JOB 7
7
Job Nih Pathian He Bia An I Al
1“Vawleicung ah hin mi nih rian har
a ngei a si lo mei?
Cun a ni hna hi hlanchom sinum ni
bantuk an si ko lo maw?
2Thladem tang i dinh a duh
ngaingaimi sal bantuk le
A ṭuan man hmuh awkah
a ngangnganmi hlanchom sinum
bantuk a si.
3Cu bantuk cun thla tampi rian
pakpalawng ka ṭuan i
Zanfate ngaihchiatnak kha ka hmu.
4Ka vung ih tikah, Zeitik ah dah
ka thawh lai, ka ti.
Sihmanhsehlaw zan cu a sau i
zinglei tiang kaa lawngvang
lengmang ko.
5Ka titsa cu tholung le hmunthur nih
an tuam i
Ka cuar cu a car i a kek ṭhan tawn.
6Ka ni hna cu thiamtaktu
thiampheifung nakin
an khul a rang deuh i
An donghnak cu ruahchannak
zeihmanhlo he an phan.
7“Ka nunnak cu thaw menmen a si
kha hngal camcin ko;
Ka mit nih hin ṭhatnak zeihmanh
a hmu ṭhan ti lai lo.
8Atu ah cun na ka hmuh, sihmanhsehlaw
na ka hmu ṭhan ti lai lo,
Ka kawl hmanh law, ka rak lo diam cang lai.
9Minmei a ṭian i a loh bangin,
Cu bang cun Sheol i a vung kalmi cu
a hung ṭhan ti lai lo.
10A inn ah a kir ṭhan ti lo,
A hmun zong nih amah kha
a rak hngal ti lo.
11“Cucaah ka kaa cu kaa sum lai lo;
Lungthin fak ngaiin ka chim ko lai,
Lungfak hringhran in ka zai ko lai.
12Keimah cu rili maw ka si i rili chung
rulpi hen dah ka si,
A ka cawngtu dingah vengtu
na chiah cu?
13‘Ka ihkhun nih a ka nuamhter lai,
ka zaunak nih ka zainak hi
a nemter lai,’ ka ti tikah.
14Mang in na ka ṭhih i langhnak in
ka thin na ka phanter.
15Cucaah hngawng dih le thih cu ka ruh
hna nakin thim ka duh deuh hna.
16Ka hnabei a dong, nun hi ka duh ti lo.
Hnahnawh lo tein keimah te
lawng in um ko ning,
ka nunnak cu tikhu men a si ko.
17Minung hi zeidah a si i hi ti ko hin
biapi ah na rel i
A cungah na ruahnak na chiah i #Slm 8.4; 144.3
18Zingfate in na veh i zeitik paoh ah
na hneksak lengmang?
19Zei can dah khuadang hoitak loin
na ka um lai i
Ka cil ka dolh hlantiang keimah um i
umter ko loin na ka um lai?
20Ka sual a si ahcun, nang minung
lungthin a zohtu,
Na cungah zei fahnak dah ka tuah?
Zeicahdah keimah cu
naa chingchiahmi ah na ka ser?
Zeicahdah keimah cu na ca i thilrit ah
ka can?
21Zeicahdah ka phungbuarnak cu
na ka ngaihthiam ko lo i,
Ka ṭhat lonak cu na ka hlonhpiak
ko lo?
Zeicahtiah atu cu vawlei chungah
ka it lai;
Na ka kawl lai, sihmanhsehlaw
ka rak um ti lai lo,” tiah a ti.
Currently Selected:
JOB 7: HCL06
Highlight
Copy
Compare
Share
Want to have your highlights saved across all your devices? Sign up or sign in
Lai (Hakha) Common Language Bible © Bible Society of Myanmar 2006
JOB 7
7
Job Nih Pathian He Bia An I Al
1“Vawleicung ah hin mi nih rian har
a ngei a si lo mei?
Cun a ni hna hi hlanchom sinum ni
bantuk an si ko lo maw?
2Thladem tang i dinh a duh
ngaingaimi sal bantuk le
A ṭuan man hmuh awkah
a ngangnganmi hlanchom sinum
bantuk a si.
3Cu bantuk cun thla tampi rian
pakpalawng ka ṭuan i
Zanfate ngaihchiatnak kha ka hmu.
4Ka vung ih tikah, Zeitik ah dah
ka thawh lai, ka ti.
Sihmanhsehlaw zan cu a sau i
zinglei tiang kaa lawngvang
lengmang ko.
5Ka titsa cu tholung le hmunthur nih
an tuam i
Ka cuar cu a car i a kek ṭhan tawn.
6Ka ni hna cu thiamtaktu
thiampheifung nakin
an khul a rang deuh i
An donghnak cu ruahchannak
zeihmanhlo he an phan.
7“Ka nunnak cu thaw menmen a si
kha hngal camcin ko;
Ka mit nih hin ṭhatnak zeihmanh
a hmu ṭhan ti lai lo.
8Atu ah cun na ka hmuh, sihmanhsehlaw
na ka hmu ṭhan ti lai lo,
Ka kawl hmanh law, ka rak lo diam cang lai.
9Minmei a ṭian i a loh bangin,
Cu bang cun Sheol i a vung kalmi cu
a hung ṭhan ti lai lo.
10A inn ah a kir ṭhan ti lo,
A hmun zong nih amah kha
a rak hngal ti lo.
11“Cucaah ka kaa cu kaa sum lai lo;
Lungthin fak ngaiin ka chim ko lai,
Lungfak hringhran in ka zai ko lai.
12Keimah cu rili maw ka si i rili chung
rulpi hen dah ka si,
A ka cawngtu dingah vengtu
na chiah cu?
13‘Ka ihkhun nih a ka nuamhter lai,
ka zaunak nih ka zainak hi
a nemter lai,’ ka ti tikah.
14Mang in na ka ṭhih i langhnak in
ka thin na ka phanter.
15Cucaah hngawng dih le thih cu ka ruh
hna nakin thim ka duh deuh hna.
16Ka hnabei a dong, nun hi ka duh ti lo.
Hnahnawh lo tein keimah te
lawng in um ko ning,
ka nunnak cu tikhu men a si ko.
17Minung hi zeidah a si i hi ti ko hin
biapi ah na rel i
A cungah na ruahnak na chiah i #Slm 8.4; 144.3
18Zingfate in na veh i zeitik paoh ah
na hneksak lengmang?
19Zei can dah khuadang hoitak loin
na ka um lai i
Ka cil ka dolh hlantiang keimah um i
umter ko loin na ka um lai?
20Ka sual a si ahcun, nang minung
lungthin a zohtu,
Na cungah zei fahnak dah ka tuah?
Zeicahdah keimah cu
naa chingchiahmi ah na ka ser?
Zeicahdah keimah cu na ca i thilrit ah
ka can?
21Zeicahdah ka phungbuarnak cu
na ka ngaihthiam ko lo i,
Ka ṭhat lonak cu na ka hlonhpiak
ko lo?
Zeicahtiah atu cu vawlei chungah
ka it lai;
Na ka kawl lai, sihmanhsehlaw
ka rak um ti lai lo,” tiah a ti.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lai (Hakha) Common Language Bible © Bible Society of Myanmar 2006