යෙරමියා 30
30
යළි නගා සිටුවීම
1 ස්වාමින්වහන්සේ වෙතින් යෙරමියා වෙත පැමිණි වචනයයි මේ: 2“ඉශ්රායෙල්ගේ දෙවියන්වහන්සේ වන ස්වාමින්වහන්සේ මෙසේ පවසන සේක: ‘මා ඔබට කතා කළ සියලු වචන, පොතක ලියන්න. 3මෙන්න, මගේ ජනයා වූ ඉශ්රායෙල් හා යූදා ජනයාගේ භාග්යය, මා යළි ස්ථාපිත කරන දවස් පැමිණේ යැ’ යි ස්වාමින්වහන්සේ ප්රකාශ කරන සේක. ‘ඔවුන්ගේ පියවරුන්ට මා දුන් දේශයට මම ඔවුන් ආපසු ගෙනෙන්නෙමි. ඔවුන් එය හිමි කර ගනු ඇතැ’ යි ස්වාමින්වහන්සේ පවසන සේක.”
4ඉශ්රායෙල් හා යූදා සම්බන්ධයෙන් ස්වාමින්වහන්සේ පැවසූ වචන මේවා ය: 5“ස්වාමින්වහන්සේ මෙසේ පවසන සේක:
“ ‘බියෙන් කෑ මොර දෙන හඬක්:
භීතියක් අපි ඇසීමු. සාමය නො වේ.
6දැන් අසා, විමසා බලන්න:
පිරිමියකුට දරුවන් බිහි කළ හැකි ද?
එසේ නම්, ප්රසව වේදනා ඇති කාන්තාවක සේ,
හැම පිරිමියකු ම තම ඉඟටියේ දෑත් තබාගෙන සිටිනු මට පෙනෙන්නේ මන්ද?
හැම මුහුණක් ම සුදුමැලි වී තිබෙන්නේ මන්ද?
7අහෝ, එය බිහිසුණු දවසකි.
එවැනි දවසක් තවත් නො වනු ඇත.
එය යාකොබ්ට විපත්ති කාලයක් වනු ඇත.
එහෙත් එයින් ඔහු ගලවනු ලබනු ඇත.
8“ ‘ඒ දවසේ මම ඔවුන්ගේ ගෙලේ වියගහ බිඳිමි.
ඔවුන්ගේ බැඳුම් ඉරා දමමි’ යි
සේනාංකවල ස්වාමින්වහන්සේ ප්රකාශ කරන සේක.
‘කිසි විදෙස්සෙක් තවදුරටත් වහල්කමට ඔවුන් යොදාගන්නේ නැත.
9ඒ වෙනුවට ඔවුන්, තමන්ගේ දෙවියන්වහන්සේ වන ස්වාමින්වහන්සේටත්,
මා විසින් ඔවුනට නැගිටුවා දෙන
ඔවුන්ගේ රජු වූ දාවිත්ටත් මෙහෙ කරනු ඇත.
10“ ‘එබැවින් එම්බා යාකොබ්, මගේ සේවකය, භය නො වනු!
එම්බා ඉශ්රායෙල්, තැති නො ගනු!’ යි
ස්වාමින්වහන්සේ ප්රකාශ කරන සේක.
‘මෙන්න, දුර ඈතකින් මම නුඹ ගලවමි.
තමන්ගේ වහල්කමේ දේශයෙන් නුඹේ දරු පරපුර මම ගලවමි.
යාකොබ්ට යළි විශ්රාමයත්, සුරක්ෂිත බවත් ලැබෙනු ඇත.
කිසිවකුත් ඔහු භය ගන්වන්නේ නැත.
11මන්ද ඔබ ගලවන්නට මම ඔබ සමඟ සිටිමි’ යි
ස්වාමින්වහන්සේ ප්රකාශ කරන සේක.
‘මවිසින් ඔබ විසුරුවා හරින ලද තැන්හි
සියලු ජාතීන් මුළුමනින් ම විනාශ කරන්නෙමි.
එහෙත්, මම මුළුමනින් ඔබ විනාශ නො කරමි.
යුක්ති සහගත ව මම ඔබ හික්මවමි.
යම් දඬුවමක් නො විඳ සිටීමට ඉඩ නො දෙන්නෙමි.’
12“ස්වාමින්වහන්සේ මෙසේ කියන සේක:
“ ‘ඔබේ තුවාලය සුව කළ නො හැකි ය.
ඔබේ හානිය බරපතළ ය.
13ඔබ උදෙසා කරුණු කියන්නට කෙනකු නැත.
ඔබේ තුවාලයට ප්රතිකාර නැත.
සුවවීමක් ඔබට නැත.
