Psalm Late 88
88
Hu nget Auna
1 Topa Pathian ka ngumpa awng,
nitangtumin au a hu kong ngen hi, tuaciangin zanin na mai ah kong pai hi.
2Ka thungetna hong ngai ta'n;
hu ngen a kong auna hong ngai ta'n!
3Ngimna tam mama
kei tungah hong tung zo a, ka thi dektak hi.
4A thi tu in a om midangte
theampo bangma ka hi hi;
ka thahatna theampo
bo siat zo hi.
5Mithite sungah kei
hong kinusia hi;
thalup thuak a,
thaankuul sungah a lumte,
nangma ii na makngil biing,
na hu nawn ngawlte taw ka kibang hi.
6Nangma in kei sia
thaankhuk thukte sung,
a zingbel le a thukbel dum sungah
nong lawn suk zo hi.
7Na thin uukna kei atu
ngit mama a,
tua ii tuihual in keima
hong delpeak zo hi.
8Ka ngualtamhte in kei hong taisansak zo ni hi;
amate atu in kei sia a kiihuai nong suaksak zo hi.
Kei sia hong kikhabil a, ka suakta thei bua hi;
9ka thuakna hangin ka mitte thazawm hi.
Topa awng, ni simin nang kong biakpui a,
ka khutte laamto in nang tungah thu kong ngen hi.
10Mithi sate atu nalamdang laknate vawt kana ni ziam?
Amate hong tho in nang hong pok kana ziam?
11Thaankuul sungah na itna kip kison kana ziam?
tua ahibuale siatna omna munah nang ii
thumaanna om kana ziam?
12Tua khuazingna munah
nang ii nalamdang laknate kimu ziam,
tua ahibuale a kimangil cip sate ii ngam sungah nang ii phatnate kimu ziam?
13 Topa awng, nang tungah hu ngenin kong biakpui hi;
zing simin nang tungah thu kong ngen hi.
14 Topa awng, banghangin kei hong nial ni ziam?
Banghangin kei hong nungngat ni ziam?
15Ka khanmoi lai pan ma in ka thuak a, thina taw ka kinai ngei hi;
Daan nong piakna vanhngit hu in kei ka tul zo hi.
16A nasia mama na thin uukna in kei hong delpeak hi;
a kiitakhuai nong donate in kei hong lalsak hi.
17Tuate in keima sia namthuam bangin sunkhuateakin hong kiim um hi;
mun theampo panin kei hong neak hi.
18Ka ngualtamh phabelte ngawngawn in nong nusaisak zo a,
khuazing bekma sia kei kitholpui ahi hi.
Currently Selected:
Psalm Late 88: SCB2
Highlight
Copy
Compare
Share
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016
