ruang cu rial in a thah hna i
an theipi kung cu hawhra in
a thah hna. #Exo 9.22-25
48An caw cu rial in a thah hna i
an tuurun cu ṭek in a thah hna.
49Ṭih a nungmi a thinhunnak kha
an cungah a thlet hnawh hna i
hrawktu vancungmi
a thlahhnawhmi hna nih khan
harnak tampi an pek hna.
50A thin kha a sum lo i an nunnak
zong kha a zuah hna lo;
rai in a thah dih hna.
51Izipt ram chung innchungkhar dihlak
an fapa upa bik kha a thah dih hna.#Exo 12.29
52Cun tuukhal bangin a mi cu
a chuahpi hna i
ramcar chungah khan
lam a hruai hna. #Exo 13.17-22
53Him tein a kalpi hna i zeihmanh
an ṭih lo,
sihmanhsehlaw an ral hna cu
rili nih a vui hna. #Exo 14.26-28
54A ram thiang chungah cun
a luhpi hna,
amah hrimhrim nih a teimi tlang
ah cun a phakpi hna. #Exo 15.17; Jos 3.14-17
55A mi pawl cu hmailei i an hung fon
deuh lengmang tikah khan
cuka i a rak ummi hna kha
a dawi hna;
ram cu Israel miphun kha
a cheuh hna i
cuka ah cun an thlam chung cio ah
khan khua a sakter hna. #Jos 11.16-23
56Asinain Lianngan Bik Pathian kha
an doh i an hneksak.
A nawlbia kha zulh an duh lo i #Biac 2.11-15
57an pu an pa hna bantuk khan
ral thawh hmang le zumh awk tlak loin an um ve,
aa merhmi likuk in kahmi
thal cu a ka a kheng khomi
a si lo caah i bochan khawh ding
a si lo bantukin annih zong
bochan awk a tlakmi an si ve lo.
58Lawkih biaknak hmun an sermi nih
khan a thin a hunter i
an serchommi siasal hna nih khan
a nah an chuahter.
59Cucu Pathian nih a hmuh tikah
a thin a hung i
cucaah a mi cu a hlawt hna.
60Shiloh khua i a ummi an thlam cu
a kaltak,
minung sin i a umnak a inn cu
a kaltak. #Jos 18.1; Jer 7.12-14; 26.6
61Biakamnak kuang kha kan ral
pawl cu a tlaihter hna.
a lianhngannak le a sunparnak
an umnak kuang cu a tlaihter hna. #1Sam 4.4-22
62Amah a mi hna lila cungah cun
a thin a hung i
an ral kha annih cu a thahter hna.
63Ral ah tlangval cu an thi lengmang i
ngaknu pawl cu vat awk
an ngei ti lo.
64Tlangbawi cu vainam in an thi i
an nupile nih khan a ngaih hmanh
an ngai kho hna lo.
65A donghnak ah Bawipa cu hngilh i
hun i hlauh bantuk khin a hun i hlau;
zu nih a tha a pawttermi ralkap
ṭhawng bantuk khi a si.
66A ral cu a khirh hna i a tei cikcek hna,
ningzak in a thawh in tho kho ti
loin a tei hna.
67Josef tefa kha a hlawt hna i
Efraim phun kha a thim hna lo.
68Judah phun tu kha a thim i
a duh ngaingaimi Zion Tlang
tu kha a thim.
69Cuka ah cun a biakinn kha a sak,
vancung i a inn bantuk a si;
vawlei bantuk fek in a ser i
zungzal him dingin a tuah.
70A sal David kha a thim i
tuu a khalhnak le tuu a cawnghnak
khan a lak. #1Sam 16.11-12; 2Sam 7.8; 1Cha 17.7
71Amah cu Israel siangpahrang ah
a ser,
Pathian mi hna tuukhal ah a ser.
72David nih cun a lungthin a dih-umnak
in a zohkhenh hna i
fimnak in a hruai hna.
in a zohkhenh hna i
fimnak in a hruai hna.
Currently Selected:
SALM 78: HCL06
Highlight
Copy
Compare
Share
Want to have your highlights saved across all your devices? Sign up or sign in
Lai (Hakha) Common Language Bible © Bible Society of Myanmar 2006
SALM 78
78
Pathian le A Mi Hna
1Maw ka mi hna, kan cawnpiakmi
hna kha ngai tuah u,
ka chimmi bia kha ṭha tein
ngai tuah u.
2Nan sinah bia ka chim lai i
hlanlio thil khuaruahhar kha
a sullam kan chimh hna lai. #Mat 13.35
3Cu thil cu kan rak theihmi le
kan rak hngalhmi kha an si,
kan pupa hna nih
an kan chimhmi kha an si.
4 Bawipa ṭhawnnak le amah nih thil
lianngan a tuahmi hna le,
thil khuaruahhar a tuahmi hna kha,
kan fale cu chim loin kan um hna lai lo,
kan hmai chan mi kha
kan chimh hna lai.
5Israel mi kha nawlbia a pek hna,
Jakob tefa kha nawlbia a pek hna.
