ISAIAH 35
35
Thiannak Lam
1Ramlak le ramcar hna cu
an i lawm lai i
Thetse ram cu a par lai.
2Thetse ram cu hla a sa lai i lawmhnak
in a au lai;
Lebanon Tlang bantukin aa dawh lai i
Karmel Tlang le Sharon nelrawn lo
bantukin a ṭha lai.
Mi kip nih Bawipa sunparnak le
kan Pathian a lianhngannak le
a ṭhawnnak kha an mit in
an hmuh lai.
3A tha a bami cu an kut ṭhawnter
hna u law
a khuk a thermi cu thazang pe hna u #Heb 12.12
4A lung a dongmi cu,
“Na thinphang hlah,
lungṭhawng in um ko!
Pathian cu nangmah chanh awkah
a ra lai,
na ral kha na phu a hlam hna lai,”
ti hna u.
5Mitcaw nih khua an hmuh lai i
hnachet nih khua an theih lai. #Mat 11.5; Luk 7.22
6Kebei cu an pet an lam lai i
a holh kho lomi kha lunglawmhnak
in a au in an au lai.
Thetse ram chungah khan tiva
a luang lai;
7a kangh in a kangmi thetse kha
tidil ah an i cang lai i
hmun car kha cerh an khat lai.
Ram-ui an rak um tawnnak hmun
ah khan cerh ram le phaikung
an kho lai.
8Cuka ah cun lam nganpi pakhat
a um lai i
a min ah “Thiannak Lam” ti
a si lai.
Hi lam cu misual mi nih an zul lai lo i
hi lam a zulmi cu mihrut nih
an pialter kho hna lai lo.
9Chiandeih zeihmanh an um lai lo,
saram ṭihnung zeihmanh
an i chawk lai lo.
Bawipa nih a luattermi hna cu hi lam
hin inn ah an tlung lai.
10Jerusalem cu lunglawm tein
an phan lai i
hla an i sak pah lai i lawmhnak in
an au lai.
Zungzal in an i lawm lai i
ngaihchiatnak le lung retheihnak
an ing ti lai lo.
Currently Selected:
ISAIAH 35: HCL06
Highlight
Share
Compare
Copy
Want to have your highlights saved across all your devices? Sign up or sign in
Lai (Hakha) Common Language Bible © Bible Society of Myanmar 2006
