SALM 68
68
Ral Tei Thangṭhatnak Hla
David Hla
1Pathian cu tho seh law a ral kha
ṭhek dih hna seh!
Amah a huatu cu zam dih hna seh.
2Meikhu kha thli nih a choih bantukin
a choih dih hna lai,
khuailul kha mei nih a emh tikah
a tit bantukin miṭhalo cu
Pathian hmaika ah an rawk lai.
3Sihmanhsehlaw miding mi cu
an i lawm lai i
a hmaiah khan an tha a nuam lai;
lunglawm ngaingai in an um lai.
4Pathian cu hla in thangṭhat u,
a min cu thangṭhat u;
khuadawm aa citmi caah cun
lam kha ser tuah u.
Amah a min cu Bawipa a si — amah
hmaiah cun i lawm tuah u!
5A biakinn thiang chungah a ummi
Pathian nih,
ngakṭah le nuhmei kha an zawn
a ruah hna.
6Lungleng le umhar in a ummi kha
umnak inn a pek hna i
thongtla kha luatnak lawmhnak
chungah a chuahpi hna;
sihmanhsehlaw ralthawh hmangmi cu
ramcar ah an um lai.
7Maw Pathian, na mi na hruai hna
tik le
thetse ram tan in na kalpi hna
tikah khan
8vawlei cu aa hnin i van in
ruahpi a sur;
cu bantukin a si cu Sinai Tlang
Pathian a rat ca le
Israel Pathian a rat ruangah a si. #Exo 19.18
9Ruah tampi in na surter i
a fe cangmi na ram kha
na ṭhatter ṭhan.
10Cuka ah cun na mi nih innlo
an khuar i na ṭhatnak thawngin
sifakmi kha rawl ei awk
na pek hna.
11 Bawipa nih nawlbia cu a chuah i
cu thawng cu nu tampi nih
an kalpi:
12“Siangpahrang hna le an ralkap
hna cu an zam cang,” an ti.
Inn i a ummi nu hna nih khan,
hranchaw an tlaihmi kha
an rak i phaw;
13cu hranchaw hna cu ngun in
tuammi ṭhuro milem tete an si,
an thla cu sui bantukin a tleu.
(Zeicahdah a cheu cu raldoh ni ah
tuu kawm chungah nan um ko?)
14Lianngan Bik Pathian nih
siangpahrang hna cu
Zalmon Tlang ah
a ṭhek dih hna tikah khika ah
hawhra kha a surter.
15Bashan tlang hi zeitluk in
a nganmi tlang dah a si!
Tlang zum tampi a ngeimi tlang a si.
16Zeicahdah cu bantuk tlang ngan,
tlang zum tampi a ngeimi tlang nih,
Pathian nih umnak ah aa thimmi
tlang cu na nihsawh?
Cuka ah cun Pathian cu, zungzal in
a um ko ṭung lai!
17A ṭhawngmi a rangleng thong
tampi he
Bawipa cu Sinai Tlang in a ra i
a hmunthiang ah cun a lut.
18Tlang sang par ah cun a hung kai i
sal tlaihmi tampi aa hruaih hna;
amah a dohtu hna nih khan
amah cu laksawng an pek.
Cuka ah cun Bawipa Pathian cu
a um lai. #Efe 4.8
19Ni khat hnu ni khat kan thilrit
a kan changtu Bawipa cu thangṭhat ko u,
amah cu a kan khamhtu
Pathian a si.
20Kan Pathian cu mi a khamhtu
Pathian a si,
amah cu Bawipa kan Bawipa,
thihnak chungin a kan chuahtu
a si.
21Pathian nih a ral pawl cu an lu a khuai
hrimhrim hna lai,
an sualnak lam a zul pengmi hna cu.
22 Bawipa nih, “Nan ral cu Bashan in
ka rak kirpi ṭhan hna lai;
rili thukmi chungin
ka rak kirpi ṭhan hna lai i
23an thisen chungah cun
nan i chawk lai i
nan uico nih an duh chungin
an liah hna lai,” a ti.
24Maw Pathian, teinak in na kal cu
mi vialte nih an hmuh,
Pathian ka siangpahrang
a hmunthiang chung i
a luh cu an hmuh dih.
