යෙරමියා 46
46
ඊජිප්තුවට විනිශ්චය
1ජාතීන් පිළිබඳව දිවැසිවර යෙරමියා වෙත පැමිණි ස්වාමින්වහන්සේගේ වචනය.
2ඊජිප්තුව පිළිබඳව:
යූදාහි රජු වූ යොෂීයාගේ පුත් යෙහෝයාකීම්ගේ හතර වන වසරේ, යුප්‍රටීස්#46:2 යුප්‍රටීස් හෙවත් පෙරාත් ගංගාව අසල කර්කෙමිෂ්හි දී බබිලෝනියේ රජු වූ නෙබුකද්නෙසර් විසින් පරාජය කරන ලද ඊජිප්තුවේ රජු වූ පාරාවෝ නෙකොගේ හමුදාවට විරුද්ධ පණිවුඩය මෙයයි:
3“නුඹලාගේ පලිහ සහ මහ පලිහ සූදානම් කොට,
යුද්ධයට පෙළගැසෙන්න.
4අශ්වයන් සන්නද්ධ කරන්න:
අසු පිට නැග යන්න.
යුධ හිස් වැසුම් දමා,
ස්ථානගත වන්න.
ඔබගේ හෙල්ල ඔප දමා,
ඔබගේ සන්නාහයෙන් සන්නද්ධ වන්න.
5මොනවද මට පෙනෙන්නේ?
ඔවුන් භීතියට පත් වෙලා;
ඔවුන් පසු බසිනු පෙනේ.
ඔවුන්ගේ රණකාමීන් පැරදී,
පස්ස නො බලා, හනිකට පලා යති.
භීතිය හැම පැත්තෙන් ම” යි
ස්වාමින්වහන්සේ ප්‍රකාශ කරන සේක.
6“ජවසම්පන්නයාට පලා යන්නට බැරි ය.
ප්‍රබලයා ද බේරී යන්නේ නැත;
යුප්‍රටීස් ගඟ අද්දර උතුරු පෙදෙසේදී
ඔවුහු පැකිළී, වැටෙති.
7“නයිල් ගංගාව මෙන් නැග එන,
රළ රැළි නගන ගංගා මෙන් නැග එන, මොහු කවරෙක් ද?
8ඊජිප්තුව, නයිල් ගඟ මෙන් නැගෙයි.
දිය රැළි, නැගෙන ගංගා මෙන් නැගෙයි.
‘මම, නැගිට, පොළොව වසා ගනිමි.
මම, පුරවර හා ඒවායේ වැසියන් විනාශ කර දමමි’ යි ඔහු කියයි.
9පෙරට එනු! එම්බා අශ්වයිනි,
එම්බා යුධ රථ, කඩා බිඳගෙන දක්කනු!
පලිහ හසුරුවන කූෂ්හි හා පූට්හි වාසීන් ද
දුන්නෙන් විදින ලූද්හි මිනිසුන් ද වන රණවිරුවන් පිටතට යත්වා!
10එම දවස සේනාංකවල ස්වාමින්වහන්සේ වන ස්වාමින්වහන්සේගේ දවසයි–පළිගැනීමේ දවසයි;
උන්වහන්සේගේ සතුරන්ගෙන් පළි ගන්නා දවසයි.
සෑහීමට පත් වන තුරු,
ඔවුන්ගේ ලේ තෘප්තිය සංසිඳෙන තුරු, කඩුව වනසයි.
මන්ද සේනාංකවල දෙවියන්වහන්සේ වන ස්වාමින්වහන්සේ
යුප්‍රටීස් ගඟ අසබඩ උතුරු පෙදෙසේ පූජාවක් යාග කරන බැවිනි.
11“එම්බා ඊජිප්තු කන්‍යා දියණිය,
ගිලියාද් වෙත ගොස්, සහනාලේප ගන්න.
පලක් නැතිව ඔබ බෙහෙවින් බෙහෙත්වලට හුරුවෙලා;
සුවවීමක් ඔබට නැත.
12ඔබේ නින්දාව ගැන ජාතීන් අසා ඇත.
ඔබේ හැඬුමින් පොළොව පිරී යනු ඇත.
රණවිරුවෙක් තවත් රණවිරුවකුට හැපී,
පැකිළී, දෙදෙනා ම එකට ඇද වැටුණි.”
13ඊජිප්තුවට පහර දීමට බබිලෝනියේ රජු වන නෙබුකද්නෙසර්ගේ පැමිණීම ගැන, දිවැසිවර යෙරමියාට ස්වාමින්වහන්සේකතා කළ වචනය ය:
14“ඊජිප්තුවෙහි නිවේදන කරන්න; මිග්දෝල් හි ප්‍රකාශ කරන්න.