Ka nawlbia cu nan fale kha
nan cawnpiak hna lai,
tiin kan pupa kha a fial hna.
6Cuticun hmai chan mi nih
an hngalh ve lai i
an fale kha an cawnpiak ve hna lai.
7Cun Pathian zong kha an i bochan
lai i a tuahmi thil kha an philh
hna lai lo,
a nawlbia kha an zulh zungzal
hna lai.
8Annih cu a hringsortu hna bantuk kha
an si lai lo,
kha hna kha cu ralthawh hmang,
nawl ngai lomi,
Pathian fek tein aa bochan lomi,
Pathian sinah zumhawktlak in
a um bal lomi an si.
9Li le thal in ral a tu tawnmi
Efraim mi kha
raltuk taktak ni ah cun an zam.
10Pathian sinah bia an i kammi kha
an zul lo,
a nawlbia kha ngaih an duh lo.
11A tuahmi thil kha an philh hna i
khuaruahharnak a langhtermi kha
an i cinken lo.
12An pupa hna mithmuh hrimhrim ah
khan Pathian nih khuaruahharmi
thil pakhat a tuah,
Zoan lo ah, Izipt ram ah khan
a tuah. #Exo 7.8—12.32
13Rili kha a cheu i a chungin
a hruai hna;
ti cu vampang bantukin
a dirter hna. #Exo 14.21-22
14Chun ah khuadawm in a hruai hna i
zan ah mei ceu in a hruai hna. #Exo 13.21-22
15Ram car chungah khan lung ngan pipi
kha a khuai hna i
rili ti zat in din awk ti a pek hna; #Exo 17.1-7; Nam 20.2-13
16lungpang chung khan tiva
a chuahter hna i
ti cu tiva bangin a luanter.
17Sihmanhsehlaw Pathian cungah cun
sualnak an tuah lengmang ko i
Cung Nung Bik kha ramcar
chungah cun an doh zungzal ko.
18Kan duhmi rawl cu na kan pek
hrimhrim lai tiin Pathian cu
an hneksak. #Exo 16.2-15; Nam 11.4-23,31-35
19Pathian cu an thangchiat i,
“Pathian nih cun ramcar ah cun
cabuai cu a hung kho ngai
hnga maw?
20Lungpi cu a tuk i ti cu a chuak
hluahmah taktak,
asinain rawl cu a kan pe kho ngai
hnga maw?
A mi cu sa a kan pe kho ngai
hnga maw?” an ti.
21Cu an chimmi cu Pathian nih a theih
tikah an cungah a thin a hung;
a mi cu mei in a hrem hna i
an cung i a thinhunnak kha
a ṭhang,
22zeicahtiah amah kha an i bochan
duh lo i
a kan khamh lai, tiah
an zum duh lo.
23Sihmanhsehlaw van kha bia a chimh i
a innka kha a hunter;
24vancung cun rawl a run pek hna,
an ei awk manna changreu kha
a run thlak hna.
25Cuticun vancungmi rawl kha an ei.
Pathian nih an ei khawh chung
ei awkin a pek hna.
26Cun nichuahlei thli kha a hranter i
a ṭhawnnak in thlanglei thli kha
a thawhter,
27cun leidip zat in va kha a thlak hna,
rili kam thetse zat in a thlak hna;
28an riahhmun laifang ah khan an tla,
an thlam velchum ah khan an tla.
29Cuticun mi nih khan an ei hna i
an khim;
Pathian nih an duh zat in a pek hna.
30Sihmanhsehlaw an ei lio,
a khim hmanh
an khim hlanah khan,
31Pathian cu an cungah a thin a hung i
an miṭhawng bikbik kha a thah hna,
Israel tlangval ṭha bikbik kha
a thah hna!
32Hi vialte khuaruahharnak a tuah ko
nain mi cu an sual lengmang ko i
a zumh in an zum duh lo;
33cucaah cun an ni cu thaw bantukin
a donghter hna,
an nunnak cu chikkhatte ah
thil ṭhalo nih a tlunhnawh hna i
a dong.
34Sihmanhsehlaw a cheu a thah hna
tikah khan,
a cheu cu amah leiah an i mer ve;
an i ngaichih i amah sinah thla
fak piin an cam.
35Annih a hupphengtu hna cu Pathian
a si kha an hun hngalh i
annih a khamhtu hna cu
Cungnung Bik a si kha
an hun theih.
36Sihmanhsehlaw an bia cu lih lawngte
a si i
an chimmi paoh cu hlennak
lawngte a si.
37Amah sinah khan zumhawktlak in
an um lo,
amah sin i bia an i kammi kha
an zul lo.
38Asinain Pathian cu a mi hna
cungah khan zaangfahnak a ngei,
an sualnak kha a ngaihthiam hna i
a hrawk hna lo.
Thinhun kha voi tampi aa sum i
a thinlinhnak kha voi tampi
chuahter loin a um.
39Minung an si kha a philh lo,
a hung hrang i a lo ṭhan komi thlitu
bantuk men an si kha a philh lo.
