Psalm Late 42
42
LAIBU A NIINA
Psalm Late 42 — 72
Ngamdang ah Saltaang khat ii Thungetna
1Pathian awng, sangai in luitui vot vakil a thangai
bangin, nang kong thangai hi.
2Nang a nungta Pathian sia
tui du bangin kong thangai hi;
bang hun ciang nang omna munah hong pai in
hong bia thei tu khi ziam?
3“Na Pathian koi sungah om na ziam?” ci in
ka ngalte ii hong dok hunsung bup,
sun taw zan taw kapin ka thitui bek an in ka nei hi.
4A bosa hun sungah lasakna le auna taw
Pathian a pok a lungdam mihing hon khat
keima in lampui in Pathian inn ah ka paina uh
ka ngaisut ciangin ka thin tamhtham hi.
5Banghangin tuaza in khuangai khi ziam?
Banghangin tuaza in ngim nga khi ziam?
Pathian sungah ka lametna ka koi tu a,
ka hunpa le ka Pathian khatvei ma ka pok kik tu hi.
6-7Hi sung ka saltanna ah ka thin tamhtham ahikom,
ka ngaisutna te nang sangah kong heak a,
khuangaina tuihualte ka thaa sungah ama in hong puak hi;
lungmanna te in namthuam bangin keima hong hawk a,
Hermon mual le Mizar mual tung pan Jordan ngun dong tuiteau nging bang ahi hi.
8Ka nuntakna ahi Pathian tungah
zanin la khat ka sak thei natu le
thungetna khat
ka nei thei natu in
Topa in sun lai in
a itna kip hong lak tahen.
9Kei hong hungpa Pathian tungah,
“Banghangin hong mangil zo ni ziam?
Ka ngalte tatsiatna banghangin thuak tan lai tu khi ziam?” ka ci hi.
10“Na Pathian sia koisungah om ziam?”
ci in amate ii hong dawdok ciangin
amate ii hong selnonate in kei hong supeak hi.
11Banghangin tuaza in khuangai khi ziam?
Banghangin tuaza in ngim nga khi ziam?
Ka lametna Pathian tungah ka koi tu a,
ka hunpa le ka Pathian khatvei ka pok kik tu hi.
Currently Selected:
Psalm Late 42: SCB2
Highlight
Copy
Compare
Share
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016
Psalm Late 42
42
LAIBU A NIINA
Psalm Late 42 — 72
Ngamdang ah Saltaang khat ii Thungetna
1Pathian awng, sangai in luitui vot vakil a thangai
bangin, nang kong thangai hi.
2Nang a nungta Pathian sia
tui du bangin kong thangai hi;
bang hun ciang nang omna munah hong pai in
hong bia thei tu khi ziam?
3“Na Pathian koi sungah om na ziam?” ci in
ka ngalte ii hong dok hunsung bup,
sun taw zan taw kapin ka thitui bek an in ka nei hi.
4A bosa hun sungah lasakna le auna taw
Pathian a pok a lungdam mihing hon khat
keima in lampui in Pathian inn ah ka paina uh
ka ngaisut ciangin ka thin tamhtham hi.
5Banghangin tuaza in khuangai khi ziam?
Banghangin tuaza in ngim nga khi ziam?
Pathian sungah ka lametna ka koi tu a,
ka hunpa le ka Pathian khatvei ma ka pok kik tu hi.
6-7Hi sung ka saltanna ah ka thin tamhtham ahikom,
ka ngaisutna te nang sangah kong heak a,
khuangaina tuihualte ka thaa sungah ama in hong puak hi;
lungmanna te in namthuam bangin keima hong hawk a,
Hermon mual le Mizar mual tung pan Jordan ngun dong tuiteau nging bang ahi hi.
8Ka nuntakna ahi Pathian tungah
zanin la khat ka sak thei natu le
thungetna khat
ka nei thei natu in
Topa in sun lai in
a itna kip hong lak tahen.
9Kei hong hungpa Pathian tungah,
“Banghangin hong mangil zo ni ziam?
Ka ngalte tatsiatna banghangin thuak tan lai tu khi ziam?” ka ci hi.
10“Na Pathian sia koisungah om ziam?”
ci in amate ii hong dawdok ciangin
amate ii hong selnonate in kei hong supeak hi.
11Banghangin tuaza in khuangai khi ziam?
Banghangin tuaza in ngim nga khi ziam?
Ka lametna Pathian tungah ka koi tu a,
ka hunpa le ka Pathian khatvei ka pok kik tu hi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016