යෙරමියා 48
48
මෝවබ්ට එරෙහිව
1මෝවබ් පිළිබඳව:
ඉශ්‍රායෙල්ගේ දෙවියන්වහන්සේ වන සේනාංකවල ස්වාමින්වහන්සේ පවසන්නේ මෙයයි:
“නෙබෝ නුවරට දුක්-විපත් වේ! මන්ද එය විනාශයට පත් වේ.
කිරියාතායිම් නුවර, ලජ්ජාවට පත් කර, අල්ලා ගනු ලැබේ.
එහි බළකොටුව ලජ්ජාවට පමුණුවා බිඳ හෙළනු ලැබේ.
2මෝවබ් ගැන තවත් වර්ණනා කරනු නො ලැබේ;
හෙෂ්බෝන්හි දී ජනයා ඇයට එරෙහිව සැලසුම් කළහ:
‘එමු, අපි ඒ ජාතිය ඉවරයක් කර දමමු.’
එම්බා මද්මේන් නුවර, නුඹත් නිහඬ කරනු ලැබේ.
කඩුව නුඹ ලුහුබඳිනු ඇත.
3සවන් දෙන්න! හෝරොනායිම් වෙතින් එන කෑ මොර ගෑමට;
මහ සංහාරයක හා විනාශයක කෑ මොර දීමක්.
4මෝවබ් වනසා දැමිණ.
ඇගේ කුඩා උන් කෑ මොර දෙනු ඇත.
5ඔවුහු ලූහිත් නැග්මේ නැගී ගියාහු,
ගමන් ගනිමින් හඬා වැටුණහ.
හෝරොනායිම් බැස්මේදී විනාශයේ,
සන්තාපයේ කෑ මොර දීම් ඇසිණි.
6පැන දුවන්න! ඔබේ ජීවිත බේරා ගන්න.
කාන්තාරයේ පඳුරක් මෙන් වන්න.
7ඔබේ ම ක්‍රියා සහ සම්පත් ගැන ඔබ විශ්වාසය තබන බැවින්,
නුඹත් ගෙන යනු ලබන්නේ ය.
කෙමොෂ් ඔහුගේ පූජකයින් හා නිලධාරීන් ද සමඟ
වහල්කමට යනු ඇත.
8විනාශකයා හැම නගරයකට ම එරෙහිව එනු ඇත;
එක නගරයක් වත් බේරෙන්නේ නැත.
ස්වාමින්වහන්සේ කතා කළ පරිදි
මිටියාවත විනාශ කරනු ලැබේ.
සානුව ද වනසාලනු ඇත.
9මෝවබ් පිට ලුණු දමන්න.#48:9 මෙම වාක්‍යයේ අර්ථය හෙබ්‍රෙව් බසින් පැහැදිලි නැත
මන්ද ඇය ආලාපාළු ව යනු ඇත.
ඇගේ නගර ජනාවාසයෙන් තොර ව,
ජරාවාසයක් වනු ඇත.
10“ස්වාමින්වහන්සේගේ වැඩ, මන්දගාමී ව කරන්නාට ශාප වේවා!
තම කඩුව ලේ හැලීමෙන් වළක්වාගන්නාට ද ශාප වේවා!
11“එහිම මණ්ඩි මත නිසල ව ඇති මිදි යුෂ සේ,
මෝවබ් තුරුණු වියේ පටන් ම සුව-පහසුව හිඳී.
ඇය බඳුනකින්, බඳුනකට වත් කරනු ලැබුවේ නැත.
පිටුවහල් ව ගියේ ද නැත.
එබැවින් ඇගේ රසය, තවමත් රැඳී තිබේ;
ඇගේ සුවඳ ද නො වෙනස් ව පවතී.
12එබැවින් ඔන්න! බඳුන්වලට වත්කරන්නන්
මා විසින් යවනු ලබන දවස් පැමිණේ යැ” යි ස්වාමින්වහන්සේ ප්‍රකාශ කරන සේක.
එවිට ඔවුහු ඇය ඉහිරවා දමනු ඇත.
“ඔවුහු ඇගේ බඳුන් හිස් කොට,
ඇගේ බඳුන් බිඳ දමනු ඇත.
13එවිට තමන් විශ්වාසය තැබූ බෙතෙල් නිසා
ඉශ්‍රායෙල් වංශය ලජ්ජාවට පමුණුවනු ලැබූ සේ ම,
මෝවබ් ද කෙමොෂ් ගැන ලජ්ජාවට පත් වනු ඇත.
