HOSEA 13
13
Israel Donghnak Biaceihnak
1Efraim phun mi nih bia an chim
tikah midang nih khan
an rak ṭih tawn hna;
Israel mi a dang hna nih khan
an rak zohcho hna.
Sihmanhsehlaw annih nih Baal
an biak ruangah khan an sual i
hi ruangah hin an thi lai.
2Cuhleiah atu zongah hin an sual chin
lengmang ko;
ukang thir khan siasal an i ser.
An ngun in siasal cu an ser hna i
annih cu minung ruahnak nih
a suaichommi hna le minung
kut nih a serchommi hna an si.
Cun an i thawh i, “Annih cu
raithawinak pechan hna u,” an ti.
Zeitindah mi nih siasal cu
an hnamh khawh hna lai?
Cawtum mui a lomi siasal hna cu?
3Cucaah cu mi hna cu zinglei minmei
bantukin an ṭian lai i,
A lo zaumi dap bantukin an lo lai.
Annih cu phuhri in thli nih a choihmi
capawl bantuk an si lai i,
Meikhu chuahnak in a chuakmi
meikhu bantuk an si lai.
4Sihmanhsehlaw Izipt ram in
an chuahpitu hna nan Pathian Bawipa kha ka si.
Kha lioah khan cun keimah
dah ti lo cu
pathian dang zeihmanh
nan hngalhmi hna an um lo.
Keimah lawnglawng kha
nan khamhtu ka rak si ko.
5Ram car, thetse ram ah khan
kan zohkhenh hna. #Deu 8.11-17
6Sihmanhsehlaw ram ṭha chungah
khan nan vung luh tikah
nan paw a khim, nan thi a hnim i
nan i porhlaw i nan ka philh.
7Cucaah nannih cu chiandeih bantukin
kan zuanhnawh hna lai,
Pawlai bantukin nan lam in
kan bawh hna lai.
8A fa chuhmi vompi bantukin
nannih cu kan zuanhnawh hna lai i
kan thleh kan baoh dih hna lai.
Chiandeih bantukin a hmunte ah khan
kan ei dih hna lai i,
Sahrang bantukin kan thleh cikcek
hna lai.
9Nannih Israel mi, nannih cu
kan hrawh hna lai,
aho nih dah an in bawmh khawh
hna lai?
10Siangpahrang kan pe, hruaitu kan pe,
tiah nan ka hal.
Sihmanhsehlaw cu hna cu khuazei
ah dah an um kun? #1Sam 8.5-6
11Ka thinhun in siangpahrang cu
kan pek hna,
ka thinlinh in anmah cu
ka lak ṭhan hna. #1Sam 10.17-24; 15.26
12Efraim sualnak cu cazual ah ṭem chih
a si ko,
A ṭhat lonak hna cu cazin chungah
ṭial an si ko.
13Israel nih hin nun khawh nakding
caah caan ṭha a ngei ko,
Sihmanhsehlaw a hrut tuk i
cu caan cu aa lak lo.
Amah cu a hung chuak dengmangmi
naute, a nu paw chungin
chuah a duh lomi bantuk khi a si.
14Hi mi hna hi Sheol chungin ka khamh
hna lai lo,
Thihnak ṭhawnnak chung zongin
ka chuah hna lai lo.
Maw thihnak, na rai hna he cun
ra tuah!
Sheol, hrawh khawhnak ṭhawnnak
na ngeihmi he cun ra tuah!
Hi mi hna hi an cungah zaangfahnak
zeihmanh ka ngei lo. #1Kor 15.55
15Efraim cu phaikung bantukin hno
hluahmah hmanh seh law
Nichuahlei thli a sami kha thetse
ram lei in ka run hranter lai i
an cerh le an tiput vialte cu
an car dih lai.
A sungmi thil vialte cu a lohpi dih
hna lai.
16Samaria nih a Pathian kha a doh caah
a ṭiao dih lai;
A mi hna cu ral kut in an thi lai i
a ngakchia no tete hna cu vawlei ah
tengh an si lai,
Fapawi liomi an nule hna cu an paw
thler dih an si lai.