14ඔබේ සියලු පෙම්වත්තු, ඔබ අමතක කර දැමූහ;
ඔවුන්ට ඔබ ගැන කිසි තැකීමක් නැත.
මන්ද මා ඔබට පහර දුන්නේ සතුරකු සේ ය;
මා ඔබට දඬුවම් කළේ දයා විරහිත ව ය;
එසේ කළේ ඔබේ මහත් අපරාධ නිසා ය;
ඔබේ දරුණු පාප නිසා ය.
15ඔබේ තුවාලය ගැන ඔබ කෑ මොර දෙන්නේ මන්ද?
ඔබේ වේදනාව සුව කළ නො හැකි ය.
මේ දෑ මා ඔබට කර ඇත්තේ,
ඔබේ මහත් අපරාධය හා ඉතා දරුණු වූ ඔබේ පාප නිසා ය.
16“ ‘සැබවින් ඔබ කා දමන සියල්ලෝ ද කා දමනු ලබති.
ඔබේ සියලු සතුරෝ ඒ හැම කෙනෙක් ම වාලට යන්නෝ ය.
ඔබෙන් කොල්ලකන්නෝ ද කොල්ලයට ගොදුරු වන්නෝ ය.
ඔබෙන් පැහැර ගන්නා සියල්ලන් මම පැහැර ගැනීමට ගොදුරු කරමි.
17මන්ද මම යළි ඔබ සුව කරමි.
ඔබේ තුවාල සුව කරමි’ යි ස්වාමින්වහන්සේ ප්රකාශ කරන සේක.
‘මන්ද ඔබ හඳුන්වනු ලැබුවේ, පිට මං කර දමනු ලැබූ ස්ත්රිය ය;
කිසිවකු විසිනිදු ගණන් නො ගන්නා සියොන’ ය කියා ය.
18“ස්වාමින්වහන්සේ මෙසේ පවසන සේක:
“ ‘මෙන්න! යාකොබ්ගේ කූඩාරම්වල භාග්ය මම යළි පිහිටු වන්නෙමි.
ඔහුගේ වාසස්ථානවලට මම අනුකම්පා කරමි.
පුරවරය, එහි නටබුන් මත ම යළි ගොඩ නැගේ.
මාලිගය, ඊට නිසි බිමෙහි නැගී සිටිනු ඇත.
19ඔවුන් වෙතින් ස්තුති දීමේ ගීත ද
ප්රීති ප්රමෝදයේ කටහඬ ද නික්ම එයි.
මම ඔවුන් ගණනින් වැඩි කරන්නෙමි.
ගණනින් ඔවුන් අඩු වන්නේ නැත.
මම ඔවුනට ගෞරවය, ගෙන දෙන්නෙමි.
තවදුරටත් ඔවුන් සුළුකරනු නො ලැබේ.
20ඔවුන්ගේ දරුවන් ඉහත දවස්හි දී මෙන් සිටිනු ඇත.
ඔවුන්ගේ සභා-සමාජය ද මා අබියස ස්ථාපන කෙරේ.
ඔවුන්ට පීඩා කරන සියල්ලන්ට මම දඬුවම් කරමි.
21ඔවුන්ගේ අධිපතියා, ඔවුන්ගේ ම කෙනකු වනු ඇත.
ඔවුන්ගේ පාලකයා, ඔවුන් අතරින් ම බිහි වෙයි.
මම ඔහු මා ළඟට ගන්නෙමි.
ඔහු ද මට සමීප වනු ඇත.
මන්ද මා වෙත ළඟා වීමට තරම් භය නැත්තේ කවුරුන් දැ?’ යි
ස්වාමින්වහන්සේ ප්රකාශ කරන සේක.
22‘මෙසේ ඔබ මගේ ජනයා වනු ඇත.
මම ඔබගේ දෙවියන්වහන්සේ වන්නෙමි.’ ”
23මෙන්න, ස්වාමින්වහන්සේගේ කුණාටුව!
උදහසින් පෙරට ම හමයි.
සුළි සුළං කුණාටුවක් හැමේ.
එය දුෂ්ටයින්ගේ හිස මතට කඩා වැටේ.
24ස්වකීය හදෙහි අරමුණු ඉටු කර,
සම්පූර්ණ කරන තෙක්,
ස්වාමින්වහන්සේගේ කෝපය,
ආපසු හැරෙන්නේ නැත.
මතු දවස්හි දී
ඔබ එය පැහැදිලි ව වටහා ගනු ඇත.
Currently Selected:
යෙරමියා 30: SCV
Highlight
Share
Copy
Want to have your highlights saved across all your devices? Sign up or sign in
Holy Bible, Sinhala Contemporary Version™ | © 1980, 1991, 1994, 2011, 2020, 2025 by Biblica, Inc. | Used with permission. All rights reserved worldwide.
