JOEL 1
1
1Pethuel fapa Joel sinah Bawipa bia a
phanmi:
Bawipa Ni
2Nannih upa hna, ngai tuah u,
Ram chung i a ummi hna, ka bia hi
thei tuah u:
Hi bantuk thil hi nan chan chungah
a um bal maw?
Nan pale chan ah tah a rak um
bal maw?
3Hi kong cu nan fale kha chim hna u,
Annih nih an fale kha an chimh
chin hna lai i
An fale nih cun an fale chin kha
an chimh chin ve hna lai.
4Khaubawk ngan pipi nih an nganhmi
cu khaubawk bu nih khan an ei,
Khaubawk bu nih an nganhmi cu
khaubawk no nih khan an ei,
Khaubawk no nih khan an nganhmi
cu rungrul nih an ei.
5Nannih zuri hna, i hlau u law ṭap tuah u
Nannih zu dingmi hna ai u,
Zeicahtiah zu thar sernak ding
mitsur thei cu a rawk dih cang.
6Khaubawk bu ngan pipi nih
kan ram cu an hranh cang;
An ṭhawng ngaingai i rel cawk lo
an si;
An ha cu chiandeih ha bantukin
a har. #Biat 9.8
7Kan mitsur ruang cu an hrawh
dih hna i
Kan theipi kung cu an teuh dih hna.
A hawng kha thiang hirhiar in
an ei dih hna i an nge hna cu
a ran in an rang dih.
8Maw mi hna, a vat laimi tlangval nih
a thihtakmi ngaknu nih a ṭah
bantukin nannih cu ṭap tuah u.
9Biakinn chung i pekchanh awkah
rawl siseh,
mitsur hang siseh a um lo;
Bawipa sinah a pechantu tlangbawi
hna, ṭap tuah u.
10Lo cu a lawng piin a um ko, a romi
vawlei cu a ṭah in a ṭap;
Zeicahtiah rawl cu a rawk cang,
mitsur hang thar cu ruahchan awk
zeihmanh a um lo i chiti cu
a car ko.
11Nannih lothlomi hna, hnabeidong in
um ko u,
Nannih mitsur dum zohkhenhtu hna,
ṭap ko u;
Zeicahtiah changvut, barli le lo
chungin a chuakmi thil vialte kha
an lo dih cang.
12Mitsur lawh caan cu ruahchan awk
a um lo,
Theipi cu an uai cang;
Taleti siseh, ung kung siseh,
epal siseh — theikung vialte kha
an car dih cang.
Mi an lunglawmhnak zong kha
a car cang.
13 Bawipa biakṭheng cungah thawinak
a pechantu nannih tlangbawi hna,
Ngaihchiatnak thil kha i hruk u law
ṭap u,
Biakinn chungah khan va kal u law,
ngaihchiatnak thilthuam i hruk in
zan khua va dei u.
Nan Pathian inn chung i pekchanh
awkah rawl siseh, mitsur hang
siseh, zeihmanh a um lo.
14Rawl ulhnak kha thanh u law
biaknak caah pumhnak pakhat
au u,
Hruaitu hna le Judah mi vialte hna
kha Bawipa nan Pathian biakinn
chungah pum hna u law
amah sinah cun au tuah u.
15 Bawipa ni cu a nai cang;
Cu ni cu Bawipa sinin a chuakmi
rawhnak ni a si lai.
Cu ni cu zeitluk ṭihnung dah a si lai! #Isa 13.6
16Kan mit hmuh hrimhrim ah
rawl kung cu an rawk dih,
Kan Pathian inn ah rawl a um ti lo i
a chung i thanuamnak le lawmhnak
zong kha an lo.
17Vawlei car ah cun thlaici cu an thi,
Khon awk rawl zeihmanh a um lo;
Cucaah buk cu an lawng i
rawl khonnak inn cu an rawk.
18Rawl a ṭammi tuu hna le caw hna cu
heh tiah an awn!
Saṭil run cu kalnak hngal loin an um,
Zeicahtiah an caah ramhring
a um ti lo.
Tuurun zong nih khan an in ve.
19Maw Bawipa, ka auhmi cu nangmah
na si;
Zeicahtiah mei nih phong cu a kangh
dih i
Ramlak thingkung vialte cu meizik
nih a hrem dih hna.
20Tiva cu an car dih i ram umnak phong
cu mei nih a kangh dih hna caah,
Ramlak saram hmanh nangmah sinah
an au.
Currently Selected:
JOEL 1: HCL06
Highlight
Copy
Compare
Share
Want to have your highlights saved across all your devices? Sign up or sign in
Lai (Hakha) Common Language Bible © Bible Society of Myanmar 2006