මෙම්ෆිස්හි#46:14 මෙම්ෆිස්හි හෙබ්‍රෙව් නොෆ් 19 වෙනි පදයේ ද එසේ ම ය. හා තාපන්හේස්හි ප්‍රකාශ කරන්න:
‘නිසි තැන්හි සිට සූදානම් වන්නැයි කියන්න.
මන්ද කඩුව ඔබ වටා සිටින්නන් වනසාලනු ඇත.’
15නුඹලාගේ බලවතුන් මුණින් තලා වී මන්ද?
ඔවුන් සිටගන්නේ නැත. මන්ද ස්වාමින්වහන්සේ ඔවුන් පහත ඔබා ඇත.
16ඔවුන් බොහෝ දෙනකුට පැකිළෙන්නට උන්වහන්සේ සැලසූ සේක.
ඔවුන් වැටෙන්නට විය.
ඔවුහු එකිනෙකා අමතමින්, ‘නැගිටිමු!
පීඩකයාගේ කඩුව වෙතින් බැහැර වෙමින්,
අපි අපේ ම ජනතාව වෙත, අපේ ම ඡන්ම භූමියට ආපසු යමු’ යි කීහ.
17එහිදී ඔවුන් මොර ගසන්නේ,
‘ඊජිප්තුවේ රජ වන පාරාවෝ ඝෝෂාවක් පමණි.
ඔහු ප්‍රස්තාවේ කාලය ගෙවී යාමට ඉඩ හැරියේ ය’ කියා ය.
18“මා ජීවත් වන්නා සේ ම,
කඳු අතරේ තාබෝර් වැනි වූ ද සයුර අද්දර කර්මෙල් වැනි වූ ද
කෙනෙක් එන්නේ යැ” යි සේනාංකවල ස්වාමින්වහන්සේ යන
නාමය ඇති රජ්ජුරුවෝ ප්‍රකාශ කරන්නාහ.
19එම්බා ඊජිප්තුවේ වෙසෙන්නෙනි#46:19 ඊජිප්තුවේ වෙසෙන්නෙනි හෙවත් ඊජිප්තු දියණියනි,
පිටුවහල් වීමට නුඹේ බඩු, පොදි බැඳ ගන්න.
මන්ද මෙම්ෆිස් නාස්ති කරනු ලැබ,
ජනාවාසයෙන් තොර ව, ජරාවාස ව වැතිර සිටිනු ඇත.
20“ඊජිප්තුව සොබමන් වැස්සියක.
එහෙත් ඇට-මැස්සෙක්,
උතුරේ සිට ඇය පිට පැමිණේ.
21ඇය මධ්‍යයේ සිටින කුලී හේවායෝ,
තර කරන ලද වස්සන් වැන්න.
ඇත්තෙන් ම ඔවුන් ද ආපසු හැරී,
එක් ව පලා යනු ඇත. රැඳීසිටින්නට ඔවුන්ට බැරි ය.
මන්ද ඔවුන්ගේ විපත්තියේ දවස,
ඔවුන්ගේ දඬුවම් කාලය ඔවුන් පිට පැමිණ ඇත.
22සතුරා බල සහිත ව පෙරට ඇදෙන කල,
ඊජිප්තුව, පලා යන සර්පයකු සේ පිඹියි.
ඔවුන් ඇයට එරෙහිව එන්නේ,
ගස් කපන්නන් මෙන් පොරෝ අතැතිව ය.
23ඇගේ කැලය ඉතා ගන වූ නමුදු,
ඔවුන් එය කපා දමනු ඇතැ” යි ස්වාමින්වහන්සේ ප්‍රකාශ කරන සේක.
“මන්ද ඔවුන් පළඟැටියන්ටත් වඩා බහුල ය.
ගණන් කළ නො හැකි ය.
24ඊජිප්තු දියණිය ලජ්ජාවට පමුණුවනු ලැබ,
උතුරේ ජනතාවට යටත් කර දෙනු ලැබේ.”