යෙරමියා 30
30
යළි නගා සිටුවීම
1 ස්වාමින්වහන්සේ වෙතින් යෙරමියා වෙත පැමිණි වචනයයි මේ: 2“ඉශ්රායෙල්ගේ දෙවියන්වහන්සේ වන ස්වාමින්වහන්සේ මෙසේ පවසන සේක: ‘මා ඔබට කතා කළ සියලු වචන, පොතක ලියන්න. 3මෙන්න, මගේ ජනයා වූ ඉශ්රායෙල් හා යූදා ජනයාගේ භාග්යය, මා යළි ස්ථාපිත කරන දවස් පැමිණේ යැ’ යි ස්වාමින්වහන්සේ ප්රකාශ කරන සේක. ‘ඔවුන්ගේ පියවරුන්ට මා දුන් දේශයට මම ඔවුන් ආපසු ගෙනෙන්නෙමි. ඔවුන් එය හිමි කර ගනු ඇතැ’ යි ස්වාමින්වහන්සේ පවසන සේක.”
4ඉශ්රායෙල් හා යූදා සම්බන්ධයෙන් ස්වාමින්වහන්සේ පැවසූ වචන මේවා ය: 5“ස්වාමින්වහන්සේ මෙසේ පවසන සේක:
“ ‘බියෙන් කෑ මොර දෙන හඬක්:
භීතියක් අපි ඇසීමු. සාමය නො වේ.
6දැන් අසා, විමසා බලන්න:
පිරිමියකුට දරුවන් බිහි කළ හැකි ද?
එසේ නම්, ප්රසව වේදනා ඇති කාන්තාවක සේ,
හැම පිරිමියකු ම තම ඉඟටියේ දෑත් තබාගෙන සිටිනු මට පෙනෙන්නේ මන්ද?
හැම මුහුණක් ම සුදුමැලි වී තිබෙන්නේ මන්ද?
7අහෝ, එය බිහිසුණු දවසකි.
එවැනි දවසක් තවත් නො වනු ඇත.
එය යාකොබ්ට විපත්ති කාලයක් වනු ඇත.
එහෙත් එයින් ඔහු ගලවනු ලබනු ඇත.
8“ ‘ඒ දවසේ මම ඔවුන්ගේ ගෙලේ වියගහ බිඳිමි.
ඔවුන්ගේ බැඳුම් ඉරා දමමි’ යි
සේනාංකවල ස්වාමින්වහන්සේ ප්රකාශ කරන සේක.
‘කිසි විදෙස්සෙක් තවදුරටත් වහල්කමට ඔවුන් යොදාගන්නේ නැත.
9ඒ වෙනුවට ඔවුන්, තමන්ගේ දෙවියන්වහන්සේ වන ස්වාමින්වහන්සේටත්,
මා විසින් ඔවුනට නැගිටුවා දෙන
ඔවුන්ගේ රජු වූ දාවිත්ටත් මෙහෙ කරනු ඇත.
10“ ‘එබැවින් එම්බා යාකොබ්, මගේ සේවකය, භය නො වනු!
එම්බා ඉශ්රායෙල්, තැති නො ගනු!’ යි
ස්වාමින්වහන්සේ ප්රකාශ කරන සේක.
‘මෙන්න, දුර ඈතකින් මම නුඹ ගලවමි.
තමන්ගේ වහල්කමේ දේශයෙන් නුඹේ දරු පරපුර මම ගලවමි.
යාකොබ්ට යළි විශ්රාමයත්, සුරක්ෂිත බවත් ලැබෙනු ඇත.
කිසිවකුත් ඔහු භය ගන්වන්නේ නැත.
11මන්ද ඔබ ගලවන්නට මම ඔබ සමඟ සිටිමි’ යි
ස්වාමින්වහන්සේ ප්රකාශ කරන සේක.
‘මවිසින් ඔබ විසුරුවා හරින ලද තැන්හි
සියලු ජාතීන් මුළුමනින් ම විනාශ කරන්නෙමි.
එහෙත්, මම මුළුමනින් ඔබ විනාශ නො කරමි.
යුක්ති සහගත ව මම ඔබ හික්මවමි.
යම් දඬුවමක් නො විඳ සිටීමට ඉඩ නො දෙන්නෙමි.’
12“ස්වාමින්වහන්සේ මෙසේ කියන සේක:
“ ‘ඔබේ තුවාලය සුව කළ නො හැකි ය.
ඔබේ හානිය බරපතළ ය.
13ඔබ උදෙසා කරුණු කියන්නට කෙනකු නැත.
ඔබේ තුවාලයට ප්රතිකාර නැත.
