ISAIAH 45
45
Bawipa Nih Sairas Rian A Fial
1Sairas cu Bawipa nih a thimmi
siangpahrang a si!
Bawipa nih amah cu miphun tampi
kha tei awkah a fial;
siangpahrang kha an lianhngannak
phawih awkah a thlah:
Bawipa nih khua kulhnak hau kutka
hna kha a hunpiak lai.
Bawipa nih Sairas cu a thawh i,
2“Keimah hrimhrim nih na lam kha
kan sialpiak lai i fing le
tlang kha ka rawnhter hna lai.
Dar in an sermi kutka kha ka baoh
hna lai i
thir fung kha ka tan hna lai.
3A muihnak i a ummi rothil hna le
aa thupmi hmun i a ummi hlawnthil
hna kha kan pek lai;
cun keimah cu Bawipa ka si kha
na hngalh lai i
Israel Pathian nih na min in
an kawh kha na hngalh fawn lai.
4Ka sal Israel mi kha na bawmh
hna lai tiah kan fial,
annih cu ka thimmi miphun an si.
Nang nih cun na ka hngal lo nain
upatnak nganpi kha kan pek.
5“Keimah cu Bawipa ka si,
Pathian dang an um lo.
Nang nih cun na ka hngal lo nain
na herhmi thazang kha kan pek lai.
6Vawleicung mi vialte nih, nichuahlei
in nitlaklei tiang,
keimah cu Bawipa ka si i
Pathian dang an um lo kha
an hngalh nakhnga,
hi bantukin ka tuah cu a si.
7Keimah nih ceunak zong ka ser i
muihnak zong ka ser;
thluachuahnak zong ka tlunter i
vanchiatnak zong ka tlunter,
Bawipa nih hi thil vialte hi ka tuah
dih hna.
8Teinak cu van in ruah sur in
ka surter lai i
vawlei nih a rak i donh lai,
cun luatnak le dinnak cu vawlei ah
cun an par lai.
Bawipa nih mah hi cu ka umter lai,” a ti.
Bawipa Cu Sertu le Minung Kong Tuanbia Uktu A Si
9Tlak um nih a sertu kha bia
a al ngam hnga maw?
Um dang bantuk cio a si vemi nih
khan a al ngam hnga maw?
Um nih khan, a sertu kha,
a ser na ka thiam lo, tiah
a zaihnawh bal maw? #Rom 9.20
10Aho tal nih an nu le an pa cu,
“Zeicahdah hi bantukin
nan ka hrin?” tiah
an ti ngam bal hna maw?
11 Bawipa, Israel Pathian thiang, hmailei
thil um ding a sersiamtu nih,
“Ka fale kong ah zeihmanh bia
na ka hal awk a si lo;
cun khakha na ti awk a si, khakha
na tuah awk a si, ti zongah
na ka chimh awk a si lo.
12Vawlei a sertu cu keimah ka si i
a cung um dingah mi a sertu cu
keimah ka si.
Ka ṭhawnnak in van cu ka samh hna i
ni le thlapa le arfi cu ka uk hna.
13Keimah hrimhrim nih Sairas cu
ka cawlcanghter i
cu ka cawlcanghter cu, thil kha
hmaan tein tuah si seh ti kaa tinhmi
tlinter ding caah khan a si.
A kalnak lam paoh kha ka fehter lai.
Jerusalem ka khua kha
a remh ṭhan lai i
ka saltang hna kha
a luatter hna lai.
Ahohmanh nih Sairas cu, hihi
na tuah lai tiah an fial lo i
nawhthuh zong an pe lo,” a ti.
Ralkapbu Bawipa nih hi bia cu
ka chim.
14 Bawipa nih Israel cu a thawh i,
“Izipt le Ethiopia rumnak cu
nangmah ta an si lai,
Seba mi khansang hna cu
na sal an si lai;
thir cikcin he an in zulh lai.
Na hmaiah an kun lai i, ‘Na sinah
Pathian a um — amah lawnglawng
hi Pathian cu a si.
15Israel Pathian, a mi a khamhtu hna
Pathian hi,
amah le amah aa thupmi Pathian a si,’
tiah an chim lai,” a ti.
16Siasal a sertu cu an dihlak in
ningzahnak an phan lai;
an dihlak in mual an pho lai.
17Sihmanhsehlaw Israel cu Bawipa nih
a khamh i
teinak a hmuhmi cu zungzal in
a hmun lai;
a mi cu ningzahnak an phan lai lo.
18Van cu Bawipa nih a ser hna — amah
cu Pathian a si.
Vawlei kha a ser i a siam — fekte le
saupi nguh in a ser,
vawlei cu thetse ram,
ram pakpalawng ah a ser lo,
minung umnak caah a ser.
Amah cu, “Keimah hi Bawipa cu
ka si,
keimah hleiah pathian dang
an um lo,” a titu kha a si.
19A thlithup in bia ka chim lo,
kaa tinhmi zong kha ka thup lo.
Thil aa tuaitamnak hmun ah khan
ka kawl u, tiah Israel mi kha
ka ti hna lo.
Keimah hi Bawipa cu ka si i biatak kha
ka chim;
a hmaanmi kha ka langhter,” a ti.
Bawipa le Babilon Siasal Hna
20 Bawipa nih aa thawh i,
“Miphun kip chung mi hna,
hmunkhat ah i pum tuah u;
rampi a rawk hnuah a nung
rihmi hna,
nan bia ceih awkah chuak tuah u.
Thing siasal put in aa pummi hna le
anmah a khamh kho lomi pathian
sinah thla a cammi cu,
zeihmanh a hngal lomi an si.
21Ra u law biaceihnak hmun ah
nan bia cu ra chim tuah u;
tazacuaimi hna cu pakhat le pakhat
lungthin i cheu tuah u.
Thil a um ding kha aho nih dah
a hlankan in a rak thanh chung i
cuticun a um te lai tiah aho nih dah
a rak chimchung?
Cu ti a tuahtu cu Bawipa, a mi a khamhtu hna
Pathian kha ka si lo maw?
Pathian dang ahohmanh an um lo.
22Vawleicung mi vialte hna,
keimah leiah khan i mer u law
khamhnak hmu u.
Keimah lawnglawng hi Pathian
cu ka si ko.
23Ka chimmi cu a hmaanmi a si i
aa thleng lai lo.
Keimah nih ka min chalh tein
hi biakamnak hi ka tuah:
‘Mi vialte kha ka sinah an ra lai i
ka hmaiah an kun lai;
na sinah zumhawktlak tein kan um lai
tiin bia an i kam lai,’ ka ti. #Rom 14.11; Fili 2.10-11
24“Nangmah thawng lawnglawng in
teinak le ṭhawnnak kha hmuh
khawh a si,” an ti lai.
Sihmanhsehlaw a ka huami cu
ningzahnak an ing lai.
25 Bawipa nih Jakob tefa vialte cu
ka chuah dih hna lai i annih nih
an ka thangṭhat lai.
Currently Selected:
ISAIAH 45: HCL06
Highlight
Share
Copy
Want to have your highlights saved across all your devices? Sign up or sign in
Lai (Hakha) Common Language Bible © Bible Society of Myanmar 2006
