JEREMIAH 35
35
Rekhab Mi Kong
1Judah siangpahrang Josiah fapa Jehoiakim chan ah Bawipa sinin Jeremiah sinah a rami bia: #2Sia 23.36—24.6; 2Cha 36.5-7 2“Rekhab mi hna sinah va kal law, va chawn hna law, Bawipa inn ah a dal pakhat chungah hin rak luhpi hna; cun mitsur zu kha din awkah pe hna,” a ti. 3Cucaah Habazziniah fapa Jeremiah i fapa Jaazaniah le a unau hna le a fapa vialte hna le Rekhab mi an chungkhar ning piin ka lak hna i 4annih cu Bawipa inn ah khan ka ratpi hna i Pathian mi Igdaliah fapa Hanan fapa hna khaan chungah khan ka luhpi hna; cucu innleng a cawngtu Shallum fapa Maaseiah khaan cung i a ummi bawi khaan he khan aa peh. 5Cun Rekhab mi hna cu mitsur hang a khatmi awi-um hna le hrai hna kha ka hunh hna i din ka sawm hna. 6Sihmanhsehlaw annih nih, ‘Kannih cu zu cu kan ding lai lo. Zeicahtiah kan pu Rekhab fapa Jonadab nih nawl a kan pek i, 7“Zeitikhmanh ah mitsur hang nan ding lai lo, nanmah nih siseh, nan fale nih si hna seh; inn nan sa lai lo; thlaici zong nan thla lai lo; mitsur dum zong nan ser lai lo; hi thil hna hi pakhat hmanh nan tuah hna lai lo. Sihmanhsehlaw mipem nan sinak ram ah hin saupi nan nun nakhnga nan nun chung vialte thlam chung khuasami nan si lai,” a kan ti. 8Kan pu Rekhab fapa Jonadab nawl cu kan ngaih i kan chan chung vialte zu kan ding lo, kan nupile zong nih an ding lo, kan fapale zong nih an ding lo, kan fanule zong nih an ding lo. 9Umnak ding caah inn kan i sak lo, mitsur dum zong kan ngei lo i thlaici zong kan tuh lo. 10Thlam chungah hin khua kan sa ko i kan pu Jonadab nawlbia kha ngai le zul in kan um ko. 11Sihmanhsehlaw Babilon siangpahrang Nebukhadnezzar nih hi ram a ra doh tikah, “Ra u law Khaldi mi ralkapbu hna le Aramean mi ralkapbu a ra liomi hna hlanah hin Jerusalem ah kal u si,” a kan ti i cucaah Jerusalem ah hin kan um,’ an ti.
12-13Khi tikah Ralkapbu Bawipa, Israel Pathian nih Jeremiah cu Judah rammi le Jerusalem khuami sin i va kal i annih cu hi bia va chimh kha a fial i, “Bawipa nih, zeicahdah ka bia ngaih hi nan duh lo i ka cawnpiaknak zulh hi nan al, tiah kan hal hna. 14Jonadab nih a tefa hna cu zu din lo awkin nawl a pek hna i annih nih an pu nawlbia cu an ngaih caah nihin ni tiang te hin ahohmanh zuding an um lo. Sihmanhsehlaw nannih cu bia kan chim lengmang hna nain ka bia nan ngai duh lo. 15Ka sal profet hna cu nan sinah ka rak thlah lengmang ko hna i nan ziaza ṭhalo kha ngol awk le a dingmi thil kha tuah awkah an in chimh lengmang ko hna. Nan pupa hna sinah ka pekmi ram ah hin nan um thluangthluan khawh nakhnga annih nih pathian dang kha biak lo ding le an rian ṭuan lo awkah ralrinnak an in pek lengmang ko hna. Sihmanhsehlaw ka bia kha nan ngai duh lo i zeizong ah nan ka rel fawn lo. 16Jonadab tefa pawl nih cun an pu nih nawl a pekmi hna kha an zulh, sihmanhsehlaw nannih cu ka nawl nan ngai lo. 17Cucaah Ralkapbu Bawipa, Israel Pathian nih Judah mi le Jerusalem mi nan cungah rawhralnak ka tlunter lai tiah ka timi vialte kha ka tlunter lai. Nannih cu kan chawnh hna tikah nan ngai duh lo i kan kawh hna tikah nan ka leh duh lo caah hihi nan cungah ka tuah lai,” tiah a ti.
18Cun Rekhab mi cu Jeremiah nih a thawh hna i, “Hi bia hi Ralkapbu Bawipa, Israel Pathian bia a si: Nannih nih nan pu Jonadab nawl kha nan ngaih i a nunchimhnak kha nan zulh i an fialmi vialte hna kha nan tuah caah, 19hi bangin Ralkapbu Bawipa, Israel Pathian nih, ‘Rekhab fapa Jonadab nih zeitikhmanh ah ka hmai i a dir dingmi tefa a bau bal lai lo,’ a ti,” tiah a ti hna.
