JOSHUA 21
21
Levi Mi Khua Hna
(1Cha 6.54-81)
1Cun Levi chung upa hna cu tlangbawi Eleazar le Nun fapa Joshua le Israel miphun hna i an chung cio lu hna sinah cun an ra i 2Kanaan ram chung i Shiloh khua ah cun annih sinah, “Bawipa nih kannih cu umnak khua hna le kan saṭil ca i tlonnak ram pek dingin Moses sin in nawl a rak pek cang,” tiah an ti. #Nam 35.1-8 3Cucaah Bawipa nawl peknak bangin Israel mi nih Levi mi hna cu a tanglei khua hna le saṭil tlonnak ram hna hi an vo chungin an pek hna.
4Kohath mi innchungkhar hna caah cun camcawh fung cu a hung chuak. Cucaah Levi mi chungin tlangbawi Aaron tefa a simi nih khan camcawh fung khiah in Judah, Simeon, le Benjamin phun hna sinin khua hleithum an hmuh.
5Cun a taang rihmi Kohath mi hna nih khan Efraim phun, Dan phun le, Manasseh phun cheu hna innchungkhar hna sin khan camcawh fung khiah in khua pahra an hmuh.
6Gershon mi hna nih Issakhar phun, Asher phun, Naftali phun le Bashan i a ummi Manasseh phun cheu hna innchungkhar hna sin khan camcawh fung khiah in khua hleithum an hmuh.
7Merari mi hna nih an innchungkhar ning cio in Reuben phun le Gad phun le Zebulun phun hna sinin khua hleihnih an hmuh.
8 Bawipa nih Moses sinin nawl a pek bang khan, hi khua hna le an pawngkam i saṭil tlonnak ram hna cu Israel mi nih camcawh fung khiah in Levi mi kha an pek hna.
9Judah phun le Simeon phun chungin an min in chimmi a tanglei khua hna cu an pek hna. 10Levi phun i a ummi Kohath phun chungah innchungkhar pakhat, Aaron tefa hna nih cun, an co hna, zeitintiah camcawh fung cu annih cungah hmasa bik ah a tla. 11Judah tlangram chung i Kiriath-arba (cucu Hebron; Arba cu Anak pa a si) le a velchum i saṭil tlonnak ram cu an pek hna. 12Sihmanhsehlaw khuapi pawng lo hna le a khuate hna cu Jefunneh fapa Kaleb kha a covo caah an pek.
13Cun tlangbawi Aaron tefa hna cu mi thattu ca i himnak khua Hebron le a saṭil tlonnak ram hna, Libnah le a saṭil tlonnak ram hna, 14Jattir le a saṭil tlonnak ram hna, Eshtemoa le a saṭil tlonnak ram hna, 15Holon le a saṭil tlonnak ram hna, Debir le a saṭil tlonnak ram hna, 16Ain le a saṭil tlonnak ram hna, Juttah le a saṭil tlonnak ram hna, Beth-shemesh le a saṭil tlonnak ram hna, — hi phun hnih hna chungin khua pakua cu pek an si; 17cun Benjamin phun chungin Gibeon le a saṭil tlonnak ram hna, Geba le a saṭil tlonnak ram hna, 18Anathoth le a saṭil tlonnak ram hna le Almon le a saṭil tlonnak ram hna — khua pali cu pek an si. 19Aaron tefa hna, tlangbawi hna cu, an khua a dihlak ah hleithum, an saṭil tlonnak ram cio he, an si.
20Levi mi chung i Kohath innchungkhar hna lakah a taang rihmi Kohath mi hna cu, annih an pekmi hna khua cu Efraim phun chungin an si. 21Annih cu mi thattu caah himnak khua a simi Shekhem, Efraim tlangram i a ummi le a saṭil tlonnak ram hna, Gezer le a saṭil tlonnak ram hna, 22Kibzaim le a saṭil tlonnak ram hna, Beth-horon le a saṭil tlonnak ram hna — khua pali cu pek an si; 23cun Dan phun chungin Eltekeh le a saṭil tlonnak ram hna, Gibbethon le a saṭil tlonnak ram hna, 24Aijalon le a saṭil tlonnak ram hna, Gath-rimmon le a saṭil tlonnak ram hna — khua pali cu pek an si; 25cun Manasseh phun cheu chungin Taanak le a saṭil tlonnak ram hna le Gath-rimmon le a saṭil tlonnak ram hna — khua pahnih cu pek an si. 26Kohath mi lakah a taangmi innchungkhar hna i an khua kha a dihlak ah pahra an saṭil tlonnak ram cio hna he, an si.