14“ ‘අප රණවිරුවන් ය, යුද්ධයට ශූරයන් යැ’ යි
නුඹලා කෙසේ කියන්නහු ද?
15මෝවබ්හි හා ඇගේ පුර-නගරවල විනාශකයා පැමිණ ඇත.
ඇගේ ඉතාම හොඳ තරුණයන් ඝාතනයට ලක්වන්නේ යැ” යි
සේනාංකවල ස්වාමින්වහන්සේ යන නාමය දරන රජ්ජුරුවෝ ප්‍රකාශ කරන්නාහ.
16“මෝවබ්ගේ විපත්තිය අත ළඟ ම ය.
ඇගේ විනාශය වහ වහා පැමිණේ.
17ඇය උදෙසා ශෝක වන්න. ඇය වටා වෙසෙන්නෙනි,
ඇගේ නාමය දන්නා සියල්ලෙනි,
‘ඒ බලගතු ජයකොන්තය බිඳී ගිය හැටි!
ඒ මහිමවත් සැරයටිය කැඩී ගිය හැටි!’ යි පවසන්න.
18“අහෝ, දීබොන් දියණියගේ වැසියනි,
නුඹලාගේ තේජසින් පහළ බැස අවුත්,
වියැළී ගිය බිමෙහි හිඳගන්න.
මන්ද මෝවබ්හි විනාශකයා
නුඹට එරෙහිව අවුත්,
නුඹේ බළකොටු පුරවර සුන්බුන් කර ඇත.
19එම්බා අරෝයෙර්හි වැසියනි,
පාර අයිනේ සිටගෙන විමසිල්ලෙන් බලා හිඳ,
පලා යන පුරුෂයා හා බේරී යන ස්ත්‍රිය අමතා,
‘මොනවද වෙලා තියෙන්නේ?’ යි අසන්න.
20බිඳ දමනු ලැබූ මෝවබ් ලජ්ජාවට දමනු ලැබිණ.
වැලපෙන්න; හඬා වැටෙන්න!
මෝවබ් විනාශ කර දමනු ලැබූ වග,
අර්ණොන් ගඟබඩදී ප්‍රකාශයට පත් කරන්න.
21විනිශ්චය, කඳු තලාව පිට–
හොලොන්, යහස් හා මේෆාත් පිට,
22දීබොන්, නෙබෝ හා බෙත්-දිබ්ලාතයිම් පිට,
23කිරියාතායිම්, බෙත්-ගාමුල් හා බෙත්-මෙයෝන් පිට–
24කෙරියොත් හා බොස්රා පිට යන
මෝවබ්හි ඈත-මෑත සියලු නගර පිට පැමිණ ඇත.
25මෝවබ්ගේ ශක්තිය වූ අඟ, කපා දමනු ලැබේ.
ඔහුගේ බාහුව, බිඳ දමනු ලැබ ඇතැ” යි
ස්වාමින්වහන්සේ ප්‍රකාශ කරන සේක.
26 ස්වාමින්වහන්සේට එරෙහිව ඇය අහංකාර වූ බැවින්,
ඈ වෙරි කරවන්න.
මෝවබ්ට ඇගේ ම වමනය මත දඟලන්නට හරින්න.
ඈ සමච්චලයට ඉලක්ක වේවා.
27නුඹ ඉශ්‍රායෙල් සමච්චලයට ලක් කළා නො වේ ද?
ඉශ්‍රායෙල් ගැන කතා කරන හැම විටෙක
නුඹ අවඥාවෙන් හිස වැනුවේ,
ඔහු සොරුන් අතරේ සිට හමු වුණාවත් ද?
28එම්බා මෝවබ් වාසීනී,
නුඹලාගේ නගර අතහැර, උස් පර්වතවල පදිංචි වනු!
ලෙන් විවරයෙහි
තම කැදැල්ල තනන පරෙවියකු සේ වන්න.
29“මෝවබ්ගේ උඩඟුව ගැන අපි අසා ඇත්තෙමු.
ඉහ වහා ගිය ඇගේ උඩඟුව හා පුහුමානය ගැන,
ඇගේ උඩඟුව හා අහංකාරයත්,
ඇගේ හදේ උදාරම ගැනත් අසා ඇත්තෙමු.
