SALM 46
46
Pathian He Kan Umṭi
1Pathian cu kan i dornak le
kan thazang a si,
harnak caan ah a kan bawm
zungzaltu a si.
2Cucaah cun vawlei cu i hnin in
tlang cu rili chungah tla hna
hmanh seh law
ka thin a phang lai lo;
3rili tilet cu tho in awn hmanh seh,
tlang zong i hnin dih hna
hmanh seh law
ka thin a phang lai lo.
4Pathian khua, Cung Nung Bik
Pathian inn thiang ah
lawmhnak a ratpitu tiva
pakhat a um.
5Pathian cu khuapi chungah cun a um i
zeihmanh nih a hrawk bal lai lo;
zingka tein amah bawmh awkah
a ra lai.
6Miphun cu a ther in an ther, pennak
ram cu an i hnin,
Pathian aw cu a thang i vawlei cu
ti ah a cang dih.
7Lian Ngan Bawipa nih a kan umpi,
Jakob Pathian cu kan himnak a si. Selah
8Ra law zohhmanh, Bawipa i
a tuahmi hi;
Zohhmanh zeitluk khuaruahhar
thil hna dah leicung ah hin
a tuah.
9Hi vawleicung pumpi ah ral cu
a daihter dih ko hna,
likuk cu a khiah hna i fei cu
a hrawh dih hna,
phaw hna cu mei in a khangh
dih hna.
10“Raldohnak kha ngol u” a ti hna,
“Cun keimah cu
Bawipa ka si hi hngal tuah u,
miphun vialte hna a uktu cu ka si i,
vawlei pumpi ah
a ngan bikmi cu ka si,” a ti.
11Lianhngannak he a khatmi Bawipa cu
kan sinah a um;
Jakob Pathian cu kan himnak a si. Selah
Currently Selected:
SALM 46: HCL06
Highlight
Copy
Compare
Share
Want to have your highlights saved across all your devices? Sign up or sign in
Lai (Hakha) Common Language Bible © Bible Society of Myanmar 2006
