Psalm Late 21
21
Zawna hangin Pokna
1 Topa awng, kumpipa lungdam hi,
banghang ziam cile ama thahatna na pia hi;
ama ngalzo pa na suasak manin lungdam hi.
2Ama ii lungngul sia na pia zo a,
hong ngetna bangin na zo kik zo hi.
3Ama kungah thupha lianpite
taw nong pai a
a lu tungah khamh
kumpilukhu na khusak hi.
4Ama in nuntakna hong ngen a, tuasia ma na pia hi,
khansau le a kikhomsuan nuntakna na pia hi.
5Nangma huna hangin ama ii minthanna lian a,
ama sia minthanna le uk theina vaang na pia hi.
6Na thuphate ama tungah a tawntungin om a,
na ompuina hu in ama sia lungnopna taw kidim hi.
7Kumpipa in Vaanglianbelpa Topa muang a,
Topa ii a kip itna hu in
ama sia a ngam muang tawntung tu hi.
8Kumpipa in a ngalte pummat siat tu a,
ama a ensan theampo man tu hi.
9Ama hong kilaak tak ciang amate sia
meilingh pui ii a kak bangin susia tu hi.
Topa in a thin uukna taw amate valh tu a,
meikuang in amate kaanghtum tu hi.
10Kumpipa in thatlum siat tu a,
a suan a paal kuama a taang buatu hi.
11Amate in kumpipa
thasawm uh a,
ahihang a taangtung buatu hi.
12Ama in a thaltangte taw amate kap tu a,
nungsangah leetaisak tu hi.
13 Topa awng, Na thahatna lianpi hu in kong pok uh hi!
Na vaangletna pokin, la kong sak tu uh hi.
Currently Selected:
Psalm Late 21: SCB2
Highlight
Copy
Compare
Share
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016
Psalm Late 21
21
Zawna hangin Pokna
1 Topa awng, kumpipa lungdam hi,
banghang ziam cile ama thahatna na pia hi;
ama ngalzo pa na suasak manin lungdam hi.
2Ama ii lungngul sia na pia zo a,
hong ngetna bangin na zo kik zo hi.
3Ama kungah thupha lianpite
taw nong pai a
a lu tungah khamh
kumpilukhu na khusak hi.
4Ama in nuntakna hong ngen a, tuasia ma na pia hi,
khansau le a kikhomsuan nuntakna na pia hi.
5Nangma huna hangin ama ii minthanna lian a,
ama sia minthanna le uk theina vaang na pia hi.
6Na thuphate ama tungah a tawntungin om a,
na ompuina hu in ama sia lungnopna taw kidim hi.
7Kumpipa in Vaanglianbelpa Topa muang a,
Topa ii a kip itna hu in
ama sia a ngam muang tawntung tu hi.
8Kumpipa in a ngalte pummat siat tu a,
ama a ensan theampo man tu hi.
9Ama hong kilaak tak ciang amate sia
meilingh pui ii a kak bangin susia tu hi.
Topa in a thin uukna taw amate valh tu a,
meikuang in amate kaanghtum tu hi.
10Kumpipa in thatlum siat tu a,
a suan a paal kuama a taang buatu hi.
11Amate in kumpipa
thasawm uh a,
ahihang a taangtung buatu hi.
12Ama in a thaltangte taw amate kap tu a,
nungsangah leetaisak tu hi.
13 Topa awng, Na thahatna lianpi hu in kong pok uh hi!
Na vaangletna pokin, la kong sak tu uh hi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016