30ඇගේ ආඩම්බරය ගැන මම දනිමි. එහෙත් එය බොරුවකි” යි ස්වාමින්වහන්සේ ප්‍රකාශ කරන සේක.
“ඇගේ පුරසාරම ද බොරුවකි.
31එබැවින්, මෝවබ් ගැන මම වැලපෙන්නෙමි.
මෝවබ් සියල්ලන් ගැන හඬා වැටෙන්නෙමි.
කීර්-හෙරෙස්හි#48:31 කීර්-හෙරෙස්හි හෙවත් කීර්-හරෙසෙත් මිනිසුන් ගැන ශෝක වන්නෙමි.
32යාසේර් වාසීන් වැලපෙනවාට වඩා මම නුඹ ගැන වැලපෙමි,
අහෝ සිබ්මාහි මිදි වැල!
නුඹේ අතු මුහුද තෙක් විහිදිණි.
ඒවා යාසේර්හි මුහුද තෙක් ම පැතිරිණි.
නුඹේ ඉදුණු පල හා මිදි අස්වනු පිටට
විනාශකයා පාත් විණි.
33ප්‍රීතියත්, සොම්නසත්,
මෝවබ්හි පලතුරු වතු හා කෙත් වතු හැර ගොසිනි.
මිදි මෝලෙන් මිදි යුෂ ගලා ඒම, මම නතර කළෙමි.
ප්‍රීති ඝෝෂාවෙන් යුතු ව මිදි මඬින කෙනෙක් නැත.
ඝෝෂා එහි නැගුණත්,
ඒවා ප්‍රීති ඝෝෂා නො වේ.
34“ඔවුන්ගේ කෑ ගැසීමේ කටහඬ,
හෙෂ්බෝන්හි සිට එලෙයාලේ හා යහස් දක්වා ද
සොවර්හි පටන් හෝරොනායිම් හා එග්ලත්-ෂෙලිෂීයා දක්වා ද නැගිණි.
නිම්රීම්හි ජලාශ පවා හිඳී ගොසිනි.
35මෝවබ්හි උස් පුදසුන් මත පිදවිලි කරන්නන් ද
තම දෙවි දේවතාවුනට සුවඳ දුම් දවන්නන් ද
මම නැති කර දමන්නෙමි” යි ස්වාමින්වහන්සේ ප්‍රකාශ කරන සේක.
36“එබැවින් මෝවබ් ගැන මගේ හද, බටනළාවක් මෙන් විලාප නගයි.
කීර්-හෙරෙස් ජනයා ගැන මගේ හද, බටනළාවක් සේ විලාප නගයි.
ඔවුන් අත්කර ගත් ධනය නැති වී ගොසිනි.
37හැම හිසක් ම මුඩු කෙරේ.
හැම යටි රැවුලක් ම කපා දැමේ.
හැම අතක් ම කපා-කොටා ඇත.
හැම ඉඟක් ම ගෝණි පඩංගුවේ දැවැටේ.
38මෝවබ්හි සියලු ගෙපියසි මත ද
පොදු පිට්ටනිවල ද
ශෝක වීම හැර අන් කිසිත් නැත.
කිසිවකුටත් අනවශ්‍ය බඳුනක් සේ මම මෝවබ් බිඳ දමන්නෙමි” යි
ස්වාමින්වහන්සේ ප්‍රකාශ කරන සේක.
39“ඈ සිඳ දමනු ලැබූ හැටි! ඔවුන් වැලපුණු හැටි!
මෝවබ් ලජ්ජාවෙන් තම පිටුපස හැරවූ හැටි!
මෙසේ මෝවබ් සමච්චලයට ඉලක්කයක් විය.
ඈ වටා වූ හැමට භීතියට කරුණක් විය.”
40 ස්වාමින්වහන්සේ මෙසේ පවසන සේක:
“මෙන්න, මෝවබ්ට එරෙහිව තම පියාපත් විහිදවමින්,
රාජාලියකු, අසුරු සැණෙක පහත බැස එයි.
41කෙරියොත් අල්ලා ගැනේ.
බළකොටු යටත් කෙරේ.
ඒ දවසේ මෝවබ් රණවිරුවන්ගේ හදවත්,
ප්‍රසවයේදී ස්ත්‍රියකගේ හදවත මෙන් වනු ඇත.
42මෝවබ් විනාශ කර දැමේ. තවදුරටත් ජාතියක් නො වේ.
