SALM 69
69
Harnak Caan Thlacamnak
David Hla
1Maw Pathian, ka khamh ko sawh!
Ti nih ka hngawng tiangin
a ka phum cang.
2A thukmi nawncek chungah
ka pil cuahmah i lamh awk
a fekmi hmun a um lo.
A thuhnak hmun ka phan cang i
tilet nih an ka phum dengmang cang.
3Ka bawm tuah tiin ka aunak ah
ka baa cang i ka or zong
a fak dih cang;
bawmhnak a ka pe lai maw tiin
ka mithram cat in kan zoh.
4Zei ruang lo ah a ka huatu hna cu
ka lu cung sam nakin an tam deuh,
ka ral an sinak kongah lih a chimmi
hna cu
an ṭhawng i thah an ka duh.
Ka fir lomi thil kha an ka chamter. #Slm 35.19; Jhn 15.25
5Maw Pathian, ka sualnak cu
nangmah sinin an i thup kho lo;
zeitluk in dah ka hruh cu
na hngalh ko.
6Maw Lianngan Bik Pathian Bawipa,
nangmah an bochantu hna cungah
ningzahnak ka tlunter nakhnga lo ka bawm.
Maw Israel Pathian, nangmah
an biatu hna cungah hmaichiatnak
ka tlunter nakhnga lo ka bawm.
7Nangmah ruangah nihsawhnak
ka hmuh hi a si i
nangmah ruangah ningzahnak nih
a kan khuh hi a si.
8Ka unau hna sinah khual ah
ka cang i
ka nufale hna sinah ramdangmi ah
ka cang.
9Na biakinn ka ṭanhnak hi ka chungah
mei bantukin a alh i
nangmah an in nihsawhnak kha
keimah cungah a tla. #Jhn 2.17; Rom 15.3
10Rawl ulhnak in toidornak lungthin
ngeih kaa zuam i
asinain mi nih an ka nihsawh
ṭhiamṭhiam.
11Zuun ngaihnak thuam in kaa thuam i
capo ah an ka saih.
12Zatlang lam ah ka kong an ka ceih i
zuri nih hla an ka phuah
13Asinain kei cu na sinah thla
ka cam ko lai,
Maw Bawipa;
a nganmi na dawtnak ruangah
ka let law,
kan khamh lai tiah na ka kammi
ruangah ka let ko sawh,
na duh tik caan ah nangmah nih
ka let ko, Maw Pathian.
14Nawncek chung ka tlaknak khan
ka chuah ko,
ka ral hna kut chungin ka huppheng
ko law a thukmi ti chungin
him tein ka chuah ko.
15Tilian cu ka fenhter sawh hlah;
a thukmi ti chungah cun
ka pilter sawh hlah,
thlan chungah cun ka tlakter
sawh hlah.
16Maw Bawipa, a fekmi na dawtnak
ṭhatnak thawngin
ka thlacamnak cu ka let law,
zawnruahnak ngan na ngeihmi
thawngin keimah leiah i mer ko.
17Na sal hi ka thuhtak hlah;
harnak nganpi ka tong — atu
hrimhrim ah ka let ko sawh!
18Ra ka zuanhnawh law ka khamh tuah;
ka ral hna kut chungin
ka chuah tuah.
19Zeitluk in dah an ka nihsawh i
hmaichiatnak le ningzahnak
ka huah kha na hngalh;
ka ral cu na hmuh dih ko hna.
20An ka serhsat tuk caah ka lung zong
a rawk dih;
zeihmanh ka tuah kho ti lo.
An ka zaangfah rua lai tiah
ka rak ruah,
sihmanhsehlaw zaangfahnak
zeihmanh ka hmu lo;
a ka hnemtu an um rua lai tiah
ka rak ruah,
sihmanhsehlaw ahohmanh
an um lo.
21Ka rawl a ṭam tikah sivai tu
an ka pek,
ka ti a hal tikah ti thor
an ka dinh. #Mat 27.48; Mar 15.36; Luk 23.36; Jhn 19.28-29
22An puai cu anmah rawhnak ah
cang seh law
an i nuamhnak cu anmah tluknak
ah cang ko seh. #Rom 11.9-10
23An mit cawtter hna law khua hmu
kho hna hlah seh;
an keng cu derthawm zungzal
hna seh.