40Voi zeizat riamruam dik amah kha
ramcar chungah khan an doh;
voi zeizat riamruam dik a ngaih
an chiatter!
41Atu le atu Pathian kha an hneksak,
atu le atu Israel Mi Thiang kha
a thin an hunter.
42A liannganmi a ṭhawnnak kha
an philh;
an ral hna kut chungin a khamh hna
kha an philh,
43Izipt ram Zoan lo lak i
a liannganmi thil le khuaruahharmi
thil a tuahmi kha an philh.
44Tiva kha thi ah a canter hna i
Izipt mi nih khan tiva ti cu
an ding kho lo. #Exo 7.17-21
45Tho kha a thlahhnawh hna i awlok
an chonh hna,
utlak kha a thlahhnawh hna i
an lo kha an hrawhpiak dih hna. #Exo 8.1-6,20-24
46An rawl kung eitu ah lunghmul
a thlahhnawh hna i
an lo hrawktu ah khaubawk
a thlahhnawh hna. #Exo 10.12-15
47An mitsur ruang cu rial in a thah hna i
an theipi kung cu hawhra in
a thah hna. #Exo 9.22-25
48An caw cu rial in a thah hna i
an tuurun cu ṭek in a thah hna.
49Ṭih a nungmi a thinhunnak kha
an cungah a thlet hnawh hna i
hrawktu vancungmi
a thlahhnawhmi hna nih khan
harnak tampi an pek hna.
50A thin kha a sum lo i an nunnak
zong kha a zuah hna lo;
rai in a thah dih hna.
51Izipt ram chung innchungkhar dihlak
an fapa upa bik kha a thah dih hna.#Exo 12.29
52Cun tuukhal bangin a mi cu
a chuahpi hna i
ramcar chungah khan
lam a hruai hna. #Exo 13.17-22
53Him tein a kalpi hna i zeihmanh
an ṭih lo,
sihmanhsehlaw an ral hna cu
rili nih a vui hna. #Exo 14.26-28
54A ram thiang chungah cun
a luhpi hna,
amah hrimhrim nih a teimi tlang
ah cun a phakpi hna. #Exo 15.17; Jos 3.14-17
55A mi pawl cu hmailei i an hung fon
deuh lengmang tikah khan
cuka i a rak ummi hna kha
a dawi hna;
ram cu Israel miphun kha
a cheuh hna i
cuka ah cun an thlam chung cio ah
khan khua a sakter hna. #Jos 11.16-23
56Asinain Lianngan Bik Pathian kha
an doh i an hneksak.
A nawlbia kha zulh an duh lo i #Biac 2.11-15
57an pu an pa hna bantuk khan
ral thawh hmang le zumh awk tlak loin an um ve,
aa merhmi likuk in kahmi
thal cu a ka a kheng khomi
a si lo caah i bochan khawh ding
a si lo bantukin annih zong
bochan awk a tlakmi an si ve lo.
58Lawkih biaknak hmun an sermi nih
khan a thin a hunter i
an serchommi siasal hna nih khan
a nah an chuahter.
59Cucu Pathian nih a hmuh tikah
a thin a hung i
cucaah a mi cu a hlawt hna.
60Shiloh khua i a ummi an thlam cu
a kaltak,
minung sin i a umnak a inn cu
a kaltak. #Jos 18.1; Jer 7.12-14; 26.6
61Biakamnak kuang kha kan ral
pawl cu a tlaihter hna.
a lianhngannak le a sunparnak
an umnak kuang cu a tlaihter hna. #1Sam 4.4-22
62Amah a mi hna lila cungah cun
a thin a hung i
an ral kha annih cu a thahter hna.
63Ral ah tlangval cu an thi lengmang i
ngaknu pawl cu vat awk
an ngei ti lo.
64Tlangbawi cu vainam in an thi i
an nupile nih khan a ngaih hmanh
an ngai kho hna lo.
65A donghnak ah Bawipa cu hngilh i
hun i hlauh bantuk khin a hun i hlau;
zu nih a tha a pawttermi ralkap
ṭhawng bantuk khi a si.
66A ral cu a khirh hna i a tei cikcek hna,
ningzak in a thawh in tho kho ti
loin a tei hna.
67Josef tefa kha a hlawt hna i
Efraim phun kha a thim hna lo.
68Judah phun tu kha a thim i
a duh ngaingaimi Zion Tlang
tu kha a thim.
69Cuka ah cun a biakinn kha a sak,
vancung i a inn bantuk a si;
vawlei bantuk fek in a ser i
zungzal him dingin a tuah.
70A sal David kha a thim i
tuu a khalhnak le tuu a cawnghnak
khan a lak. #1Sam 16.11-12; 2Sam 7.8; 1Cha 17.7
71Amah cu Israel siangpahrang ah
a ser,
Pathian mi hna tuukhal ah a ser.
72David nih cun a lungthin a dih-umnak
in a zohkhenh hna i
fimnak in a hruai hna.
in a zohkhenh hna i
fimnak in a hruai hna.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lai (Hakha) Common Language Bible © Bible Society of Myanmar 2006