25ඉශ්‍රායෙල්ගේ දෙවියන්වහන්සේ වන සේනාංකවල ස්වාමින්වහන්සේ මෙසේ කියන සේක: “මෙන්න, මම තීබ්ස්හි#46:25 තීබ්ස්හි හෙබ්‍රෙව් නෝ දෙවියා වන ආමොන්ට ද පාරාවෝට ද ඊජිප්තුවටත්, ඇගේ දෙවිවරුන්ට හා රජුන්ට ද පාරාවෝට ද ඔහු මත විශ්වාසය තබන්නන්ට ද දඬුවම් පමුණු වන්නෙමි. 26ඔවුන්ගේ දිවි තොර කරන්නට සොයන්නවුන් අතට, බබිලෝනියේ රජු වූ නෙබුකද්නෙසර් අතට හා ඔහුගේ නිලධාරීන් අතට මම ඔවුන් හසුකර දෙන්නෙමි. එසේ වුව ද පසු කලෙක, ඊජිප්තුව පසුගිය කාලවලදී මෙන් ජනාවාස වනු ඇතැ” යි ස්වාමින්වහන්සේ ප්‍රකාශ කරන සේක. හෙබ්‍රෙව්: නෝ
27“භය නො වනු! එම්බා යාකොබ්, මගේ සේවකය,
තැති නො ගනු! එම්බා ඉශ්‍රායෙල්,
මෙන්න දුර ඈතකින් මම නුඹ ගලවමි.
නුඹේ දරු පරපුර, ඔවුන්ගේ වහල්කමේ දේශයෙන් ගලවමි.
යාකොබ්ට යළිත් ශාන්තියත්, සුරැකිතාවත් ලැබෙනු ඇත.
කිසිවකුගෙන්වත් ඔහුට භයක් වන්නේ නැත.
28භය නො වන්න; එම්බා යාකොබ් මගේ සේවකය,
මම නුඹ සමඟ සිටිමි” යි ස්වාමින්වහන්සේ ප්‍රකාශ කරන සේක.
මා විසින් ඔබ විසුරුවන ලද තැන්හි
“සියලු ජාතීන් මම මුළුමනින් විනාශ කරන්නෙම් වුව ද,
මම මුළුමනින් ම ඔබ විනාශ නො කරමි.
මම යුක්ති සහගත ව ඔබ හික්මවමි.
එහෙත් දඬුවම් නො ලැබ සිටීමට
ඔබට කෙසේවත් ඉඩ නො තබමි.”
Currently Selected:
යෙරමියා 46: SCV
Highlight
Share
Copy
Want to have your highlights saved across all your devices? Sign up or sign in
Holy Bible, Sinhala Contemporary Version™ | © 1980, 1991, 1994, 2011, 2020, 2025 by Biblica, Inc. | Used with permission. All rights reserved worldwide.
යෙරමියා 46
46
ඊජිප්තුවට විනිශ්චය
1ජාතීන් පිළිබඳව දිවැසිවර යෙරමියා වෙත පැමිණි ස්වාමින්වහන්සේගේ වචනය.
2ඊජිප්තුව පිළිබඳව:
යූදාහි රජු වූ යොෂීයාගේ පුත් යෙහෝයාකීම්ගේ හතර වන වසරේ, යුප්‍රටීස්#46:2 යුප්‍රටීස් හෙවත් පෙරාත් ගංගාව අසල කර්කෙමිෂ්හි දී බබිලෝනියේ රජු වූ නෙබුකද්නෙසර් විසින් පරාජය කරන ලද ඊජිප්තුවේ රජු වූ පාරාවෝ නෙකොගේ හමුදාවට විරුද්ධ පණිවුඩය මෙයයි:
3“නුඹලාගේ පලිහ සහ මහ පලිහ සූදානම් කොට,
යුද්ධයට පෙළගැසෙන්න.
4අශ්වයන් සන්නද්ධ කරන්න:
අසු පිට නැග යන්න.
යුධ හිස් වැසුම් දමා,
ස්ථානගත වන්න.
ඔබගේ හෙල්ල ඔප දමා,
ඔබගේ සන්නාහයෙන් සන්නද්ධ වන්න.
5මොනවද මට පෙනෙන්නේ?
ඔවුන් භීතියට පත් වෙලා;
ඔවුන් පසු බසිනු පෙනේ.
ඔවුන්ගේ රණකාමීන් පැරදී,
පස්ස නො බලා, හනිකට පලා යති.
භීතිය හැම පැත්තෙන් ම” යි
ස්වාමින්වහන්සේ ප්‍රකාශ කරන සේක.
6“ජවසම්පන්නයාට පලා යන්නට බැරි ය.
ප්‍රබලයා ද බේරී යන්නේ නැත;
යුප්‍රටීස් ගඟ අද්දර උතුරු පෙදෙසේදී
ඔවුහු පැකිළී, වැටෙති.
7“නයිල් ගංගාව මෙන් නැග එන,
රළ රැළි නගන ගංගා මෙන් නැග එන, මොහු කවරෙක් ද?