27Cun Levi mi innchungkhar hna lakah pakhat a si vemi Gershon mi hna cu Manasseh phun cheu chungin Bashan i a ummi Golan, mi thattu ca i himnak khua a simi le, Beeshterah khua le a saṭil tlonnak ram hna, — khua pahnih cu pek an si; 28cun Issakhar phun chungin Kishion le a saṭil tlonnak ram hna, Daberath le a saṭil tlonnak ram hna, 29Jarmuth le a saṭil tlonnak ram hna, En-gannim le a saṭil tlonnak ram hna, — khua pali cu pek an si; 30cun Asher phun chungin Mishal le a saṭil tlonnak ram hna, Abdon le a saṭil tlonnak ram hna, 31Helkath le a saṭil tlonnak ram hna le Rehob le a saṭil tlonnak ram hna — khua pali cu pek an si; 32cun Naftali phun chungin mi thattu caah himnak khua a simi Kedesh, Galilee ram i a ummi, le a saṭil tlonnak ram hna, Hammoth-dor le a saṭil tlonnak ram hna le, Kartan le a saṭil tlonnak ram hna — khua pathum cu pek an si. 33Gershon mi innchungkhar hna nih an co ciomi khua hma cu a dihlak ah hleithum, an saṭil tlonnak ram cio hna he, an si.
34Cun Levi mi a taang rihmi Merari innchungkhar hna cu Zebulun phun chungin Jokneam le a saṭil tlonnak ram hna, Kartah le a saṭil tlonnak ram hna, 35Dimnah le a saṭil tlonnak ram hna, Nahalal le a saṭil tlonnak ram hna — khua pali cu pek an si; 36cun Reuben phun chungin Bezer le a saṭil tlonnak ram hna, Jahaz le a saṭil tlonnak ram hna, 37Kedemoth le a saṭil tlonnak ram hna le Mefaath le a saṭil tlonnak ram hna, — khua pali cu pek an si; 38cun Gad phun chungin Gilead ah a ummi Ramoth, mi thattu caah himnak khua a simi le a saṭil tlonnak ram hna, Mahanaim le a saṭil tlonnak ram hna, 39Heshbon le a saṭil tlonnak ram hna, Jazer le a saṭil tlonnak ram hna — a dihlak ah khua pali cu pek an si. 40Levi phun chungin a taang rihmi Merari innchungkhar hna cu khua an pekmi hna a dihlak ah hleihnih an si.
41Israel mi hna covo lakah Levi mi khua hna cu a dihlak ah sawm li le pariat, an saṭil tlonnak ram cio hna he, an si. 42Hi khua hna nih hin an velchum ah saṭil tlonnak ram hna kha an ngei cio; cuticun hi khua hi a dihlak in an si.
Israel Mi Nih Ram An Co Dih
43Cu bangin Bawipa nih Israel mi cu an pupa hna sinah pek awkin chiat a sermi ram vialte kha a pek hna. An tei i khika ah um hmun an khuar. 44Cun Bawipa nih an pupa hna sinah chiat a rak ser bantukte khan, a kenkip ah dinhnak a pek hna. An ral ahohmanh nih an celh hna lo, zeitintiah Bawipa nih an ral hna cu an kut chungah a pek hna. 45Bawipa nih Israel chungle hna sinah biakamnak ṭha a sermi vialte lakah khan pakhat hmanh pakpalawng ah a cangmi a um lo; an dihlak tein a tling dih.
Currently Selected:
JOSHUA 21: HCL06
Highlight
Share
Compare
Copy
Want to have your highlights saved across all your devices? Sign up or sign in
Lai (Hakha) Common Language Bible © Bible Society of Myanmar 2006
