Psalm Late 96
96
Pathian A lianbel Kumpipa
(1 Khangtaanghthu16:23-33)
1 Topa tungah la thak khat sa vun!
Leitung theampo awng, Topa tungah lasa vun!
2 Topa tungah lasa vun a, ama pok vun!
Ama ii eite hong ngupna lungdamna thupha ni simin thangsak vun.
3Ama ii minthanna minamte tungah thangsak vun,
ama ii a vaanglian nasep nate mihing theampo tungah thangsak vun.
4 Topa sia lian a, nasia tatakin pok tu ahi hi;
pathian dang theampo sangin ama vaang piak zawk tu ahi hi.
5Minam dangte theampo ii pathiante sia milim hi lel bek hi,
ahihang Topa in vantungte bitphua hi.
6Minthanna le vaangletna in ama kiim uum hi;
a Biakinnpi sia vaangletna le hoina taw kidim hi.
7leitung mihing theampo awng, Topa pok vun.
A minthanna le a thahatna pok vun. #Ps 29:1-2
8 Topa ii a minthang a min pok vun;
biakpiakna khat kengin ama Biakinnpi sungah pai vun.
9A thiangtho Pa hong kilangh
ciangin ama mai ah kun vun;
leitung bup awng ama mai ah
liingin om vun!
10Minam theampo munah “Topa in kumpipa hi!
Simlei sia kho takin kiphut a kikhiin thei ngawl hi;
ama in mihingte thukhaikim taw thu tan tu hi” ci vun.
11Lei le van awng, lungdam vun!
Tuipi awng, na sungah a om nuntakna nei teng taw hawk vun;
12lote awng na sungah a om teng taw lungdam vun!
Taam sungah a om thingkungte in
13leitung uk tu in
Topa hong pai ciang, lungdam in au tu uh hi.
Ama in leitung mite sia
thukhaikim taw a pha in a uk tu hi.
Currently Selected:
Psalm Late 96: SCB2
Highlight
Copy
Compare
Share
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016