මන්ද ඇය ස්වාමින්වහන්සේට එරෙහිව අහංකාරී වූවා ය.
43එම්බා මෝවබ් වාසීනී,
භීතියත්, බොරු වළත්, මලපතත් ඔබගේ පෙරමග බලා සිටී යැ” යි
ස්වාමින්වහන්සේ ප්‍රකාශ කරන සේක.
44“භීතිය වෙතින් පලායන්නා,
බොරු වළේ වැටේ.
බොරු වළෙන් ගොඩවන්නා,
මලපතට හසු වේ.
මන්ද මා, මෝවබ් පිටට
ඔවුන්ගේ දඬුවමේ අවුරුද්ද පමුණු වන නිසා යැ” යි
ස්වාමින්වහන්සේ ප්‍රකාශ කරන සේක.
45“හෙෂ්බෝන් සෙවණැල්ලෙහි
පලායන්නෝ පිළිසරණක් නැතිව සිටිති.
මන්ද හෙෂ්බෝන් වෙතින් ගින්නක් නික්මිණි.
සීහොන් මධ්‍යයෙන් ගිනි දැල්ලක් නික්මිණි.
එයින් මෝවබ්ගේ නළලත ද
පුරාජේරු ඝෝෂාකාරයින්ගේ හිස් කබල් ද දවා දැමේ.
46එම්බා මෝවබ්, නුඹට වන විපතක මහත!
කෙමොෂ්හි ජනයා විනාශ කෙරේ.
නුඹගේ පුතුන් වහල්කමට ද
නුඹගේ දූවරුන් වහල්කමට ද ගෙන යනු ලැබේ.
47“එහෙත්, මතු දවස්හි දී මම,
මෝවබ්ගේ භාග්‍ය, යළි පිහිටු වන්නෙමි” යි
ස්වාමින්වහන්සේ ප්‍රකාශ කරන සේක.
මෝවබ්ගේ විනිශ්චය මෙයින් නිම වේ.
Currently Selected:
යෙරමියා 48: SCV
Highlight
Share
Copy
Want to have your highlights saved across all your devices? Sign up or sign in
Holy Bible, Sinhala Contemporary Version™ | © 1980, 1991, 1994, 2011, 2020, 2025 by Biblica, Inc. | Used with permission. All rights reserved worldwide.
යෙරමියා 48
48
මෝවබ්ට එරෙහිව
1මෝවබ් පිළිබඳව:
ඉශ්‍රායෙල්ගේ දෙවියන්වහන්සේ වන සේනාංකවල ස්වාමින්වහන්සේ පවසන්නේ මෙයයි:
“නෙබෝ නුවරට දුක්-විපත් වේ! මන්ද එය විනාශයට පත් වේ.
කිරියාතායිම් නුවර, ලජ්ජාවට පත් කර, අල්ලා ගනු ලැබේ.
එහි බළකොටුව ලජ්ජාවට පමුණුවා බිඳ හෙළනු ලැබේ.
2මෝවබ් ගැන තවත් වර්ණනා කරනු නො ලැබේ;
හෙෂ්බෝන්හි දී ජනයා ඇයට එරෙහිව සැලසුම් කළහ:
‘එමු, අපි ඒ ජාතිය ඉවරයක් කර දමමු.’
එම්බා මද්මේන් නුවර, නුඹත් නිහඬ කරනු ලැබේ.
කඩුව නුඹ ලුහුබඳිනු ඇත.
3සවන් දෙන්න! හෝරොනායිම් වෙතින් එන කෑ මොර ගෑමට;
මහ සංහාරයක හා විනාශයක කෑ මොර දීමක්.
4මෝවබ් වනසා දැමිණ.
ඇගේ කුඩා උන් කෑ මොර දෙනු ඇත.
5ඔවුහු ලූහිත් නැග්මේ නැගී ගියාහු,
ගමන් ගනිමින් හඬා වැටුණහ.
හෝරොනායිම් බැස්මේදී විනාශයේ,
සන්තාපයේ කෑ මොර දීම් ඇසිණි.
6පැන දුවන්න! ඔබේ ජීවිත බේරා ගන්න.
කාන්තාරයේ පඳුරක් මෙන් වන්න.
7ඔබේ ම ක්‍රියා සහ සම්පත් ගැන ඔබ විශ්වාසය තබන බැවින්,
නුඹත් ගෙන යනු ලබන්නේ ය.
