SALM 137
137
Israel Mi Babilon Ram I An Ṭahnak
1Babilon tiva hna kamah cun
kan ṭhu i
Zion kan ruah chel paoh ah
kan ṭap tawn.
2Kan pawng i a ummi inhliam kung
hna ah cun
kan tingtang kha kan bah tawn hna.
3A kan tlaitu nih khan hlasak
an kan fial i,
“Kan i nuamh nakhnga, Zion hla
kan sakpiak u,” an kan ti.
4Zeitindah Bawipa hla cu miphun dang
ram ah kan sak khawh lai?
5Jerusalem, nangmah kha
kan philh a si ahcun,
ka orhlei kut hi car seh,
6nangmah kha kan hngalh camcin
lo i kaa lawmhnak sang bik ah
kan chiah lo ahcun,
ka lei hi ka dang ah i beh seh.
7Jerusalem an tlaih ni ah, Edom mi nih
an tuahmi kha philh hlah,
Maw Bawipa,
“Hrawk dih cikcek u law a hram
tiangin kalh dih u,”
an ti kha philh hin hlah.
8Babilon, hrawh na si cang lai!
Kan cung i na tuahmi ruangah,
teirul an chamtu cu
an i lawm lai, #Biat 18.6
9nan ngakchia no tete aa lak riangmang i
lung cung i a dengtu hna cu,
an i lawm lai.
Currently Selected:
SALM 137: HCL06
Highlight
Copy
Compare
Share
Want to have your highlights saved across all your devices? Sign up or sign in
Lai (Hakha) Common Language Bible © Bible Society of Myanmar 2006
