ISAIAH 15
15
Moab Cungah Rawhnak A Tlung Lai
1Hi hi Moab kong bia a si:
Zan khatte ah Ar khua le Kir khua cu hrawh an si i Moab ram cu a ning piin a daidup ko. #Isa 25.10-12; Jer 48.1-47; Eze 25.8-11; Amo 2.1-3; Zef 2.8-11 2Dibon khuami hna cu hmunthiang i va ṭah awkah tlang ah khan an kai. Moab mi hna nih cun Nebo khua le Medeba khua kha an ṭah hna; an ngaihchiat in an lu an i kongh i an khahmul an i ziah. 3Zalam i aa chawkmi hna cu buri puan an i aih i khua chung mi zapi pumhnak hmun le inn chung hna ah khan mi cu an ṭap i an ai. 4Heshbon khuami hna le Elealeh khuami hna cu an ai i an ai thawng cu Jahaz khua tiang a thang. Ralkap hmanh an tha a therh hna, an ralṭhatnak kha a lo dih cang. 5Moab caah ka lung a fak hringhran. Mi cu Zoar#15.5 Hika ah hin Hebru holh biafang pahnih an um rih, sihmanhsehlaw an sullam a fiang lo. khua ah an zam. A cheu cu an ṭah pah in Luhith lam leiah khan an hung kal; a cheu cu Horonaim leiah khan an zam i an i ṭah sek. 6Nimrim tiva cu a kao, a pawng ram cu an car dih i a hringmi zeihmanh an taang lo. 7Inhliam nel kha an tan i an ngeihmi vialte kha zampi an i zuam. 8Moab ramri kip ah ṭah thawng lawng a leng ko. Eglaim khua le Beerelim khua zongah ṭah thawng lawng a leng ko. 9Dibon khua ah khan tiva cu thisen in a luang, sihmanhsehlaw cuka mi hna caah khan Pathian nih cu nak chia chin cu a chiah ko rih. Moab ram chung i a tangmi hna kha heh tiah an sam hna lai.
Currently Selected:
ISAIAH 15: HCL06
Highlight
Share
Compare
Copy
Want to have your highlights saved across all your devices? Sign up or sign in
Lai (Hakha) Common Language Bible © Bible Society of Myanmar 2006
