HOSEA 1
1
1Judah mi hna siangpahrang Uzziah, Jotham, Ahaz le Hezekiah le Israel mi hna siangpahrang Jeroboam, Jehoash fapa, an bawi lio caan i Beeri fapa Hosea sinah Bawipa bia a rami: #2Sia 14.23—15.7; 15.32—16.20; 18.1—20.21; 2Cha 26.1—27.8; 28.1—32.33
Hosea Nupi
2 Bawipa nih Hosea sinin Israel sinah a hmasa bik bia a chim tikah, Bawipa nih amah cu a thawh i, “Va kal law mizuangzamnu kha va ṭhi law cu mizuangzamnu he cun fa va ngei u; zeicahtiah hi ram hi Bawipa sinah zumhawktlak loin a um caah mizuangzamnu bantuk a si cang,” tiah a ti. 3Cucaah cun a kal i zeihmanh a ṭhahnem lomi nu Gomer kha a va ṭhit; cun fa a pawi i fapa a hrinpiak. 4Cun Bawipa nih a thawh i,
“A min ah Jezreel#1.4 Jezreel cu Bawipa nih a tuh lai, ti a si. va sak tuah;
Zeicahtiah Jezreel i thisen an chuahmi
ruangah khan Jehu tefa hna cu
dan ka tat hna lai i
Israel pennak cu ka donghter lai. #2Sia 10.11
5Khi ni ah Israel likuk cu Jezreel
nelrawn ah ka khiah lai,” tiah a ti.
6Fa a pawi ṭhan i fanu a hrin i Bawipa nih a thawh i,
“A min ah Lo-ruhamah#1.6 Lo-ruhamah cu Hramh Lo tinak a si. tiah sak tuah,
Zeicahtiah Israel cu ka hram bal ti
lai lo i ka ngaihthiam bal ti
lai lo,” tiah a ti.
7Sihmanhsehlaw Judah cu ka dawt lai i ka khamh lai. Li in siseh, vainam in siseh, ral hriamnam in siseh, rangtum in siseh, rangcung ralkap in siseh, ka khamh hna lai lo, sihmanhsehlaw Bawipa an Pathian in ka khamh hna lai.
8-9Lo-ruhamah cu hnuk a thlei dih in fa a pawi ṭhan i fapa a hrin; cun Bawipa nih a thawh i,
“A min ah Lo-ammi” sak tuah,
Zeicahtiah nannih cu ka mi nan si lo i
Kei cu nan Pathian ka si lo,” tiah a ti.
10Sihmanhsehlaw Israel mi hna cu rili thetse bantukin rel cawk lo an si lai, tah cawk zong an si lai lo, rel cawk zong an si lai lo; annih cu “Ka mi an si lo,” ti an si ti lai lo i sihmanhsehlaw “A Nungmi Pathian Fa,” titu an si cang lai. #Rom 9.26 11Cun Judah mi le Israel mi hna cu hmunkhat ah fonh an si lai i anmahte nih hruaitu pakhat kha an i thim lai, cun annih nih ram kha an co lai, Jezreel ni cu a lianngan lai.
Currently Selected:
HOSEA 1: HCL06
Highlight
Copy
Compare
Share
Want to have your highlights saved across all your devices? Sign up or sign in
Lai (Hakha) Common Language Bible © Bible Society of Myanmar 2006
