MIKAH 1
1
1Mah hihi Judah siangpahrang Jotham, Ahaz le Hezekiah bawi lio i Moresheth khuami Mikah sinah Bawipa bia a phanmi cu a si; cu bia cu langhnak in Samaria le Jerusalem kong ah a hmuhmi a si. #2Sia 15.32—16.20; 18.1—20.21; 2Cha 27.1-7; 28.1—32.33
Israel le Judah Uktu Hna Mawhchiatnak
2Mi vialte hna, nan dihlak in
ngai tuah u;
Maw vawlei le a chung i a ummi
vialte hna nan hna chi tuah u,
Zeitintiah Bawipa Pathian nih
nannih cu sual phawt awkah
a biakinn thiang chung khan
bia a run chim.
3Zohhmanh, Bawipa cu a umnak hmun
khan a chuak i a rung ṭum i
vawleicung tlang sang hna cungah
khan aa chawk.
4Mei nih khuaiseng kha a linh tikah
a zor bantukin tlang hna cu
amah toiah cun an zor i,
Tlang pang ah ti an luan bantuk khin
horkuang chungah an vung luang.
5Mah hi vialte hi Jakob ṭhat lonak
ruang le Israel sualnak
ruangah a si.
Jakob ṭhat lonak cu zeidah an si?
Samaria khua chung i an tuahmi
kha an si lo maw?
Judah mi hna cu khuazei khuahrumbo
ruangah dah dan ka tat hna lai?
Jerusalem khua hi an khuahrumbo cu
a si ko.
6Cucaah Samaria cu ramlak i thilchia
ponnak hmun, mitsur cinnak ah
ka ser lai.
A lung kha hor chungah ka hlonh
hna lai i a dirnak a hram kha
ka langhter lai.
7A milem vialte cu den an si dih lai i
a siasal vialte cu an dihlak in
khangh an si lai;
A siasal vialte cu hnawmpon ah
ka ser hna lai.
Hlawhhlannak man in a cawkmi
an si i hlawhhlannak man ah
an cang ṭhan lai.
8Cucaah Mikah nih aa thawh i,
“Ka kiao ka raak lai i taklawng le
kelawng in kaa chawk lai;
Cenghngia bangin ka ai lai i thetse
ram chimbu bangin ka ṭap lai.
9Samaria cu a hma kha a dam kho
ti lo;
Judah zong cu bantuk hma cu
a ing ve lai;
Rawhralnak cu ka mi an umnak
Jerusalem khua kutka kha
a phan cang.
10Diriam tein nan mit phing lak in
Gath ah nan ṭap lai lo maw?
Beth-leafrah khua ah leidip kha
i phulh tuah u.
11Shafir khua i a ummi hna kal tuah u;
Zaanan khua i a ummi hna cu ningzak
in an khua chungin an chuak
cang lo maw?
Beth-ezel cu ṭahnak khua a si,
amah nih cun bawmhnak zeihmanh
an pe kho ti hna lai lo.
12Rawhralnak kha a rung ṭum i
Jerusalem khua kutka hrimhrim
kha a phak caah,
Maroth khuami hna cu fak piin
an lau.
13Maw Lakhish mi hna, rangtum kha
rangleng ah khit hna u,
Zeicahtiah a hmasa bik ah Zion fanu
hna sualnak chungah a kalpitu cu
nangmah na si i
Israel ṭhat lonak cu nangmah
thawngin a rak si.
14Nannih Judah rammi hna
Moresheth-gath khua cu
chuahtak ko u,
Israel siangpahrang hna nih
Beth-akhzib khua in bawmhnak
zeihmanh an hmu kho ti lo.
15Maw Mareshah mi hna, nannih zong
nan umnak hmun kha lak awkah
midang ka rak thlah hna lai i
Israel sunparnak cu Adullam lungkua
ah aa thup lai.
16Naa lawmh tawnnak na fale ruangah
khan na lu i kawngh tuah;
Annih nih an in kaltak i saltannak
chungah an luh cang caah langta
bantukin na lu i kolh tuah.
Currently Selected:
MIKAH 1: HCL06
Highlight
Copy
Compare
Share
Want to have your highlights saved across all your devices? Sign up or sign in
Lai (Hakha) Common Language Bible © Bible Society of Myanmar 2006