24Na thinhunnak cu toih hna law
na thinlinhnak nih phan hna seh.
25An riahhmun cu chuahtak hna
seh law an thlam chungah
a nungmi pakhat hmanh
tang hna hlah seh. #Lam 1.20
26Dan na tat cangmi kha an hrem
chinchin hna i
nganfahnak na inter cangmi hna
kha an thangchiat hna.
27An sualnak kha cazin chungah
i khumh dih law
na khamhnak chungah covo
zeihmanh ngei hna hlah seh.
28An min cu a nungmi minung cazin
khan hloh si hna seh;
na mi hna min cazin chungah
i tel hna hlah seh. #Exo 32.32; Biat 3.5; 13.8; 17.8
29Sihmanhsehlaw kei cu harnak chung
le temhinnak chungah
ka um i cucaah cun
ka cawi law ka khamh tuah,
Maw Pathian.
30Pathian cu hla in ka thangṭhat lai,
a lianhngannak cu ka thanh lai i
amah cungah kaa lawmhnak cu
ka chim lai.
31Hi nih hin Bawipa cu cawtum
pekchanh nakin a lawmhter deuh lai i
cawtum kum tlingmi pekchanhnak
hmanh in a lawmhter deuh lai.
32Cu thil cu serhsatnak a ingmi nih an
hmuh tikah an i lawm lai;
Pathian a biami cu lung ṭhawnnak
thar an hmu lai.
33Sifahnak le retheihnak a ingmi hna
thlacamnak cu Bawipa nih a ngaih i
thong chungah a ummi hna kha
a philh hna lo.
34Van le vawlei hna, Bawipa cu
thangṭhat tuah u,
rili le a chung i a ummi
thil vialte hna,
Bawipa cu thangṭhat tuah u.
35Zion cu a khamh lai i
Judah ram chung khua cu
a remh ṭhan hna lai;
a mi cu cuka ah cun khua an sa lai i
ram cu an co lai;
36a sal hna an tefa nih an co lai i
amah a dawmi kha cuka ah cun
an um lai.
Currently Selected:
SALM 69: HCL06
Highlight
Copy
Compare
Share
Want to have your highlights saved across all your devices? Sign up or sign in
Lai (Hakha) Common Language Bible © Bible Society of Myanmar 2006
SALM 69
69
Harnak Caan Thlacamnak
David Hla
1Maw Pathian, ka khamh ko sawh!
Ti nih ka hngawng tiangin
a ka phum cang.
2A thukmi nawncek chungah
ka pil cuahmah i lamh awk
a fekmi hmun a um lo.
A thuhnak hmun ka phan cang i
tilet nih an ka phum dengmang cang.
3Ka bawm tuah tiin ka aunak ah
ka baa cang i ka or zong
a fak dih cang;
bawmhnak a ka pe lai maw tiin
ka mithram cat in kan zoh.
4Zei ruang lo ah a ka huatu hna cu
ka lu cung sam nakin an tam deuh,
ka ral an sinak kongah lih a chimmi
hna cu
an ṭhawng i thah an ka duh.
Ka fir lomi thil kha an ka chamter. #Slm 35.19; Jhn 15.25
5Maw Pathian, ka sualnak cu
nangmah sinin an i thup kho lo;
zeitluk in dah ka hruh cu
na hngalh ko.
6Maw Lianngan Bik Pathian Bawipa,
nangmah an bochantu hna cungah
ningzahnak ka tlunter nakhnga lo ka bawm.
Maw Israel Pathian, nangmah
an biatu hna cungah hmaichiatnak
ka tlunter nakhnga lo ka bawm.
7Nangmah ruangah nihsawhnak
ka hmuh hi a si i
nangmah ruangah ningzahnak nih
a kan khuh hi a si.
8Ka unau hna sinah khual ah
ka cang i
ka nufale hna sinah ramdangmi ah
ka cang.
9Na biakinn ka ṭanhnak hi ka chungah
mei bantukin a alh i
nangmah an in nihsawhnak kha
keimah cungah a tla. #Jhn 2.17; Rom 15.3
10Rawl ulhnak in toidornak lungthin
ngeih kaa zuam i
asinain mi nih an ka nihsawh
ṭhiamṭhiam.
11Zuun ngaihnak thuam in kaa thuam i
capo ah an ka saih.
