JEREMIAH 36
36
Baruk Nih Ca Kha Biakinn Chungah A Rel
1Judah siangpahrang Josiah fapa Jehoiakim a bawi kum li kum ah Bawipa sinin hi bia cu Jeremiah sinah a ra: #2Sia 24.1; 2Cha 36.5-7; Dan 1.1-2 2“Cazual pakhat in i lak law Israel kong le Judah kong le miphun vialte hna kong ah kan chimhmi bia vialte kha, Josiah chan i kan chimh hmasa bik ni thawk in atu tiang ka chimmi kha ṭial tuah. 3Judah mi hna nih hin an cung i ṭhat lonak tlunter ka timhmi hi an theih tikah an zulhmi lam ṭhalo hi an hei hlawt cio sual ko hmanh hnga maw; cu ti an tuah ahcun an ṭhat lonak le an sualnak cu ka ngaihthiam ko hna hnga,” a ti. 4Cucaah Jeremiah nih Neriah fapa Baruk kha a auh i Baruk nih cun Bawipa nih Jeremiah sinah a chimmi bia vialte Jeremiah nih a auh in a auhmi kha cazual chungah cun a ṭial. 5Cun Jeremiah nih Baruk cu hitin a ti: “Kei cu Bawipa inn i kal kha onh ka si lo. 6Cucaah keimah can ah rawl ulh ni ah nangmah cu na kal lai i kan auhmi ningin Bawipa cazual cungah Bawipa bia na ṭialmi cu zapi theih ah na va rel lai. Judah mi an khua cio in a rami hna an theihhngan ah khan na va rel lai. 7Hi mi hna cungah hin Bawipa nih thinhunnak a nganmi le thinlinhnak a nganmi in bia a chim caah hin, annih nih Bawipa sinah khan zaangfahnak an hei hal phum ko hnga,” tiah a ti. 8Cun Neriah fapa Baruk nih cun profet Jeremiah nih tuah awk i a fialmi vialte kha a tuah dih i Bawipa inn chungah Bawipa bia cu cazual chung khan a rel.
9Judah siangpahrang Josiah fapa Jehoiakim a bawi kum nga kum, thla kuanak thla ah Jerusalem i a ummi vialte hna le Judah ram chung khua hna in a rami vialte hna nih Bawipa hmaiah rawl ulhnak kha an tuah. 10Khi tikah Bawipa inn chungah cun mi vialte theih ah, Baruk nih Jeremiah bia cu cazual chung khan a rel; cu a relnak cu biakinn chung, caṭialtu Safan fapa Gemariah khaan chungah khan a si. Cu Khaan a umnak cu biakinn i a ummi Kutka Thar an timi cunglei tual ah khan a si.
Baruk Nih Ca Cu A Rel
11Safan fapa Gemariah i fapa Mikaiah nih cazual chungin relmi Bawipa bia vialte cu a theih tikah, 12siangpahrang inn ah cun a vung kal i caṭialtu khaan ah cun a lut; khika ah bawi vialte kha an rak ṭhu: caṭialtu Elishama, Shemaiah fapa Delaiah, Akhbor fapa Elnathan, Safan fapa Gemariah, Hananiah fapa Zedekiah le bawi dang vialte hna cu. 13Cun Mikaiah nih cun Baruk nih mi zapi theih ah cazual chungin a relmi bia a rak theihmi vialte cu a chimh hna. 14Khi tikah bawi vialte nih cun Kushi fapa Shelemiah fapa Nethaniah i fapa Jehudi cu Baruk sin i hi bangin va chim awkah an hei thlah i, “Mi zapi theih ah na relmi cazual cu rak i put law, ra,” an ti. Cucaah Neriah fapa Baruk nih cun cazual cu aa put i an sinah cun a va kal. 15Cun annih nih an thawh i, “Ṭhu law rel tuah,” an ti. Cucaah Baruk nih cun a relpiak hna. 16Cun bia kha an theih dih tikah thinphang in pakhat le pakhat kha an i zoh i, Baruk cu an thawh i, “Hi bia vialte hi siangpahrang kan chimh lai,” tiah an ti. 17Cun Baruk cu an thawh i, “Zeitindah hi bia vialte hi na ṭial hna, kan chim tuah,” tiah an ti. 18Anih nih a thawh hna i, “Hika chung bia vialte hi Jeremiah nih a dihlakte hin a ka auh hna i cun kei nih cahang in cazual chungah hin ka ṭial hna,” tiah a ti. 19Cun bawi hna nih cun Baruk cu an thawh i, “Va kal law nangmah le Jeremiah cu vaa thup u law ahohmanh nan umnak kha hngalhter hna hlah u,” an ti. 20Cun cazual cu caṭialtu Elishama khaan chungah an fim dih in zung ah khan an va kal i zeizong vialte kha siangpahrang cu an chimh.
