එස්තර් 2:1-4
එස්තර් 2:1-4 SCV
මින් අනතුරුව, අහෂ්වේරොෂ් රජුගේ කෝපය සංසිඳී ගිය කල ඔහු වෂ්තී ගැනත්, ඇය කර තිබූ දේ ගැනත්, ඇයට එරෙහිව පනවා තිබූ නියෝගය ගැනත් සිත් යොමු කළේ ය. එවිට රජුට මෙහෙවර කළ පරිවාරකයෝ රජුට කතා කරමින්, “රජු උදෙසා රූමත් තරුණ කන්යාවන් සොයන්නට කටයුතු කෙරේවා! ඒ සියලු රූමත් යොවුන් කන්යා ළඳුන් බළකොටු නුවර වූ ෂූෂන්හි අන්තඃපුරය වෙත ගෙන ඒමට, රජු තම රාජධානියේ හැම ප්රාන්තයකට ම නිලධාරීන් පත් කෙරේවා. මෙම ළඳුන්, රජුගේ කාන්තාවන් බාර ව සිටින නපුංසක නිලධාරී හේගයිගේ බාරකාරත්වයට පත් කෙරේවා; එම ළඳුනට රූපලාවණ්ය සත්කාර කරනු ලැබේවා! ඉන්පසු රජු ප්රසන්න කරවන යෞවනිය, වෂ්තී වෙනුවට බිසෝකමට පත් කෙරේවා!” යි පැවසූහ. මෙම උපදෙස රජුට ප්රසන්න වූයෙන්, ඔහු ඒ අනුව ක්රියා කළේ ය.