Currently Selected:
JEREMIAH 35: HCL06
Highlight
Share
Copy
Want to have your highlights saved across all your devices? Sign up or sign in
Lai (Hakha) Common Language Bible © Bible Society of Myanmar 2006
JEREMIAH 35
35
Rekhab Mi Kong
1Judah siangpahrang Josiah fapa Jehoiakim chan ah Bawipa sinin Jeremiah sinah a rami bia: #2Sia 23.36—24.6; 2Cha 36.5-7 2“Rekhab mi hna sinah va kal law, va chawn hna law, Bawipa inn ah a dal pakhat chungah hin rak luhpi hna; cun mitsur zu kha din awkah pe hna,” a ti. 3Cucaah Habazziniah fapa Jeremiah i fapa Jaazaniah le a unau hna le a fapa vialte hna le Rekhab mi an chungkhar ning piin ka lak hna i 4annih cu Bawipa inn ah khan ka ratpi hna i Pathian mi Igdaliah fapa Hanan fapa hna khaan chungah khan ka luhpi hna; cucu innleng a cawngtu Shallum fapa Maaseiah khaan cung i a ummi bawi khaan he khan aa peh. 5Cun Rekhab mi hna cu mitsur hang a khatmi awi-um hna le hrai hna kha ka hunh hna i din ka sawm hna. 6Sihmanhsehlaw annih nih, ‘Kannih cu zu cu kan ding lai lo. Zeicahtiah kan pu Rekhab fapa Jonadab nih nawl a kan pek i, 7“Zeitikhmanh ah mitsur hang nan ding lai lo, nanmah nih siseh, nan fale nih si hna seh; inn nan sa lai lo; thlaici zong nan thla lai lo; mitsur dum zong nan ser lai lo; hi thil hna hi pakhat hmanh nan tuah hna lai lo. Sihmanhsehlaw mipem nan sinak ram ah hin saupi nan nun nakhnga nan nun chung vialte thlam chung khuasami nan si lai,” a kan ti. 8Kan pu Rekhab fapa Jonadab nawl cu kan ngaih i kan chan chung vialte zu kan ding lo, kan nupile zong nih an ding lo, kan fapale zong nih an ding lo, kan fanule zong nih an ding lo. 9Umnak ding caah inn kan i sak lo, mitsur dum zong kan ngei lo i thlaici zong kan tuh lo. 10Thlam chungah hin khua kan sa ko i kan pu Jonadab nawlbia kha ngai le zul in kan um ko. 11Sihmanhsehlaw Babilon siangpahrang Nebukhadnezzar nih hi ram a ra doh tikah, “Ra u law Khaldi mi ralkapbu hna le Aramean mi ralkapbu a ra liomi hna hlanah hin Jerusalem ah kal u si,” a kan ti i cucaah Jerusalem ah hin kan um,’ an ti.
12-13Khi tikah Ralkapbu Bawipa, Israel Pathian nih Jeremiah cu Judah rammi le Jerusalem khuami sin i va kal i annih cu hi bia va chimh kha a fial i, “Bawipa nih, zeicahdah ka bia ngaih hi nan duh lo i ka cawnpiaknak zulh hi nan al, tiah kan hal hna. 14Jonadab nih a tefa hna cu zu din lo awkin nawl a pek hna i annih nih an pu nawlbia cu an ngaih caah nihin ni tiang te hin ahohmanh zuding an um lo. Sihmanhsehlaw nannih cu bia kan chim lengmang hna nain ka bia nan ngai duh lo. 15Ka sal profet hna cu nan sinah ka rak thlah lengmang ko hna i nan ziaza ṭhalo kha ngol awk le a dingmi thil kha tuah awkah an in chimh lengmang ko hna. Nan pupa hna sinah ka pekmi ram ah hin nan um thluangthluan khawh nakhnga annih nih pathian dang kha biak lo ding le an rian ṭuan lo awkah ralrinnak an in pek lengmang ko hna. Sihmanhsehlaw ka bia kha nan ngai duh lo i zeizong ah nan ka rel fawn lo. 16Jonadab tefa pawl nih cun an pu nih nawl a pekmi hna kha an zulh, sihmanhsehlaw nannih cu ka nawl nan ngai lo. 17Cucaah Ralkapbu Bawipa, Israel Pathian nih Judah mi le Jerusalem mi nan cungah rawhralnak ka tlunter lai tiah ka timi vialte kha ka tlunter lai. Nannih cu kan chawnh hna tikah nan ngai duh lo i kan kawh hna tikah nan ka leh duh lo caah hihi nan cungah ka tuah lai,” tiah a ti.
18Cun Rekhab mi cu Jeremiah nih a thawh hna i, “Hi bia hi Ralkapbu Bawipa, Israel Pathian bia a si: Nannih nih nan pu Jonadab nawl kha nan ngaih i a nunchimhnak kha nan zulh i an fialmi vialte hna kha nan tuah caah, 19hi bangin Ralkapbu Bawipa, Israel Pathian nih, ‘Rekhab fapa Jonadab nih zeitikhmanh ah ka hmai i a dir dingmi tefa a bau bal lai lo,’ a ti,” tiah a ti hna.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Lai (Hakha) Common Language Bible © Bible Society of Myanmar 2006