8ඊජිප්තුව, නයිල් ගඟ මෙන් නැගෙයි.
දිය රැළි, නැගෙන ගංගා මෙන් නැගෙයි.
‘මම, නැගිට, පොළොව වසා ගනිමි.
මම, පුරවර හා ඒවායේ වැසියන් විනාශ කර දමමි’ යි ඔහු කියයි.
9පෙරට එනු! එම්බා අශ්වයිනි,
එම්බා යුධ රථ, කඩා බිඳගෙන දක්කනු!
පලිහ හසුරුවන කූෂ්හි හා පූට්හි වාසීන් ද
දුන්නෙන් විදින ලූද්හි මිනිසුන් ද වන රණවිරුවන් පිටතට යත්වා!
10එම දවස සේනාංකවල ස්වාමින්වහන්සේ වන ස්වාමින්වහන්සේගේ දවසයි–පළිගැනීමේ දවසයි;
උන්වහන්සේගේ සතුරන්ගෙන් පළි ගන්නා දවසයි.
සෑහීමට පත් වන තුරු,
ඔවුන්ගේ ලේ තෘප්තිය සංසිඳෙන තුරු, කඩුව වනසයි.
මන්ද සේනාංකවල දෙවියන්වහන්සේ වන ස්වාමින්වහන්සේ
යුප්‍රටීස් ගඟ අසබඩ උතුරු පෙදෙසේ පූජාවක් යාග කරන බැවිනි.
11“එම්බා ඊජිප්තු කන්‍යා දියණිය,
ගිලියාද් වෙත ගොස්, සහනාලේප ගන්න.
පලක් නැතිව ඔබ බෙහෙවින් බෙහෙත්වලට හුරුවෙලා;
සුවවීමක් ඔබට නැත.
12ඔබේ නින්දාව ගැන ජාතීන් අසා ඇත.
ඔබේ හැඬුමින් පොළොව පිරී යනු ඇත.
රණවිරුවෙක් තවත් රණවිරුවකුට හැපී,
පැකිළී, දෙදෙනා ම එකට ඇද වැටුණි.”
13ඊජිප්තුවට පහර දීමට බබිලෝනියේ රජු වන නෙබුකද්නෙසර්ගේ පැමිණීම ගැන, දිවැසිවර යෙරමියාට ස්වාමින්වහන්සේකතා කළ වචනය ය:
14“ඊජිප්තුවෙහි නිවේදන කරන්න; මිග්දෝල් හි ප්‍රකාශ කරන්න.
මෙම්ෆිස්හි#46:14 මෙම්ෆිස්හි හෙබ්‍රෙව් නොෆ් 19 වෙනි පදයේ ද එසේ ම ය. හා තාපන්හේස්හි ප්‍රකාශ කරන්න:
‘නිසි තැන්හි සිට සූදානම් වන්නැයි කියන්න.
මන්ද කඩුව ඔබ වටා සිටින්නන් වනසාලනු ඇත.’
15නුඹලාගේ බලවතුන් මුණින් තලා වී මන්ද?
ඔවුන් සිටගන්නේ නැත. මන්ද ස්වාමින්වහන්සේ ඔවුන් පහත ඔබා ඇත.
16ඔවුන් බොහෝ දෙනකුට පැකිළෙන්නට උන්වහන්සේ සැලසූ සේක.
ඔවුන් වැටෙන්නට විය.
ඔවුහු එකිනෙකා අමතමින්, ‘නැගිටිමු!
පීඩකයාගේ කඩුව වෙතින් බැහැර වෙමින්,
අපි අපේ ම ජනතාව වෙත, අපේ ම ඡන්ම භූමියට ආපසු යමු’ යි කීහ.
17එහිදී ඔවුන් මොර ගසන්නේ,
‘ඊජිප්තුවේ රජ වන පාරාවෝ ඝෝෂාවක් පමණි.
ඔහු ප්‍රස්තාවේ කාලය ගෙවී යාමට ඉඩ හැරියේ ය’ කියා ය.
18“මා ජීවත් වන්නා සේ ම,
කඳු අතරේ තාබෝර් වැනි වූ ද සයුර අද්දර කර්මෙල් වැනි වූ ද
කෙනෙක් එන්නේ යැ” යි සේනාංකවල ස්වාමින්වහන්සේ යන
නාමය ඇති රජ්ජුරුවෝ ප්‍රකාශ කරන්නාහ.
