Psalm Late 4
4
Hu natu Nitak Thungetna
1Thu kong nget ciang hong zo ta'n,
Pathian, kei hong hungpa awng!
Ngimna sungah ka om ciangin nong hu hi.
Hong dik ta'n a, tu in ka thungetna hong za ta'n.
2No mihingte in bang tanvei kei hong zawnsak vawt tu nu ziam?
Luithawthong khat sia bang tanvei dei in
thumaan ahi ngawl khat bang tanvei del tu nu ziam?
3 Topa in a thutangte
ama atu in tealtuamin
ka biapui ciang hong zaak hunlam phawk tavun.
4Kiitakna taw liingin mawna vawt nawn heak vun;
na lupnate tungah thim dide in na lup uh ciang,
hi thu a thukin ngaisun vun.#Eph 4:26
5A maan sangaw biakpiaknate Topa tungah pia vun,
na muanna uh ama tungah koi vun.
6Mihing tam mamate in
“Topa awng, thupha tamzaw hong pia ta'n a,
kote maipha hong pia ta'n” ci in thungen uh hi.
7Amate ii an le sapittui a neisa theampo tungtawn a,
a lungdam na sangin lungdamna a lianzaw
ka thinsung ah nong pia zo hi.
8Ka lupsuk ciangin thinnuam in ka mu hi,
Aw Topa awng,
nangma bek in bit takin nong keamcing hi.
Currently Selected:
Psalm Late 4: SCB2
Highlight
Copy
Compare
Share
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016
