Psalm Late 31
31
Pathian Muanna huvau Thungetna
1 Topa awng, nong sungsiat tu in nang hong tu ka hikom
lelna hong thuaksak ngei heak in.
Nangma in a thutang
Pathian na hikom;
hong hun ta'n,
thu kong ngen hi!
2Hong za ta'n a, tu mama in hong hun ta'n!
Ka bukna hong hi ta'n a, hong dal ta'n;
ka kihuukna hong hi ta'n a hong hun ta'n.
3Nangma in ka bukna le
ka kihuukna na hi a,
nong ciamsa bangma in
lamlakin lam hong pui ta'n.
4Kei hong kisiana thaang panin hong keamcing ta'n a;
launa panin hong khoi hong pao ta'n.
5Nong kepna sungah keima le keima kong ki aap hi.
Topa awng, nong hun tu hi.
Nang sia a thumaan Pathian na hi hi.#Lk 23:46
6A maan ngawl pathiante, a biate na ensan hi,
ahizong kei ka hile nangma kong muang hi.
7Ka lungdam in ka lawp tu hi,
banghang ziam cile
nong itna in kip hi.
Ka thuakna nong musak a,
ka ngim ngana
nong heaksak hi.
8Ka ngalte in kei nong pummatsak bua a,
ka pai nopna po
ka pai thei natu in suatakna nong pia hi.
9Topa awng, kei hong hesuak ta'n,
banghang ziam cile ngimna ka thuak a,
ka kakaana in ka mit taak in, ka tha zawcip hi.
10Khuangaina in ka tha hong tatsak a, kaana in ka khan hong tomsak hi.
Ka ngimna theampo hu in ka thazawm a,
ka ngute ngawngawn ngot hi.
11Ka ngalte theampo le a tuanin ka innpaamte in hong zawngsak hi;
kei hong hete in hong kiita a,
lam lai ah hong mu uh ciangin tai uh hi.
12A kuama po in kei sia
a thisa bangin hong mangil siat zo a,
a kivawksa na khat bang
ka hi hi.
13Ngal tam mamate ii a kihuau
ka za a,
liinna launa sia
ka kiimkot ah om hi.
Amate in kei hong langpanin
ngealna nei uh a, kei hong thasawm uh hi.
14Ahihang kei ii lung muanna in nangma na hi hi,
Topa awng, nangma in ka Pathian na hi hi.
15Kei sia nangma khoina sungah ka om tawntung hi;
ka ngalte kung pan le hong vawtsiate kung panin hong hun ta'n.
16Na naseampa sia cikna taw hong en ta'n a,
na itna kip taw hong hun ta'n.
17Topa awng, nang
kong biakpui hi;
maizumna hong
thuaksak heak in,
mihing seksolte maizumna thuak tahen;
amate ahile mithi khua thim takin zuansuk tahen.
18A leilot theite, a kiphasakte, a kisathei le
thutangte zawnsakna kam a paute na thimsak in.
19Nang hong upatte atu in a
lamdang mama nate na khealsia hi!
A kuama po in nangma
bangza inpha ci sia hong he tek hi,
nang hong muangte sia
ngammuang takin na
sungsiatna hong he uh hi.
20Amate sia mihingte ii
thasawmna pan le ngalte selnona panin
nangma omna ngam muanna ah na seal hi.
21 Topa pok vun!
Kei hong ki uumci a, hong kisim lai in,
kei tungah itna hong lak sia bangza in lamdang ziam!
22Ama omna panin
kei hong hawlkeak zo vei bua na ziam ci in ka lau hi.
Ahihang huna ngenin
ka biapui ciangin ka auna hong za hi.
23A thumaan ama ii mihing
theampo awng Topa it vun.
Topa in a thumaante hung hi,
ahihang a kiphasakte ahile amate taw kiphu in daan pia hi.
24 Topa sungah lametna a neite theampo awng,
na tha uh khosak vun a, na thin uh hangsak vun.
Currently Selected:
Psalm Late 31: SCB2
Highlight
Copy
Compare
Share
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016
