SALM 6
6
Harnak Caan Thlacamnak
David Hla
1 Bawipa, na thinhung hlah law,
ka si hlah!
Na thinhun in dan ka tat hlah. #Slm 38.1
2ka baat cang caah ka cungah
zaangfahnak ngei ko,
ka tha a dih cang caah thazang thar
ka pe ko sawh,
3ka nunnak hi a ning piin a fak,
zei can dah hitihin ka um lai, maw Bawipa?
4Maw Bawipa, ka khamh tuah;
na ka dawt caah thihnak chungin
ka khamh tuah.
5Mithi khua ah ahohmanh nih
an in hngal lo,
Sheol ah ahohmanh nih an in
thangṭhat kho lo.
6Lungfahnak in ka baa tuk
hringhran cang;
zanfate ka ṭahnak ah ka ihkhun cu
a cin dih i
ka chantling cu ka mitthli nih
a ciah.
7ka ṭah tuk caah ka mit an phing dih i
khua hmanh ṭha tein ka hmu kho
ti lo —
hi ti i ka umnak cu ka ral hna
ruangah a si.
8Nannih ṭhat lonak a tuahmi hna,
ka kaltak ko u,
Bawipa nih ka ṭahnak kha
a theih cang; #Mat 7.23; Luk 13.27
9bawmh hal in ka aunak kha
a theih i
ka thlacamnak kha a ka leh.
10Ka ral cu an sung lai i vansang au in
an um lai,
lungmit in chikkhatte ah
an zam lai.
Currently Selected:
SALM 6: HCL06
Highlight
Copy
Compare
Share
Want to have your highlights saved across all your devices? Sign up or sign in
Lai (Hakha) Common Language Bible © Bible Society of Myanmar 2006
