Psalm Late 79
79
Minam Suatak natu Thungetna
1Pathian awng, Pathian he ngawlte in na ngam hong sim zo hi.
Amate in a thiangtho na Biakinn sia ninsak uh a,
Jerusalem sia a zaancip in nusia uh hi. #2 Kum 25:8-10; 2 Khang 36:17-19; Jer 52:12-14
2Amate in na mite luang vaciikte neak tu le
na naseamte luang ngamsate neak tu in nusia uh hi.
3Amate in na mite chisan sia tui bangin keesak hi;
Jerusalem khuathing ah chisan sia tui bangin luang a,
a thite a phum tu kuama taang nawn ngawl hi.
4Kiimkot minamte in kote hong selno zazaan hi;
amate in kote hong selno zazaan a hong nunau uh hi.
5 Topa awng, kote tungah
a tawntungin na thin hong uuk tu ni ziam?
Na thin uukna sia mei bangin kuang tan tu ziam?
6Nang hong bia ngawl
minamte le nang tungah
thu hong ngen ngawlte tungah
thin uuk ta'n.
7Banghang ziam cile amate in na mite thatlum zo hi;
na ngam zaancipsak hi.
8Ka taanghpupite mawna hu in
kote daan hong pia heak in.
Lametna theampo ka bosua
siat zo uh a,
tu in kote hong hesuak ta'n.
9Pathian awng, kote hong hu ta'n a hong hun ta'n;
nangma mama
na ki upat natu in,
kote hong suatak ta'n a,
ka mawnate uh hong maisak ta'n.
10Banghangin minamte in
“Na Pathian uh koi sungah om ziam?” ci in hong dongh tu ziam?
Na naseamte chisan
a buaksak hu in
tua minamte tungah
daan na piak sia kote in hong musak ta'n.
11Thongtaakte ii a taunate ngai ta'n a,
na vaangletna lianpi taw a thi tu in a kikoisate suatakin.
12Topa awng, minam dangte ii nang hong selnona hu in
amate tungah a see sali in thuk kik in.
13Tuasia ciang na nganhon sungah tuute ahi
ko na mite in a tawntungin lungdam kong ko tu uh a,
hong pai lai tu hun theampo sungah nang kong pok tu uh hi.
Currently Selected:
Psalm Late 79: SCB2
Highlight
Copy
Compare
Share
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016