19එම්බා ඊජිප්තුවේ වෙසෙන්නෙනි#46:19 ඊජිප්තුවේ වෙසෙන්නෙනි හෙවත් ඊජිප්තු දියණියනි,
පිටුවහල් වීමට නුඹේ බඩු, පොදි බැඳ ගන්න.
මන්ද මෙම්ෆිස් නාස්ති කරනු ලැබ,
ජනාවාසයෙන් තොර ව, ජරාවාස ව වැතිර සිටිනු ඇත.
20“ඊජිප්තුව සොබමන් වැස්සියක.
එහෙත් ඇට-මැස්සෙක්,
උතුරේ සිට ඇය පිට පැමිණේ.
21ඇය මධ්‍යයේ සිටින කුලී හේවායෝ,
තර කරන ලද වස්සන් වැන්න.
ඇත්තෙන් ම ඔවුන් ද ආපසු හැරී,
එක් ව පලා යනු ඇත. රැඳීසිටින්නට ඔවුන්ට බැරි ය.
මන්ද ඔවුන්ගේ විපත්තියේ දවස,
ඔවුන්ගේ දඬුවම් කාලය ඔවුන් පිට පැමිණ ඇත.
22සතුරා බල සහිත ව පෙරට ඇදෙන කල,
ඊජිප්තුව, පලා යන සර්පයකු සේ පිඹියි.
ඔවුන් ඇයට එරෙහිව එන්නේ,
ගස් කපන්නන් මෙන් පොරෝ අතැතිව ය.
23ඇගේ කැලය ඉතා ගන වූ නමුදු,
ඔවුන් එය කපා දමනු ඇතැ” යි ස්වාමින්වහන්සේ ප්‍රකාශ කරන සේක.
“මන්ද ඔවුන් පළඟැටියන්ටත් වඩා බහුල ය.
ගණන් කළ නො හැකි ය.
24ඊජිප්තු දියණිය ලජ්ජාවට පමුණුවනු ලැබ,
උතුරේ ජනතාවට යටත් කර දෙනු ලැබේ.”
25ඉශ්‍රායෙල්ගේ දෙවියන්වහන්සේ වන සේනාංකවල ස්වාමින්වහන්සේ මෙසේ කියන සේක: “මෙන්න, මම තීබ්ස්හි#46:25 තීබ්ස්හි හෙබ්‍රෙව් නෝ දෙවියා වන ආමොන්ට ද පාරාවෝට ද ඊජිප්තුවටත්, ඇගේ දෙවිවරුන්ට හා රජුන්ට ද පාරාවෝට ද ඔහු මත විශ්වාසය තබන්නන්ට ද දඬුවම් පමුණු වන්නෙමි. 26ඔවුන්ගේ දිවි තොර කරන්නට සොයන්නවුන් අතට, බබිලෝනියේ රජු වූ නෙබුකද්නෙසර් අතට හා ඔහුගේ නිලධාරීන් අතට මම ඔවුන් හසුකර දෙන්නෙමි. එසේ වුව ද පසු කලෙක, ඊජිප්තුව පසුගිය කාලවලදී මෙන් ජනාවාස වනු ඇතැ” යි ස්වාමින්වහන්සේ ප්‍රකාශ කරන සේක. හෙබ්‍රෙව්: නෝ
27“භය නො වනු! එම්බා යාකොබ්, මගේ සේවකය,
තැති නො ගනු! එම්බා ඉශ්‍රායෙල්,
මෙන්න දුර ඈතකින් මම නුඹ ගලවමි.
නුඹේ දරු පරපුර, ඔවුන්ගේ වහල්කමේ දේශයෙන් ගලවමි.
යාකොබ්ට යළිත් ශාන්තියත්, සුරැකිතාවත් ලැබෙනු ඇත.
කිසිවකුගෙන්වත් ඔහුට භයක් වන්නේ නැත.
28භය නො වන්න; එම්බා යාකොබ් මගේ සේවකය,
මම නුඹ සමඟ සිටිමි” යි ස්වාමින්වහන්සේ ප්‍රකාශ කරන සේක.
මා විසින් ඔබ විසුරුවන ලද තැන්හි
“සියලු ජාතීන් මම මුළුමනින් විනාශ කරන්නෙම් වුව ද,
මම මුළුමනින් ම ඔබ විනාශ නො කරමි.
මම යුක්ති සහගත ව ඔබ හික්මවමි.
එහෙත් දඬුවම් නො ලැබ සිටීමට
ඔබට කෙසේවත් ඉඩ නො තබමි.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Holy Bible, Sinhala Contemporary Version™ | © 1980, 1991, 1994, 2011, 2020, 2025 by Biblica, Inc. | Used with permission. All rights reserved worldwide.