25Hlasatu pawl kha hmaisuang ah
an um,
aw dawh tum thiam pawl kha
hnulei ah an um,
an karlak ah khan khuang tumtu
nu pawl kha an um.
26“A mi an i pumhnak ah Pathian cu
thangṭhat u;
Israel tefa vialte hna, Bawipa cu
thangṭhat ko u.”
27A hmasa ah an lak i phun hme bik
Benjamin kha a ra,
cun Judah phun hruaitu pawl kha
an mi hna he cun an ra i
Zebulun le Naftali phun
hruaitu pawl nih khan
an zulh hna.
28Maw Pathian, na ṭhawnnak
langhter ko,
kan ca i na hmanmi na ṭhawnnak
kha langhter ko.
29Siangpahrang nih laksawng
an in putnak
Jerusalem khua chung i
na biakinn khan langhter ko.
30Izipt cu mawhchiat ko,
phaikung lak i a tlongmi
sahrang kha mawhchiat ko,
miphun cu chimhring ko hna,
an fale he a ummi cawtum hna kha;
annih nih na hmaiah an kun i
an ngun cu an in pek hlantiang
annih cu chimhring ko hna.
Ral thawh a duhmi kha
ṭhek ko hna.
31Izipt ram in cozah nih thlahmi
lamkaltu an ra lai;
Ethiopia mi nih Pathian sinah
thlacam in an kut an hler lai.
32Vawleicung ram hna, Pathian cu
hla in thangṭhat u,
Bawipa cu thangṭhat ko u.
33Van a citmi, a hlunmi van aa citmi cu
thangṭhat u.
Aw thang piin a au cu ngai tuah u.
34Pathian ṭhawnnak cu thanh tuah u
a lianhngannak cu Israel mi cungah
a um,
a ṭhawnnak cu van ah khin a um.
35Pathian, Israel Pathian, a hmunthiang
chung in a rami cu zeitluk in dah
ṭihnung a si!
A mi cu ṭhawnnak le lianhngannak
a pek hna.
Pathian cu thangṭhat ko u!
Currently Selected:
SALM 68: HCL06
Highlight
Copy
Compare
Share
Want to have your highlights saved across all your devices? Sign up or sign in
Lai (Hakha) Common Language Bible © Bible Society of Myanmar 2006
SALM 68
68
Ral Tei Thangṭhatnak Hla
David Hla
1Pathian cu tho seh law a ral kha
ṭhek dih hna seh!
Amah a huatu cu zam dih hna seh.
2Meikhu kha thli nih a choih bantukin
a choih dih hna lai,
khuailul kha mei nih a emh tikah
a tit bantukin miṭhalo cu
Pathian hmaika ah an rawk lai.
3Sihmanhsehlaw miding mi cu
an i lawm lai i
a hmaiah khan an tha a nuam lai;
lunglawm ngaingai in an um lai.
4Pathian cu hla in thangṭhat u,
a min cu thangṭhat u;
khuadawm aa citmi caah cun
lam kha ser tuah u.
Amah a min cu Bawipa a si — amah
hmaiah cun i lawm tuah u!
5A biakinn thiang chungah a ummi
Pathian nih,
ngakṭah le nuhmei kha an zawn
a ruah hna.
6Lungleng le umhar in a ummi kha
umnak inn a pek hna i
thongtla kha luatnak lawmhnak
chungah a chuahpi hna;
sihmanhsehlaw ralthawh hmangmi cu
ramcar ah an um lai.
7Maw Pathian, na mi na hruai hna
tik le
thetse ram tan in na kalpi hna
tikah khan
8vawlei cu aa hnin i van in
ruahpi a sur;
cu bantukin a si cu Sinai Tlang
Pathian a rat ca le
Israel Pathian a rat ruangah a si. #Exo 19.18
9Ruah tampi in na surter i
a fe cangmi na ram kha
na ṭhatter ṭhan.
10Cuka ah cun na mi nih innlo
an khuar i na ṭhatnak thawngin
sifakmi kha rawl ei awk
na pek hna.
11 Bawipa nih nawlbia cu a chuah i
cu thawng cu nu tampi nih
an kalpi:
12“Siangpahrang hna le an ralkap
hna cu an zam cang,” an ti.
