SALM 45
45
Siangpahrang Ṭhitumnak Hla
1Hi hla siangpahrang ka phuah
ah hin,
ka lungthin cu holh dawh in a khat;
ka lei cu ca ṭial thiammi
cafung bantuk a si.
2Pa vialte lakah pa dawh bik na si,
bia chim a thiam ngaingaimi na si;
Pathian nih zungzal in
thluachuahnak an pek!
3A ṭhawngmi siangpahrang,
na vainam kha i bei tuah;
nang cu a ṭhawngmi le
a liannganmi siangpahrang na si.
4Biatak le biading kha
hmunhter awkah
na tei tiang lianhngannak in
hmailei ah kal tuah.
Na ṭhawnnak nih teinak ngan pipi
an hmuhpiak lai.
5Na thal cu an hriam i na ral cu
an lung tiang a taih hna;
miphun kip kha na hmaiah an tlu.
6Pathian nih an pekmi bawiṭhutdan cu
zungzal in a hmun lai!
Na ram cu dinnak in na uk; #Heb 1.8-9
7a hmaanmi thil ṭha kha na duh i
a ṭha lomi thil kha na huat.
Cucaah cun Pathian, na Pathian nih
khan a rak in thim i
midang nakin tam deuh in
lunglawmhnak kha an toih.
8Mura zihmui le aloes zihmui le
kassia zihmui in na puan cu
na namter hna i
vui ho in sakmi siangpahrang inn
ah khan hla dawh tum thiam nih an in conglawmh.
9Na inn i a ummi bawinu hna
lakah khan
siangpahrang fanu zong an um,
cun na bawiṭhutdan orhlei
kamah khan
siangpahrang bawinu cu a dir,
sui ṭha bik in sermi hlawn in
aa ṭamh.
10Siangpahrang bawipa i a ngaknu,
ka chimmi hi ngai tuah —
na mi le na rualchan kha
philh ta hna.
11Naa dawh caah siangpahrang nih
an duh lai,
amah cu na bawi a si, a nawl kha
va ngai tuah.
12Tair mi nih laksawng an in put lai,
mirum nih na lung tluanter
an i zuam lai.
13Siangpahrang fanu cu siangpahrang
inn chungah cun a um —
a vaa dawh hringhran dah,
A puan cu sui la in an tah.
14A puan dawh ngaimi he cun
siangpahrang sinah khan
an hei kalpi,
a mawle nih khan an zulh i
anmah zong cu siangpahrang
sin tiang an kal ve.
15Lunglawm le thanuam in an ra i
siangpahrang bawipa inn ah cun
an lut.
16Ka siangpahrang bawipa, nangmah
nih fapa tampi
na ngeih hna lai i
na pupa hna cu an hmun
an rolh hna lai;
nangmah nih vawlei dihlak uktu ah
khan na ser hna lai.
17Na minthannak cu ka hla nih a nunter
zungzal lai i
mi kip nih zungzal thluangthluan in
an in thangṭhat lai.
Currently Selected:
SALM 45: HCL06
Highlight
Copy
Compare
Share
Want to have your highlights saved across all your devices? Sign up or sign in
Lai (Hakha) Common Language Bible © Bible Society of Myanmar 2006
SALM 45
45
Siangpahrang Ṭhitumnak Hla
1Hi hla siangpahrang ka phuah
ah hin,
ka lungthin cu holh dawh in a khat;
ka lei cu ca ṭial thiammi
cafung bantuk a si.
2Pa vialte lakah pa dawh bik na si,
bia chim a thiam ngaingaimi na si;
Pathian nih zungzal in
thluachuahnak an pek!
3A ṭhawngmi siangpahrang,
na vainam kha i bei tuah;
nang cu a ṭhawngmi le
a liannganmi siangpahrang na si.
4Biatak le biading kha
hmunhter awkah
na tei tiang lianhngannak in
hmailei ah kal tuah.
Na ṭhawnnak nih teinak ngan pipi
an hmuhpiak lai.
5Na thal cu an hriam i na ral cu
an lung tiang a taih hna;
miphun kip kha na hmaiah an tlu.
6Pathian nih an pekmi bawiṭhutdan cu
zungzal in a hmun lai!
Na ram cu dinnak in na uk; #Heb 1.8-9
7a hmaanmi thil ṭha kha na duh i
a ṭha lomi thil kha na huat.
Cucaah cun Pathian, na Pathian nih
khan a rak in thim i
midang nakin tam deuh in
lunglawmhnak kha an toih.
8Mura zihmui le aloes zihmui le
kassia zihmui in na puan cu
na namter hna i
vui ho in sakmi siangpahrang inn
ah khan hla dawh tum thiam nih an in conglawmh.
9Na inn i a ummi bawinu hna
lakah khan
siangpahrang fanu zong an um,
cun na bawiṭhutdan orhlei
kamah khan
siangpahrang bawinu cu a dir,
sui ṭha bik in sermi hlawn in
aa ṭamh.
10Siangpahrang bawipa i a ngaknu,
ka chimmi hi ngai tuah —
na mi le na rualchan kha
philh ta hna.
11Naa dawh caah siangpahrang nih
an duh lai,
amah cu na bawi a si, a nawl kha
va ngai tuah.
12Tair mi nih laksawng an in put lai,
mirum nih na lung tluanter
an i zuam lai.
13Siangpahrang fanu cu siangpahrang
inn chungah cun a um —
a vaa dawh hringhran dah,
A puan cu sui la in an tah.
14A puan dawh ngaimi he cun
siangpahrang sinah khan
an hei kalpi,
a mawle nih khan an zulh i
anmah zong cu siangpahrang
sin tiang an kal ve.
15Lunglawm le thanuam in an ra i
siangpahrang bawipa inn ah cun
an lut.
16Ka siangpahrang bawipa, nangmah
nih fapa tampi
na ngeih hna lai i
na pupa hna cu an hmun
an rolh hna lai;
nangmah nih vawlei dihlak uktu ah
khan na ser hna lai.
17Na minthannak cu ka hla nih a nunter
zungzal lai i
mi kip nih zungzal thluangthluan in
an in thangṭhat lai.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lai (Hakha) Common Language Bible © Bible Society of Myanmar 2006