JOB 20
20
Zofar Nih Miṭhalo Hna Kong A Chim
1Cun Naamath mi Zofar nih a leh i:
2“Ka lungre a theih caah
kan leh i
cucaah khulrang in ka chim
zaunak cu a si.
3Na chimmi cu keimah zawmhtaihnak
caah a si i nangmah lehnak cu
ka hngalh ve ko lai.
4Hlanlio piin mah bantuk hin
a si zungzal ko i
Vawlei ah minung a um hramthawk
in, hi bantukin a si zungzal ko
ti kha na hngalh:
5Miṭhalo lawmhnak cu tawite lawng
a si i
Pathian zei ah a rel lomi
thanuamnak cu
caan tawite lawng a si.
6A sanlei cu van tawng in, a lu nih
vanrang khi phan hmanh
seh law,
7Amah ek bantukin a lo ṭhan ko lai;
Amah a rak hmumi hna nih khan,
‘Khuazei ah dah a um?’ an ti lai.
8Mang bantukin a lo lai,
zan i langhnak
hmuhmi bantukin a lo lai.
9A rak hmutu mit nih khan
an hmu ti lai lo,
Amah a hmun zong nih khan
a hmu ti lai lo.
10A fale hna nih khan, sifakmi hna
sinin a firmi kha
an cham ṭhan lai,
A kut hrimhrim nih a lakmi chawva
cu an khirh ṭhan hna lai.
11A ruh cu tlangval ṭhawnnak in
a khat ko,
Sihmanhsehlaw leidip ah
a cang zau lai.
12“Ṭhat lonak cu a kaa chungah
a thlum in a thlum i
a lei tangah aa chiah,
13Cun mah cucu chak duh loin
a ka chungah aa hmawm,
14Sihmanhsehlaw a rawl cu a paw
chungah cun aa thleng i,
a pum chungah cun
rul sivai a khaa ngaimi ah a cang.
15Rumnak cu a dolh i a luak ṭhan,
Pathian nih a paw chungin
a chuah ṭhan.
16A dolhmi cu rul sivai bantuk a si;
Cu nih cun ping-er cuk bantukin
a thah.
17Khuaihliti le cawhnuk khal in
a luangmi tiva hna cu
anih din awk an si lai lo.
18A rianṭuan man theitlai hna cu dolh
manh loin a khirh ṭhan hna lai i
A chawlehnak miakmi in nuamhnak
zeihmanh a hmu lai lo.
19Zeicahtiah sifakmi kha a rial hna i
a hrem hna,
Amah nih a sak lomi inn kha
a chuh hna.
20“A duhfahnak cu a riamh khawh
lo caah
A duhmi thil ah cun thlachiat
a ruat kho lo.
21A ei dih hna ah cun a tangmi
zeihmanh a um ti lo,
Cucaah a rumnak nih cun sau a nguh lai lo.
22A rum siling te ah a thaw a pit lai,
harnak ṭhawnnak vialte cu
a cungah an tlung lai.
23Pathian nih a cungah a thinhunnak cu
a tlunter ciammam i
Harnak cu ruah sur in a surter.
24Vainam khan luat aa zuam tikah
dar cantiang nih khan a rak thil lai;
25Tleu ziarzuar in a ummi a hna cu
a hnit in a keng ah a tleng.
26A khonmi thil vialte kha a lo dih,
Minung kaumi a si lomi mei nih
amahle a innchungkhar vialte cu
a kangh dih hna.
27Van nih khin a ṭhat lonak cu
an phuan lai i
Vawlei nih hin amah sualphawt
awkah a tho lai.
28A inn chung i a ngeihmi thilri vialte
cu tilian nih a fenh dih hna lai,
Pathian thinhun ni ah cun
an loral dih lai.
29Mah hihi miṭhalo nih Pathian sinin
a hmuhmi covo cu a si, amah ca i
ro a ruahpiakmi cu a si,”
tiah a ti.
Currently Selected:
JOB 20: HCL06
Highlight
Copy
Compare
Share
Want to have your highlights saved across all your devices? Sign up or sign in
Lai (Hakha) Common Language Bible © Bible Society of Myanmar 2006
