Mika 6
6
Uhoraho yagiriza Abisirayeli
1Nimwumve ivyo Uhoraho avuga:
“Haguruke, muburane urubanza rwanje imbere y’imisozi;
uturambi nitwumve ivyo mugira muvuge.
2Nimwumve yemwe misozi, ivyo Uhoraho abagiriza;
nimwumvirize, yemwe matanguriro y’isi y’ibihe vyose.
Kuko Uhoraho afitaniye urubanza n’abantu biwe;
afise ivyo yagiriza Abisirayeli.
3Bwoko bwanje, ni igiki nabakoreye?
Nabaruhije gute? Nimunyishure.
4Nabakuye muri Egiputa
kandi narabacunguye ndabakura mu nzu y’ubuja.
Narungitse Mose ngo abarongore,
hamwe na Aroni na Miriyamu.
5Bantu banje, nimwibuke
ivyo Balaki umwami w’i Mowabu yari yagabiye
n’ivyo Balamu mwene Beyori yishuye.
Nimwibuke urugendo rwanyu kuva i Shitimu gushika i Gilugali,
kugira ngo mumenye ibikorwa vyo kugororoka vy’Uhoraho.”
6Mbega norengukana iki imbere y’Uhoraho
ngo nuname imbere y’Imana ishizwe hejuru?
Mbega norengukana imbere yiwe ibimazi bituriwe,
hamwe n’ishuri imaze umwaka umwe?
7Mbega Uhoraho anezerwa n’impfizi z’intama ibihumbi,
canke n’inzuzi z’amavuta ya elayo ibihumbi cumi?
Mbega notanga imfura yanje kw’ikimazi ku bw’icaha canje,
icamwa c’umubiri wanje ku bw’icaha c’umutima wanje?
8Yewe muntu, yarakweretse iciza ico ari co.
Mbega hari ikindi Uhoraho akugombako?
Ni ugukora ibigororotse, gukunda imbabazi,
no kugendana n’Imana yawe wicishije bugufi.
Icaha c’Abisirayeli n’igihano cabo
9Nimwumve! Uhoraho ariko arahamagara iki gisagara,
kandi kwubaha izina ryiwe ni bwo bwenge.
“Nimutinye inkoni n’uwayitumye.
10Mbega nzokwirengagiza za nyungu mbi, yemwe ab’inzu y’abanyakibi,
na ya minzane yanyu ipima ibidakwiye, navumye?
11Mbega nzogenda ntahanye uwukoresha iminzane y’ibinyoma,
n’imifuko y’amabuye y’umunzane adakwiye?
12Abatunzi banyu bafise umuryano;
ababa ngaha ni ababeshi
n’indimi zabo zivuga ivyo guhendana.
13Kubera ivyo, natanguye kubahonya,
ngo muherengetere kubera ivyaha vyanyu.
14Muzorya ntimuhage;
muzokwama mwumva inda zigaragara.
Muzokwegeranya ariko nta co muzoziganya,
kuko ivyo muzoziganya nzobimarisha inkota.
15Muzobiba ariko ntimuzokwimbura;
muzogana imyelayo ariko ntimuzokoresha amavuta yayo,
muzogana inzabibu ariko ntimuzonywa umuvinyu wazo.
16Mwitondeye ivyagezwe vya Omuri
n’ibikorwa vyose vy’inzu ya Ahabu;
mwakurikije imigenzo yabo.
Ni co gituma nzobarekurirako uguhona
abantu banyu na bo ndabarekurireko ibimaramare;
muzokwumva agacokoro k’amahanga.”
Currently Selected:
Mika 6: BKC
Highlight
Copy
Compare
Share
Want to have your highlights saved across all your devices? Sign up or sign in
Bibiliya mu Kirundi coroshe™
Uburenganzira © 2021, 2025 bwa Biblica, Inc.
Vyakoreshejwe bitangiwe uruhusha.
Uburenganzira bwose kwʼisi yose ni ubwa Biblica.
Kirundi Contemporary Bible™
Copyright © 2021, 2025 by Biblica, Inc.
