Psalm Late 81
81
Poai khaamna La
1Ei hong hungpa Pathian tungah lungdam in au vun;
Jacob ii Pathian tungah pokna lasa vun!
2Music tum kipan vun a, daalkual khuangnote tum vun;
tengtonghte le liamlote taw aw hoite ngingsak vun.
3Thadet ciang le thalik ciangin
poaikhaam natu in
lemle tum vun. #Mi 10:10
4Hisia in Israel ngamsung
thukham hi a,
Jacob' Pathian ii
thupiak ahi hi.
5Ama in Egypt ngam a sim ciangin
Israel mite tungah tua thukham a piak ahi hi.
Heak ngeingawl aw khat in hi bangin a ci ka za hi,
6“Note nungzaang panin na vanhngit uh kong laakkeaksak hi;
na puak uh uksuangte kong khiaksuksak hi.
7Ngim na nga laitakin nong sam uh a, kong hun hi.
Ka bukna vuipi sung panin kong zo a,
Meribah cikte ah note kong ze et hi. #Pu 17:7; Mi 20:13
8Ka mite awng, kidop natu kong sonte ngai vun;
Israel awng, ka thu nong ngai
tu uh ka thangai mama hi!
9Note in pathian dang peuma na bia ngei buatu uh hi. #Pu 20:2-3; Thkna 5:6-7
10Keima in Egypt ngam pan note hong pusua pui
Topa na Pathian ka hi hi.
Na kam uh kaa vun, an kong vaak tu hi.
11“Ahihang ka mite in ka thu hong ngai nuam ngawl a,
Israel te in ka thu hong ni ngawl tu hi.
12Tua ahikom amate sia a
thinpuina uh taw kizui in
a uuk bang po ka paisak a,
a vawt nop po ka vawtsak hi.
13Ka mite in ka pau
hong ngai hen a,
ka thu hong ni le
ka oai mama hi!
14A ngalte manlang takin ka zawsak tu a,
a ngal a sa theampo ka zawthalsak tu hi.
15Kei hong ensante in
kiitakna taw ka mai ah
hong kun tu uh hi;
amate ii thuak daan sia
a tawntungin kikhomsuan
tu uh hi.
16Ahihang note sia a limbel zungtaang taw kong vaak tu a,
ngam khuaitui taw kong lungkimsak tu hi.”
Currently Selected:
Psalm Late 81: SCB2
Highlight
Copy
Compare
Share
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016
