SALM 52
52
Pathian Biaceihnak le Velngeihnak#52.0 Edom mi Doeg nih, “David cu Ahimelek inn ah a ra,” tiah Saul a chimh tikah, David phuahmi hla.
(1Sam 22.9-10)
1Mi liannganpa, zeicahdah
ṭhat lonak
na tuahmi cu naa porhlawt?
Pathian dawtnak cu a fek ko.
2Midang hrawhnak ding caah khua
na khang lengmang,
na lei cu a harmi nam bantuk a si,
lih lawng kha na chim ṭualmal ko.
3Ṭhat lonak kha ṭhatnak nakin
na duh deuh i
biatak chim nakin lih chim kha
na duh deuh.
4Na bia in mi fahnak pek kha
na duhmi a si,
nang cu milip na si.
5Cucaah Pathian nih an hrawh zungzal
cang lai;
an tlaih lai i na thlam chungin
an chuah lai,
a nungmi hna ram in an dawi lai.
6Miding nih hihi an hmuh lai i
an ṭih lai,
an in nihsawh lai i,
7“Himnak hmuhnak caah Pathian
aa bochan lomipa hi zohhmanh u,
Pathian kha i bochan loin
a rumnak pi tu kha
aa bochan i
a ṭhat lonak tu ah khan himnak
a um, tiin a ruah,” an in ti lai.
8Sihmanhsehlaw kei cu Pathian inn
pawng i a khomi oliv kung
bantuk ka si;
a fekmi a dawtnak cu zungzal in
kaa bochan zungzal.
9Maw Pathian, na tuahmi thil ruangah
kan lawmh zungzal lai;
na mi hna lakah nangmah ṭhatnak
kha ka chim zungzal lai.
Currently Selected:
SALM 52: HCL06
Highlight
Copy
Compare
Share
Want to have your highlights saved across all your devices? Sign up or sign in
Lai (Hakha) Common Language Bible © Bible Society of Myanmar 2006
