Psalm Late 70
70
Hu natu Thungetna
(Psalms 40:13-17)
1Pathian awng, hong hun ta'n!
Topa awng, tu ma in kei hong hu ta'n!
2Kei hong thasawmte in
lelna le thinbuaina thuak tahen.
Kei ngim nganate hu in, a lungdamte in
nungkin kik tahen a, maimawl tahen.
3Kei hong selnote in
a lelna hu in thinkiam tahen.
4Nang hong zuan theampo
lungdam in thinnuam tahen.
Nangma ii nong ngupna hu a,
lungdam a ko thei theampo in,
“Pathian bangza in lian ziam!” ci tawntung tahen.
5Ka tha zawmin zawngkhal khi hi;
ka kungah manlangin hong pai ta'n, Pathian awng.
Nangma in kei hong ngumpa le ka Topa na hi a —
kei hong hu memeang ta'n!
Currently Selected:
Psalm Late 70: SCB2
Highlight
Copy
Compare
Share
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016