Inn i a ummi nu hna nih khan,
hranchaw an tlaihmi kha
an rak i phaw;
13cu hranchaw hna cu ngun in
tuammi ṭhuro milem tete an si,
an thla cu sui bantukin a tleu.
(Zeicahdah a cheu cu raldoh ni ah
tuu kawm chungah nan um ko?)
14Lianngan Bik Pathian nih
siangpahrang hna cu
Zalmon Tlang ah
a ṭhek dih hna tikah khika ah
hawhra kha a surter.
15Bashan tlang hi zeitluk in
a nganmi tlang dah a si!
Tlang zum tampi a ngeimi tlang a si.
16Zeicahdah cu bantuk tlang ngan,
tlang zum tampi a ngeimi tlang nih,
Pathian nih umnak ah aa thimmi
tlang cu na nihsawh?
Cuka ah cun Pathian cu, zungzal in
a um ko ṭung lai!
17A ṭhawngmi a rangleng thong
tampi he
Bawipa cu Sinai Tlang in a ra i
a hmunthiang ah cun a lut.
18Tlang sang par ah cun a hung kai i
sal tlaihmi tampi aa hruaih hna;
amah a dohtu hna nih khan
amah cu laksawng an pek.
Cuka ah cun Bawipa Pathian cu
a um lai. #Efe 4.8
19Ni khat hnu ni khat kan thilrit
a kan changtu Bawipa cu thangṭhat ko u,
amah cu a kan khamhtu
Pathian a si.
20Kan Pathian cu mi a khamhtu
Pathian a si,
amah cu Bawipa kan Bawipa,
thihnak chungin a kan chuahtu
a si.
21Pathian nih a ral pawl cu an lu a khuai
hrimhrim hna lai,
an sualnak lam a zul pengmi hna cu.
22 Bawipa nih, “Nan ral cu Bashan in
ka rak kirpi ṭhan hna lai;
rili thukmi chungin
ka rak kirpi ṭhan hna lai i
23an thisen chungah cun
nan i chawk lai i
nan uico nih an duh chungin
an liah hna lai,” a ti.
24Maw Pathian, teinak in na kal cu
mi vialte nih an hmuh,
Pathian ka siangpahrang
a hmunthiang chung i
a luh cu an hmuh dih.
25Hlasatu pawl kha hmaisuang ah
an um,
aw dawh tum thiam pawl kha
hnulei ah an um,
an karlak ah khan khuang tumtu
nu pawl kha an um.
26“A mi an i pumhnak ah Pathian cu
thangṭhat u;
Israel tefa vialte hna, Bawipa cu
thangṭhat ko u.”
27A hmasa ah an lak i phun hme bik
Benjamin kha a ra,
cun Judah phun hruaitu pawl kha
an mi hna he cun an ra i
Zebulun le Naftali phun
hruaitu pawl nih khan
an zulh hna.
28Maw Pathian, na ṭhawnnak
langhter ko,
kan ca i na hmanmi na ṭhawnnak
kha langhter ko.
29Siangpahrang nih laksawng
an in putnak
Jerusalem khua chung i
na biakinn khan langhter ko.
30Izipt cu mawhchiat ko,
phaikung lak i a tlongmi
sahrang kha mawhchiat ko,
miphun cu chimhring ko hna,
an fale he a ummi cawtum hna kha;
annih nih na hmaiah an kun i
an ngun cu an in pek hlantiang
annih cu chimhring ko hna.
Ral thawh a duhmi kha
ṭhek ko hna.
31Izipt ram in cozah nih thlahmi
lamkaltu an ra lai;
Ethiopia mi nih Pathian sinah
thlacam in an kut an hler lai.
32Vawleicung ram hna, Pathian cu
hla in thangṭhat u,
Bawipa cu thangṭhat ko u.
33Van a citmi, a hlunmi van aa citmi cu
thangṭhat u.
Aw thang piin a au cu ngai tuah u.
34Pathian ṭhawnnak cu thanh tuah u
a lianhngannak cu Israel mi cungah
a um,
a ṭhawnnak cu van ah khin a um.
35Pathian, Israel Pathian, a hmunthiang
chung in a rami cu zeitluk in dah
ṭihnung a si!
A mi cu ṭhawnnak le lianhngannak
a pek hna.
Pathian cu thangṭhat ko u!
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lai (Hakha) Common Language Bible © Bible Society of Myanmar 2006