කෙමොෂ් ඔහුගේ පූජකයින් හා නිලධාරීන් ද සමඟ
වහල්කමට යනු ඇත.
8විනාශකයා හැම නගරයකට ම එරෙහිව එනු ඇත;
එක නගරයක් වත් බේරෙන්නේ නැත.
ස්වාමින්වහන්සේ කතා කළ පරිදි
මිටියාවත විනාශ කරනු ලැබේ.
සානුව ද වනසාලනු ඇත.
9මෝවබ් පිට ලුණු දමන්න.#48:9 මෙම වාක්‍යයේ අර්ථය හෙබ්‍රෙව් බසින් පැහැදිලි නැත
මන්ද ඇය ආලාපාළු ව යනු ඇත.
ඇගේ නගර ජනාවාසයෙන් තොර ව,
ජරාවාසයක් වනු ඇත.
10“ස්වාමින්වහන්සේගේ වැඩ, මන්දගාමී ව කරන්නාට ශාප වේවා!
තම කඩුව ලේ හැලීමෙන් වළක්වාගන්නාට ද ශාප වේවා!
11“එහිම මණ්ඩි මත නිසල ව ඇති මිදි යුෂ සේ,
මෝවබ් තුරුණු වියේ පටන් ම සුව-පහසුව හිඳී.
ඇය බඳුනකින්, බඳුනකට වත් කරනු ලැබුවේ නැත.
පිටුවහල් ව ගියේ ද නැත.
එබැවින් ඇගේ රසය, තවමත් රැඳී තිබේ;
ඇගේ සුවඳ ද නො වෙනස් ව පවතී.
12එබැවින් ඔන්න! බඳුන්වලට වත්කරන්නන්
මා විසින් යවනු ලබන දවස් පැමිණේ යැ” යි ස්වාමින්වහන්සේ ප්‍රකාශ කරන සේක.
එවිට ඔවුහු ඇය ඉහිරවා දමනු ඇත.
“ඔවුහු ඇගේ බඳුන් හිස් කොට,
ඇගේ බඳුන් බිඳ දමනු ඇත.
13එවිට තමන් විශ්වාසය තැබූ බෙතෙල් නිසා
ඉශ්‍රායෙල් වංශය ලජ්ජාවට පමුණුවනු ලැබූ සේ ම,
මෝවබ් ද කෙමොෂ් ගැන ලජ්ජාවට පත් වනු ඇත.
14“ ‘අප රණවිරුවන් ය, යුද්ධයට ශූරයන් යැ’ යි
නුඹලා කෙසේ කියන්නහු ද?
15මෝවබ්හි හා ඇගේ පුර-නගරවල විනාශකයා පැමිණ ඇත.
ඇගේ ඉතාම හොඳ තරුණයන් ඝාතනයට ලක්වන්නේ යැ” යි
සේනාංකවල ස්වාමින්වහන්සේ යන නාමය දරන රජ්ජුරුවෝ ප්‍රකාශ කරන්නාහ.
16“මෝවබ්ගේ විපත්තිය අත ළඟ ම ය.
ඇගේ විනාශය වහ වහා පැමිණේ.
17ඇය උදෙසා ශෝක වන්න. ඇය වටා වෙසෙන්නෙනි,
ඇගේ නාමය දන්නා සියල්ලෙනි,
‘ඒ බලගතු ජයකොන්තය බිඳී ගිය හැටි!
ඒ මහිමවත් සැරයටිය කැඩී ගිය හැටි!’ යි පවසන්න.
18“අහෝ, දීබොන් දියණියගේ වැසියනි,
නුඹලාගේ තේජසින් පහළ බැස අවුත්,
වියැළී ගිය බිමෙහි හිඳගන්න.
මන්ද මෝවබ්හි විනාශකයා
නුඹට එරෙහිව අවුත්,
නුඹේ බළකොටු පුරවර සුන්බුන් කර ඇත.
19එම්බා අරෝයෙර්හි වැසියනි,
පාර අයිනේ සිටගෙන විමසිල්ලෙන් බලා හිඳ,
පලා යන පුරුෂයා හා බේරී යන ස්ත්‍රිය අමතා,
‘මොනවද වෙලා තියෙන්නේ?’ යි අසන්න.
20බිඳ දමනු ලැබූ මෝවබ් ලජ්ජාවට දමනු ලැබිණ.
වැලපෙන්න; හඬා වැටෙන්න!