සුවවීමක් ඔබට නැත.
14ඔබේ සියලු පෙම්වත්තු, ඔබ අමතක කර දැමූහ;
ඔවුන්ට ඔබ ගැන කිසි තැකීමක් නැත.
මන්ද මා ඔබට පහර දුන්නේ සතුරකු සේ ය;
මා ඔබට දඬුවම් කළේ දයා විරහිත ව ය;
එසේ කළේ ඔබේ මහත් අපරාධ නිසා ය;
ඔබේ දරුණු පාප නිසා ය.
15ඔබේ තුවාලය ගැන ඔබ කෑ මොර දෙන්නේ මන්ද?
ඔබේ වේදනාව සුව කළ නො හැකි ය.
මේ දෑ මා ඔබට කර ඇත්තේ,
ඔබේ මහත් අපරාධය හා ඉතා දරුණු වූ ඔබේ පාප නිසා ය.
16“ ‘සැබවින් ඔබ කා දමන සියල්ලෝ ද කා දමනු ලබති.
ඔබේ සියලු සතුරෝ ඒ හැම කෙනෙක් ම වාලට යන්නෝ ය.
ඔබෙන් කොල්ලකන්නෝ ද කොල්ලයට ගොදුරු වන්නෝ ය.
ඔබෙන් පැහැර ගන්නා සියල්ලන් මම පැහැර ගැනීමට ගොදුරු කරමි.
17මන්ද මම යළි ඔබ සුව කරමි.
ඔබේ තුවාල සුව කරමි’ යි ස්වාමින්වහන්සේ ප්රකාශ කරන සේක.
‘මන්ද ඔබ හඳුන්වනු ලැබුවේ, පිට මං කර දමනු ලැබූ ස්ත්රිය ය;
කිසිවකු විසිනිදු ගණන් නො ගන්නා සියොන’ ය කියා ය.
18“ස්වාමින්වහන්සේ මෙසේ පවසන සේක:
“ ‘මෙන්න! යාකොබ්ගේ කූඩාරම්වල භාග්ය මම යළි පිහිටු වන්නෙමි.
ඔහුගේ වාසස්ථානවලට මම අනුකම්පා කරමි.
පුරවරය, එහි නටබුන් මත ම යළි ගොඩ නැගේ.
මාලිගය, ඊට නිසි බිමෙහි නැගී සිටිනු ඇත.
19ඔවුන් වෙතින් ස්තුති දීමේ ගීත ද
ප්රීති ප්රමෝදයේ කටහඬ ද නික්ම එයි.
මම ඔවුන් ගණනින් වැඩි කරන්නෙමි.
ගණනින් ඔවුන් අඩු වන්නේ නැත.
මම ඔවුනට ගෞරවය, ගෙන දෙන්නෙමි.
තවදුරටත් ඔවුන් සුළුකරනු නො ලැබේ.
20ඔවුන්ගේ දරුවන් ඉහත දවස්හි දී මෙන් සිටිනු ඇත.
ඔවුන්ගේ සභා-සමාජය ද මා අබියස ස්ථාපන කෙරේ.
ඔවුන්ට පීඩා කරන සියල්ලන්ට මම දඬුවම් කරමි.
21ඔවුන්ගේ අධිපතියා, ඔවුන්ගේ ම කෙනකු වනු ඇත.
ඔවුන්ගේ පාලකයා, ඔවුන් අතරින් ම බිහි වෙයි.
මම ඔහු මා ළඟට ගන්නෙමි.
ඔහු ද මට සමීප වනු ඇත.
මන්ද මා වෙත ළඟා වීමට තරම් භය නැත්තේ කවුරුන් දැ?’ යි
ස්වාමින්වහන්සේ ප්රකාශ කරන සේක.
22‘මෙසේ ඔබ මගේ ජනයා වනු ඇත.
මම ඔබගේ දෙවියන්වහන්සේ වන්නෙමි.’ ”
23මෙන්න, ස්වාමින්වහන්සේගේ කුණාටුව!
උදහසින් පෙරට ම හමයි.
සුළි සුළං කුණාටුවක් හැමේ.
එය දුෂ්ටයින්ගේ හිස මතට කඩා වැටේ.
24ස්වකීය හදෙහි අරමුණු ඉටු කර,
සම්පූර්ණ කරන තෙක්,
ස්වාමින්වහන්සේගේ කෝපය,
ආපසු හැරෙන්නේ නැත.
මතු දවස්හි දී
ඔබ එය පැහැදිලි ව වටහා ගනු ඇත.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Holy Bible, Sinhala Contemporary Version™ | © 1980, 1991, 1994, 2011, 2020, 2025 by Biblica, Inc. | Used with permission. All rights reserved worldwide.