Used with permission. All rights reserved worldwide.
Mika 6
6
Uhoraho yagiriza Abisirayeli
1Nimwumve ivyo Uhoraho avuga:
“Haguruke, muburane urubanza rwanje imbere y’imisozi;
uturambi nitwumve ivyo mugira muvuge.
2Nimwumve yemwe misozi, ivyo Uhoraho abagiriza;
nimwumvirize, yemwe matanguriro y’isi y’ibihe vyose.
Kuko Uhoraho afitaniye urubanza n’abantu biwe;
afise ivyo yagiriza Abisirayeli.
3Bwoko bwanje, ni igiki nabakoreye?
Nabaruhije gute? Nimunyishure.
4Nabakuye muri Egiputa
kandi narabacunguye ndabakura mu nzu y’ubuja.
Narungitse Mose ngo abarongore,
hamwe na Aroni na Miriyamu.
5Bantu banje, nimwibuke
ivyo Balaki umwami w’i Mowabu yari yagabiye
n’ivyo Balamu mwene Beyori yishuye.
Nimwibuke urugendo rwanyu kuva i Shitimu gushika i Gilugali,
kugira ngo mumenye ibikorwa vyo kugororoka vy’Uhoraho.”
6Mbega norengukana iki imbere y’Uhoraho
ngo nuname imbere y’Imana ishizwe hejuru?
Mbega norengukana imbere yiwe ibimazi bituriwe,
hamwe n’ishuri imaze umwaka umwe?
7Mbega Uhoraho anezerwa n’impfizi z’intama ibihumbi,
canke n’inzuzi z’amavuta ya elayo ibihumbi cumi?
Mbega notanga imfura yanje kw’ikimazi ku bw’icaha canje,
icamwa c’umubiri wanje ku bw’icaha c’umutima wanje?
8Yewe muntu, yarakweretse iciza ico ari co.
Mbega hari ikindi Uhoraho akugombako?
Ni ugukora ibigororotse, gukunda imbabazi,
no kugendana n’Imana yawe wicishije bugufi.
Icaha c’Abisirayeli n’igihano cabo
9Nimwumve! Uhoraho ariko arahamagara iki gisagara,
kandi kwubaha izina ryiwe ni bwo bwenge.
“Nimutinye inkoni n’uwayitumye.
10Mbega nzokwirengagiza za nyungu mbi, yemwe ab’inzu y’abanyakibi,
na ya minzane yanyu ipima ibidakwiye, navumye?
11Mbega nzogenda ntahanye uwukoresha iminzane y’ibinyoma,
n’imifuko y’amabuye y’umunzane adakwiye?
12Abatunzi banyu bafise umuryano;
ababa ngaha ni ababeshi
n’indimi zabo zivuga ivyo guhendana.
13Kubera ivyo, natanguye kubahonya,
ngo muherengetere kubera ivyaha vyanyu.
14Muzorya ntimuhage;
muzokwama mwumva inda zigaragara.
Muzokwegeranya ariko nta co muzoziganya,
kuko ivyo muzoziganya nzobimarisha inkota.
15Muzobiba ariko ntimuzokwimbura;
muzogana imyelayo ariko ntimuzokoresha amavuta yayo,
muzogana inzabibu ariko ntimuzonywa umuvinyu wazo.
16Mwitondeye ivyagezwe vya Omuri
n’ibikorwa vyose vy’inzu ya Ahabu;
mwakurikije imigenzo yabo.
Ni co gituma nzobarekurirako uguhona
abantu banyu na bo ndabarekurireko ibimaramare;
muzokwumva agacokoro k’amahanga.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bibiliya mu Kirundi coroshe™
Uburenganzira © 2021, 2025 bwa Biblica, Inc.
Vyakoreshejwe bitangiwe uruhusha.
Uburenganzira bwose kwʼisi yose ni ubwa Biblica.
Kirundi Contemporary Bible™
Copyright © 2021, 2025 by Biblica, Inc.
Used with permission. All rights reserved worldwide.