Currently Selected:
HOSEA 13: HCL06
Highlight
Copy
Compare
Share
Want to have your highlights saved across all your devices? Sign up or sign in
Lai (Hakha) Common Language Bible © Bible Society of Myanmar 2006
HOSEA 13
13
Israel Donghnak Biaceihnak
1Efraim phun mi nih bia an chim
tikah midang nih khan
an rak ṭih tawn hna;
Israel mi a dang hna nih khan
an rak zohcho hna.
Sihmanhsehlaw annih nih Baal
an biak ruangah khan an sual i
hi ruangah hin an thi lai.
2Cuhleiah atu zongah hin an sual chin
lengmang ko;
ukang thir khan siasal an i ser.
An ngun in siasal cu an ser hna i
annih cu minung ruahnak nih
a suaichommi hna le minung
kut nih a serchommi hna an si.
Cun an i thawh i, “Annih cu
raithawinak pechan hna u,” an ti.
Zeitindah mi nih siasal cu
an hnamh khawh hna lai?
Cawtum mui a lomi siasal hna cu?
3Cucaah cu mi hna cu zinglei minmei
bantukin an ṭian lai i,
A lo zaumi dap bantukin an lo lai.
Annih cu phuhri in thli nih a choihmi
capawl bantuk an si lai i,
Meikhu chuahnak in a chuakmi
meikhu bantuk an si lai.
4Sihmanhsehlaw Izipt ram in
an chuahpitu hna nan Pathian Bawipa kha ka si.
Kha lioah khan cun keimah
dah ti lo cu
pathian dang zeihmanh
nan hngalhmi hna an um lo.
Keimah lawnglawng kha
nan khamhtu ka rak si ko.
5Ram car, thetse ram ah khan
kan zohkhenh hna. #Deu 8.11-17
6Sihmanhsehlaw ram ṭha chungah
khan nan vung luh tikah
nan paw a khim, nan thi a hnim i
nan i porhlaw i nan ka philh.
7Cucaah nannih cu chiandeih bantukin
kan zuanhnawh hna lai,
Pawlai bantukin nan lam in
kan bawh hna lai.
8A fa chuhmi vompi bantukin
nannih cu kan zuanhnawh hna lai i
kan thleh kan baoh dih hna lai.
Chiandeih bantukin a hmunte ah khan
kan ei dih hna lai i,
Sahrang bantukin kan thleh cikcek
hna lai.
9Nannih Israel mi, nannih cu
kan hrawh hna lai,
aho nih dah an in bawmh khawh
hna lai?
10Siangpahrang kan pe, hruaitu kan pe,
tiah nan ka hal.
Sihmanhsehlaw cu hna cu khuazei
ah dah an um kun? #1Sam 8.5-6
11Ka thinhun in siangpahrang cu
kan pek hna,
ka thinlinh in anmah cu
ka lak ṭhan hna. #1Sam 10.17-24; 15.26
12Efraim sualnak cu cazual ah ṭem chih
a si ko,
A ṭhat lonak hna cu cazin chungah
ṭial an si ko.
13Israel nih hin nun khawh nakding
caah caan ṭha a ngei ko,
Sihmanhsehlaw a hrut tuk i
cu caan cu aa lak lo.
Amah cu a hung chuak dengmangmi
naute, a nu paw chungin
chuah a duh lomi bantuk khi a si.
14Hi mi hna hi Sheol chungin ka khamh
hna lai lo,
Thihnak ṭhawnnak chung zongin
ka chuah hna lai lo.
Maw thihnak, na rai hna he cun
ra tuah!
Sheol, hrawh khawhnak ṭhawnnak
na ngeihmi he cun ra tuah!
Hi mi hna hi an cungah zaangfahnak
zeihmanh ka ngei lo. #1Kor 15.55
15Efraim cu phaikung bantukin hno
hluahmah hmanh seh law
Nichuahlei thli a sami kha thetse
ram lei in ka run hranter lai i
an cerh le an tiput vialte cu
an car dih lai.
A sungmi thil vialte cu a lohpi dih
hna lai.
16Samaria nih a Pathian kha a doh caah
a ṭiao dih lai;
A mi hna cu ral kut in an thi lai i
a ngakchia no tete hna cu vawlei ah
tengh an si lai,
Fapawi liomi an nule hna cu an paw
thler dih an si lai.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lai (Hakha) Common Language Bible © Bible Society of Myanmar 2006