මෝවබ් විනාශ කර දමනු ලැබූ වග,
අර්ණොන් ගඟබඩදී ප්‍රකාශයට පත් කරන්න.
21විනිශ්චය, කඳු තලාව පිට–
හොලොන්, යහස් හා මේෆාත් පිට,
22දීබොන්, නෙබෝ හා බෙත්-දිබ්ලාතයිම් පිට,
23කිරියාතායිම්, බෙත්-ගාමුල් හා බෙත්-මෙයෝන් පිට–
24කෙරියොත් හා බොස්රා පිට යන
මෝවබ්හි ඈත-මෑත සියලු නගර පිට පැමිණ ඇත.
25මෝවබ්ගේ ශක්තිය වූ අඟ, කපා දමනු ලැබේ.
ඔහුගේ බාහුව, බිඳ දමනු ලැබ ඇතැ” යි
ස්වාමින්වහන්සේ ප්‍රකාශ කරන සේක.
26 ස්වාමින්වහන්සේට එරෙහිව ඇය අහංකාර වූ බැවින්,
ඈ වෙරි කරවන්න.
මෝවබ්ට ඇගේ ම වමනය මත දඟලන්නට හරින්න.
ඈ සමච්චලයට ඉලක්ක වේවා.
27නුඹ ඉශ්‍රායෙල් සමච්චලයට ලක් කළා නො වේ ද?
ඉශ්‍රායෙල් ගැන කතා කරන හැම විටෙක
නුඹ අවඥාවෙන් හිස වැනුවේ,
ඔහු සොරුන් අතරේ සිට හමු වුණාවත් ද?
28එම්බා මෝවබ් වාසීනී,
නුඹලාගේ නගර අතහැර, උස් පර්වතවල පදිංචි වනු!
ලෙන් විවරයෙහි
තම කැදැල්ල තනන පරෙවියකු සේ වන්න.
29“මෝවබ්ගේ උඩඟුව ගැන අපි අසා ඇත්තෙමු.
ඉහ වහා ගිය ඇගේ උඩඟුව හා පුහුමානය ගැන,
ඇගේ උඩඟුව හා අහංකාරයත්,
ඇගේ හදේ උදාරම ගැනත් අසා ඇත්තෙමු.
30ඇගේ ආඩම්බරය ගැන මම දනිමි. එහෙත් එය බොරුවකි” යි ස්වාමින්වහන්සේ ප්‍රකාශ කරන සේක.
“ඇගේ පුරසාරම ද බොරුවකි.
31එබැවින්, මෝවබ් ගැන මම වැලපෙන්නෙමි.
මෝවබ් සියල්ලන් ගැන හඬා වැටෙන්නෙමි.
කීර්-හෙරෙස්හි#48:31 කීර්-හෙරෙස්හි හෙවත් කීර්-හරෙසෙත් මිනිසුන් ගැන ශෝක වන්නෙමි.
32යාසේර් වාසීන් වැලපෙනවාට වඩා මම නුඹ ගැන වැලපෙමි,
අහෝ සිබ්මාහි මිදි වැල!
නුඹේ අතු මුහුද තෙක් විහිදිණි.
ඒවා යාසේර්හි මුහුද තෙක් ම පැතිරිණි.
නුඹේ ඉදුණු පල හා මිදි අස්වනු පිටට
විනාශකයා පාත් විණි.
33ප්‍රීතියත්, සොම්නසත්,
මෝවබ්හි පලතුරු වතු හා කෙත් වතු හැර ගොසිනි.
මිදි මෝලෙන් මිදි යුෂ ගලා ඒම, මම නතර කළෙමි.
ප්‍රීති ඝෝෂාවෙන් යුතු ව මිදි මඬින කෙනෙක් නැත.
ඝෝෂා එහි නැගුණත්,
ඒවා ප්‍රීති ඝෝෂා නො වේ.
34“ඔවුන්ගේ කෑ ගැසීමේ කටහඬ,
හෙෂ්බෝන්හි සිට එලෙයාලේ හා යහස් දක්වා ද
සොවර්හි පටන් හෝරොනායිම් හා එග්ලත්-ෂෙලිෂීයා දක්වා ද නැගිණි.
නිම්රීම්හි ජලාශ පවා හිඳී ගොසිනි.