21Khi tikah siangpahrang nih Jehudi cu cazual kha va lak awkah a thlah i caṭialtu Elishama khaan chung khan a va lak i Jehudi nih cun siangpahrang le a pawng i a dirmi bawi vialte hna cu a relpiak hna. 22Cu lio cu thla kua thla a si siangpahrang cu khuasik caan i a umnak inn chungah cun mei a to. 23Cun Jehudi nih cun cazual cu tlang thum tlang li a vun rel paoh khin siangpahrang nih cun ca tannak namte in a tan lengmang hna i mei chungah cun a paih lengmang hna, cazual cu a dihlak in a ciamh dih tiang cuticun a tuah. 24Siangpahrang siseh, hi bia a theimi a sinum nih si hna seh, thinphannak a langhter i a puan a thlekmi ahohmanh an um lo. 25Elnathan le Delaiah le Gemariah nih siangpahrang cu cazual kha khang hlah, tiah an nawl nain a duh lo. 26Cun siangpahrang nih siangpahrang fapa Jerahmeel le Azriel fapa Seraiah le Abdeel fapa Shelemiah kha caṭialtu Baruk le profet Jeremiah kha va tlaih awkah a fial hna, sihmanhsehlaw Bawipa nih a thuh hna.
27Jeremiah nih Baruk a auhmi cazual kha siangpahrang nih a khangh hnuah Bawipa bia cu Jeremiah sinah a ra i 28“Cazual a dang pakhat i lak law cazual hmasa i a ummi bia, Judah siangpahrang Jehoiakim nih a khanghmi bia vialte kha ṭial dih hna. 29Cun Judah siangpahrang Jehoiakim sinah cun Bawipa nih hi bangin a ti, tiah na va ti lai: Hi cazual cu na khangh i, ‘Zeicahdah a chungah hin Babilon siangpahrang cu a ra hrimhrim lai i hi ram hi a hrawh lai i minung siseh, saram siseh a thah dih hna lai, tiin na ṭial? na ti. 30Cucaah Judah siangpahrang Jehoiakim, nangmah kong ah Bawipa nih hi bangin ka ti: David bawiṭhutdan cung i a ṭhu ding ahohmanh na ngei hna lai lo i na ruak cu chun ah ni nih a linh lai i zan ah hawhra nih a tlak lai. 31Nangmah le na tefa hna cu na bawile vialte hna he, sualnak nan tuahmi ruangah dan kan tat hna lai. Nangmah nih siseh, Jerusalem mi le Judah mi nih si hna seh, ralrinnak kan pekmi hna cu zeihmanh ah nan rel lo, cucaah nan cungah ka tlunter lai ka timi rawhralnak vialte nan dihlak cungah ka tlunter lai,” tiah a ti.
32Cun Jeremiah nih cazual dang pakhat kha aa lak i caṭialtu Baruk, Neriah fapa kha a pek i Judah siangpahrang Jehoiakim nih mei ah a khanghmi cazual chung i a ummi bia vialte kha Jeremiah nih a auhning in a ṭial ṭhan; cun cu bantuk bia cu Jeremiah nih tampi a chap.
