SALM 71
71
Tarpa Thlacamnak
1Maw Bawipa, nangmah cu
kaa dornak hmun na si,
zeitikhmanh ah ningzahnak
ka phakter hlah!
2Na din caah ka hram law
ka chanh ko,
ka bia ka ngaihpiak law
ka khamh tuah.
3Ka caah himnak lungpi si law
a fekmi ralhruang a ka hupphengtu si ko;
nangmah cu ka himnak lungpi le
ka ralhruang na si.
4Ka Pathian, miṭhalo hna kut chungin
ka khamh tuah,
mipuarhrang le miding lo hna
kut chungin ka khamh ko.
5 Bawipa, nangmah cungah ka ruahchannak
vialte kha ka chiah,
ka no lio tein nangmah cu
kan bochan zungzal.
6Ka nun chung vialte nangmah cu
kan hngatchan;
ka chuahka in nangmah nih
na ka huhphenh zungzal;
nangmah cu a zungzal in
kan thangṭhat lai.
7Ka nunnak hi mi tampi caah cun
khuaruahhar a si,
sihmanhsehlaw nangmah cu
a ṭhawngmi a ka hupphengtu
na si.
8Chun nitlak in kan thangṭhat i
na sunparnak cu ka chim.
9Atu cu a tar cang aipat tiin
ka hlaw sawh hlah,
san a tlai ti ualpat lo tiin
ka kaltak hlah.
10Ka ral nih cun thah an ka duh,
an i ceih i keimah thahnak ding
khua kha an khaan.
11An i thawh i, “Pathian nih
a hlawt cang,
dawi u sih law tlai u sih;
zeicahtiah a chanhtu ding
ahohmanh an um lo,” an ti.
12Maw Pathian, lamhlatpi ah
ka umtak hlah;
ka Pathian, atu ah ka bawm ko.
13A ka dohtu pawl kha sung hna
seh law rawk hna seh.
Ka cungah fahnak tlunter
aa zuammi kha
ningzahnak le hmaichiatnak
phan hna seh.
14Nangmah cungah ka ruahchannak
vialte cu ka chiah dih ko lai,
nangmah cu kan thangṭhat chin
lengmang lai.
15Na dinnak kong kha ka chim lai i
na khamhnak kha chun nitlak
ka thanh lai;
na khamhnak cu ka hngalh khawh
leng a si nain ka thanh lai.
16Bawipa Pathian, na ṭhawnnak cu
ka thangṭhat lai,
na dinnak, nangmah dinnak
lawnglawng kha ka thanh lai.
17Ka no lio tein nangmah nih
na ka cawnpiak i atu tiangin
khuaruahhar na tuahmi kha
ka chim lengmang ko.
18Atu cu a tar i a sam a par cang
aipat tiin
ka kaltak hlah, maw Pathian.
Hmailei chan a ra ding vialte sinah
na ṭhawnnak le
na lianhngannak ka chimnak
dingah hin
nangmah nih ka umpi ko.
19Maw Pathian, na dinnak cu
van khi a phan.
Thil lianngan tampi na tuah hna,
nangmah bantuk ahohmanh
an um lo.
20Ka cungah harnak le nganfahnak kha
na tlunter,
sihmanhsehlaw nangmah nih
ka thazang kha na ka pek
ṭhan lai i
thlan chungin na ka khamh lai.
21Hmasa nakin a ngan chinchin ah
na ka ser lai,
nangmah nih hnangamnak
na ka pek ṭhan lai.
22Tingtang in nangmah cu
kan thangṭhat lai,
Ka Pathian, zumhawktlak
na sinak cu ka thangṭhat lai.
Maw Israel Mi Thiang, ka tingtang in
nangmah thangṭhatnak hla cu
ka sa lai.
23Nangmah thangṭhat in tingtang
ka tum pah in
lunglawm in ka au lai,
nangmah nih na ka khamh caah
ka minung sinak a dihlak in
kan thangṭhat lai.
24Chun nitlak in na dinnak kha
ka chim lai, zeicahtiah
harnak pek a ka duhmi kha
an sung cang i
ningzahnak an phan cang.
ningzahnak an phan cang.
Currently Selected:
SALM 71: HCL06
Highlight
Copy
Compare
Share
Want to have your highlights saved across all your devices? Sign up or sign in
Lai (Hakha) Common Language Bible © Bible Society of Myanmar 2006