12Zatlang lam ah ka kong an ka ceih i
zuri nih hla an ka phuah
13Asinain kei cu na sinah thla
ka cam ko lai,
Maw Bawipa;
a nganmi na dawtnak ruangah
ka let law,
kan khamh lai tiah na ka kammi
ruangah ka let ko sawh,
na duh tik caan ah nangmah nih
ka let ko, Maw Pathian.
14Nawncek chung ka tlaknak khan
ka chuah ko,
ka ral hna kut chungin ka huppheng
ko law a thukmi ti chungin
him tein ka chuah ko.
15Tilian cu ka fenhter sawh hlah;
a thukmi ti chungah cun
ka pilter sawh hlah,
thlan chungah cun ka tlakter
sawh hlah.
16Maw Bawipa, a fekmi na dawtnak
ṭhatnak thawngin
ka thlacamnak cu ka let law,
zawnruahnak ngan na ngeihmi
thawngin keimah leiah i mer ko.
17Na sal hi ka thuhtak hlah;
harnak nganpi ka tong — atu
hrimhrim ah ka let ko sawh!
18Ra ka zuanhnawh law ka khamh tuah;
ka ral hna kut chungin
ka chuah tuah.
19Zeitluk in dah an ka nihsawh i
hmaichiatnak le ningzahnak
ka huah kha na hngalh;
ka ral cu na hmuh dih ko hna.
20An ka serhsat tuk caah ka lung zong
a rawk dih;
zeihmanh ka tuah kho ti lo.
An ka zaangfah rua lai tiah
ka rak ruah,
sihmanhsehlaw zaangfahnak
zeihmanh ka hmu lo;
a ka hnemtu an um rua lai tiah
ka rak ruah,
sihmanhsehlaw ahohmanh
an um lo.
21Ka rawl a ṭam tikah sivai tu
an ka pek,
ka ti a hal tikah ti thor
an ka dinh. #Mat 27.48; Mar 15.36; Luk 23.36; Jhn 19.28-29
22An puai cu anmah rawhnak ah
cang seh law
an i nuamhnak cu anmah tluknak
ah cang ko seh. #Rom 11.9-10
23An mit cawtter hna law khua hmu
kho hna hlah seh;
an keng cu derthawm zungzal
hna seh.
24Na thinhunnak cu toih hna law
na thinlinhnak nih phan hna seh.
25An riahhmun cu chuahtak hna
seh law an thlam chungah
a nungmi pakhat hmanh
tang hna hlah seh. #Lam 1.20
26Dan na tat cangmi kha an hrem
chinchin hna i
nganfahnak na inter cangmi hna
kha an thangchiat hna.
27An sualnak kha cazin chungah
i khumh dih law
na khamhnak chungah covo
zeihmanh ngei hna hlah seh.
28An min cu a nungmi minung cazin
khan hloh si hna seh;
na mi hna min cazin chungah
i tel hna hlah seh. #Exo 32.32; Biat 3.5; 13.8; 17.8
29Sihmanhsehlaw kei cu harnak chung
le temhinnak chungah
ka um i cucaah cun
ka cawi law ka khamh tuah,
Maw Pathian.
30Pathian cu hla in ka thangṭhat lai,
a lianhngannak cu ka thanh lai i
amah cungah kaa lawmhnak cu
ka chim lai.
31Hi nih hin Bawipa cu cawtum
pekchanh nakin a lawmhter deuh lai i
cawtum kum tlingmi pekchanhnak
hmanh in a lawmhter deuh lai.
32Cu thil cu serhsatnak a ingmi nih an
hmuh tikah an i lawm lai;
Pathian a biami cu lung ṭhawnnak
thar an hmu lai.
33Sifahnak le retheihnak a ingmi hna
thlacamnak cu Bawipa nih a ngaih i
thong chungah a ummi hna kha
a philh hna lo.
34Van le vawlei hna, Bawipa cu
thangṭhat tuah u,
rili le a chung i a ummi
thil vialte hna,
Bawipa cu thangṭhat tuah u.
35Zion cu a khamh lai i
Judah ram chung khua cu
a remh ṭhan hna lai;
a mi cu cuka ah cun khua an sa lai i
ram cu an co lai;
36a sal hna an tefa nih an co lai i
amah a dawmi kha cuka ah cun
an um lai.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lai (Hakha) Common Language Bible © Bible Society of Myanmar 2006