Currently Selected:
JEREMIAH 36: HCL06
Highlight
Share
Copy
Want to have your highlights saved across all your devices? Sign up or sign in
Lai (Hakha) Common Language Bible © Bible Society of Myanmar 2006
JEREMIAH 36
36
Baruk Nih Ca Kha Biakinn Chungah A Rel
1Judah siangpahrang Josiah fapa Jehoiakim a bawi kum li kum ah Bawipa sinin hi bia cu Jeremiah sinah a ra: #2Sia 24.1; 2Cha 36.5-7; Dan 1.1-2 2“Cazual pakhat in i lak law Israel kong le Judah kong le miphun vialte hna kong ah kan chimhmi bia vialte kha, Josiah chan i kan chimh hmasa bik ni thawk in atu tiang ka chimmi kha ṭial tuah. 3Judah mi hna nih hin an cung i ṭhat lonak tlunter ka timhmi hi an theih tikah an zulhmi lam ṭhalo hi an hei hlawt cio sual ko hmanh hnga maw; cu ti an tuah ahcun an ṭhat lonak le an sualnak cu ka ngaihthiam ko hna hnga,” a ti. 4Cucaah Jeremiah nih Neriah fapa Baruk kha a auh i Baruk nih cun Bawipa nih Jeremiah sinah a chimmi bia vialte Jeremiah nih a auh in a auhmi kha cazual chungah cun a ṭial. 5Cun Jeremiah nih Baruk cu hitin a ti: “Kei cu Bawipa inn i kal kha onh ka si lo. 6Cucaah keimah can ah rawl ulh ni ah nangmah cu na kal lai i kan auhmi ningin Bawipa cazual cungah Bawipa bia na ṭialmi cu zapi theih ah na va rel lai. Judah mi an khua cio in a rami hna an theihhngan ah khan na va rel lai. 7Hi mi hna cungah hin Bawipa nih thinhunnak a nganmi le thinlinhnak a nganmi in bia a chim caah hin, annih nih Bawipa sinah khan zaangfahnak an hei hal phum ko hnga,” tiah a ti. 8Cun Neriah fapa Baruk nih cun profet Jeremiah nih tuah awk i a fialmi vialte kha a tuah dih i Bawipa inn chungah Bawipa bia cu cazual chung khan a rel.
9Judah siangpahrang Josiah fapa Jehoiakim a bawi kum nga kum, thla kuanak thla ah Jerusalem i a ummi vialte hna le Judah ram chung khua hna in a rami vialte hna nih Bawipa hmaiah rawl ulhnak kha an tuah. 10Khi tikah Bawipa inn chungah cun mi vialte theih ah, Baruk nih Jeremiah bia cu cazual chung khan a rel; cu a relnak cu biakinn chung, caṭialtu Safan fapa Gemariah khaan chungah khan a si. Cu Khaan a umnak cu biakinn i a ummi Kutka Thar an timi cunglei tual ah khan a si.
Baruk Nih Ca Cu A Rel
11Safan fapa Gemariah i fapa Mikaiah nih cazual chungin relmi Bawipa bia vialte cu a theih tikah, 12siangpahrang inn ah cun a vung kal i caṭialtu khaan ah cun a lut; khika ah bawi vialte kha an rak ṭhu: caṭialtu Elishama, Shemaiah fapa Delaiah, Akhbor fapa Elnathan, Safan fapa Gemariah, Hananiah fapa Zedekiah le bawi dang vialte hna cu. 13Cun Mikaiah nih cun Baruk nih mi zapi theih ah cazual chungin a relmi bia a rak theihmi vialte cu a chimh hna. 14Khi tikah bawi vialte nih cun Kushi fapa Shelemiah fapa Nethaniah i fapa Jehudi cu Baruk sin i hi bangin va chim awkah an hei thlah i, “Mi zapi theih ah na relmi cazual cu rak i put law, ra,” an ti. Cucaah Neriah fapa Baruk nih cun cazual cu aa put i an sinah cun a va kal. 15Cun annih nih an thawh i, “Ṭhu law rel tuah,” an ti. Cucaah Baruk nih cun a relpiak hna. 16Cun bia kha an theih dih tikah thinphang in pakhat le pakhat kha an i zoh i, Baruk cu an thawh i, “Hi bia vialte hi siangpahrang kan chimh lai,” tiah an ti. 17Cun Baruk cu an thawh i, “Zeitindah hi bia vialte hi na ṭial hna, kan chim tuah,” tiah an ti. 18Anih nih a thawh hna i, “Hika chung bia vialte hi Jeremiah nih a dihlakte hin a ka auh hna i cun kei nih cahang in cazual chungah hin ka ṭial hna,” tiah a ti. 19Cun bawi hna nih cun Baruk cu an thawh i, “Va kal law nangmah le Jeremiah cu vaa thup u law ahohmanh nan umnak kha hngalhter hna hlah u,” an ti. 20Cun cazual cu caṭialtu Elishama khaan chungah an fim dih in zung ah khan an va kal i zeizong vialte kha siangpahrang cu an chimh.