35මෝවබ්හි උස් පුදසුන් මත පිදවිලි කරන්නන් ද
තම දෙවි දේවතාවුනට සුවඳ දුම් දවන්නන් ද
මම නැති කර දමන්නෙමි” යි ස්වාමින්වහන්සේ ප්‍රකාශ කරන සේක.
36“එබැවින් මෝවබ් ගැන මගේ හද, බටනළාවක් මෙන් විලාප නගයි.
කීර්-හෙරෙස් ජනයා ගැන මගේ හද, බටනළාවක් සේ විලාප නගයි.
ඔවුන් අත්කර ගත් ධනය නැති වී ගොසිනි.
37හැම හිසක් ම මුඩු කෙරේ.
හැම යටි රැවුලක් ම කපා දැමේ.
හැම අතක් ම කපා-කොටා ඇත.
හැම ඉඟක් ම ගෝණි පඩංගුවේ දැවැටේ.
38මෝවබ්හි සියලු ගෙපියසි මත ද
පොදු පිට්ටනිවල ද
ශෝක වීම හැර අන් කිසිත් නැත.
කිසිවකුටත් අනවශ්‍ය බඳුනක් සේ මම මෝවබ් බිඳ දමන්නෙමි” යි
ස්වාමින්වහන්සේ ප්‍රකාශ කරන සේක.
39“ඈ සිඳ දමනු ලැබූ හැටි! ඔවුන් වැලපුණු හැටි!
මෝවබ් ලජ්ජාවෙන් තම පිටුපස හැරවූ හැටි!
මෙසේ මෝවබ් සමච්චලයට ඉලක්කයක් විය.
ඈ වටා වූ හැමට භීතියට කරුණක් විය.”
40 ස්වාමින්වහන්සේ මෙසේ පවසන සේක:
“මෙන්න, මෝවබ්ට එරෙහිව තම පියාපත් විහිදවමින්,
රාජාලියකු, අසුරු සැණෙක පහත බැස එයි.
41කෙරියොත් අල්ලා ගැනේ.
බළකොටු යටත් කෙරේ.
ඒ දවසේ මෝවබ් රණවිරුවන්ගේ හදවත්,
ප්‍රසවයේදී ස්ත්‍රියකගේ හදවත මෙන් වනු ඇත.
42මෝවබ් විනාශ කර දැමේ. තවදුරටත් ජාතියක් නො වේ.
මන්ද ඇය ස්වාමින්වහන්සේට එරෙහිව අහංකාරී වූවා ය.
43එම්බා මෝවබ් වාසීනී,
භීතියත්, බොරු වළත්, මලපතත් ඔබගේ පෙරමග බලා සිටී යැ” යි
ස්වාමින්වහන්සේ ප්‍රකාශ කරන සේක.
44“භීතිය වෙතින් පලායන්නා,
බොරු වළේ වැටේ.
බොරු වළෙන් ගොඩවන්නා,
මලපතට හසු වේ.
මන්ද මා, මෝවබ් පිටට
ඔවුන්ගේ දඬුවමේ අවුරුද්ද පමුණු වන නිසා යැ” යි
ස්වාමින්වහන්සේ ප්‍රකාශ කරන සේක.
45“හෙෂ්බෝන් සෙවණැල්ලෙහි
පලායන්නෝ පිළිසරණක් නැතිව සිටිති.
මන්ද හෙෂ්බෝන් වෙතින් ගින්නක් නික්මිණි.
සීහොන් මධ්‍යයෙන් ගිනි දැල්ලක් නික්මිණි.
එයින් මෝවබ්ගේ නළලත ද
පුරාජේරු ඝෝෂාකාරයින්ගේ හිස් කබල් ද දවා දැමේ.
46එම්බා මෝවබ්, නුඹට වන විපතක මහත!
කෙමොෂ්හි ජනයා විනාශ කෙරේ.
නුඹගේ පුතුන් වහල්කමට ද
නුඹගේ දූවරුන් වහල්කමට ද ගෙන යනු ලැබේ.
47“එහෙත්, මතු දවස්හි දී මම,
මෝවබ්ගේ භාග්‍ය, යළි පිහිටු වන්නෙමි” යි
ස්වාමින්වහන්සේ ප්‍රකාශ කරන සේක.
මෝවබ්ගේ විනිශ්චය මෙයින් නිම වේ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Holy Bible, Sinhala Contemporary Version™ | © 1980, 1991, 1994, 2011, 2020, 2025 by Biblica, Inc. | Used with permission. All rights reserved worldwide.