21Khi tikah siangpahrang nih Jehudi cu cazual kha va lak awkah a thlah i caṭialtu Elishama khaan chung khan a va lak i Jehudi nih cun siangpahrang le a pawng i a dirmi bawi vialte hna cu a relpiak hna. 22Cu lio cu thla kua thla a si siangpahrang cu khuasik caan i a umnak inn chungah cun mei a to. 23Cun Jehudi nih cun cazual cu tlang thum tlang li a vun rel paoh khin siangpahrang nih cun ca tannak namte in a tan lengmang hna i mei chungah cun a paih lengmang hna, cazual cu a dihlak in a ciamh dih tiang cuticun a tuah. 24Siangpahrang siseh, hi bia a theimi a sinum nih si hna seh, thinphannak a langhter i a puan a thlekmi ahohmanh an um lo. 25Elnathan le Delaiah le Gemariah nih siangpahrang cu cazual kha khang hlah, tiah an nawl nain a duh lo. 26Cun siangpahrang nih siangpahrang fapa Jerahmeel le Azriel fapa Seraiah le Abdeel fapa Shelemiah kha caṭialtu Baruk le profet Jeremiah kha va tlaih awkah a fial hna, sihmanhsehlaw Bawipa nih a thuh hna.
27Jeremiah nih Baruk a auhmi cazual kha siangpahrang nih a khangh hnuah Bawipa bia cu Jeremiah sinah a ra i 28“Cazual a dang pakhat i lak law cazual hmasa i a ummi bia, Judah siangpahrang Jehoiakim nih a khanghmi bia vialte kha ṭial dih hna. 29Cun Judah siangpahrang Jehoiakim sinah cun Bawipa nih hi bangin a ti, tiah na va ti lai: Hi cazual cu na khangh i, ‘Zeicahdah a chungah hin Babilon siangpahrang cu a ra hrimhrim lai i hi ram hi a hrawh lai i minung siseh, saram siseh a thah dih hna lai, tiin na ṭial? na ti. 30Cucaah Judah siangpahrang Jehoiakim, nangmah kong ah Bawipa nih hi bangin ka ti: David bawiṭhutdan cung i a ṭhu ding ahohmanh na ngei hna lai lo i na ruak cu chun ah ni nih a linh lai i zan ah hawhra nih a tlak lai. 31Nangmah le na tefa hna cu na bawile vialte hna he, sualnak nan tuahmi ruangah dan kan tat hna lai. Nangmah nih siseh, Jerusalem mi le Judah mi nih si hna seh, ralrinnak kan pekmi hna cu zeihmanh ah nan rel lo, cucaah nan cungah ka tlunter lai ka timi rawhralnak vialte nan dihlak cungah ka tlunter lai,” tiah a ti.
32Cun Jeremiah nih cazual dang pakhat kha aa lak i caṭialtu Baruk, Neriah fapa kha a pek i Judah siangpahrang Jehoiakim nih mei ah a khanghmi cazual chung i a ummi bia vialte kha Jeremiah nih a auhning in a ṭial ṭhan; cun cu bantuk bia cu Jeremiah nih tampi a chap.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Lai (Hakha) Common Language Bible © Bible Society of Myanmar 2006