Psalm Late 18
18
David ii Ngalzawna La
(2 Samuel 22:1-51)
1 Topa awng, bangza in nang hong it khi ziam!
Nangma in kei hong hungpa na hi hi.
2 Topa in kei hong dal pa hi a,
ama sia a kip a kho ka kulhpi `ahi hi.
Ka Pathian in ka kidalna hi,
ama taw ka kikop ciang kei ka ngammuang hi.
Ama in lum bangin kei hong dal hi,
ama in kei hong dal a, hong sungsia hi.
3 Topa ka biakpui a,
ama in ka ngalte khut sung panin hong hun hi.
Topa pok tawng!
4A lauhuai thina in kei hong uumci a,
lalna tuihual in kei hong nawk hi.
5A lauhuai thina in kei hong uumci a,
thaankuul in a thaang taw kei hong sia hi.
6Ngimna kawmkaal pan Topa ka biakpui hi;
hong hu tu in Pathian ka biakpui hi.
A biakinn sungah ka aw hong za hi;
hu ngenin ka auna ama in hong ngai hi.
7Tuasia ciang leitung sia liingin ngawk hi;
mualte ii tawdapte kilokin phe vadil hi,
banghang ziam cile Pathian thin uuk hi.
8A naak hawng sung panin meikhute hong buak hi,
a kam sung panin a kaanghtumsak thei meikamte le
meikuangte hong pusuak hi.
9Ama in van sia eautham in meeikaaivom sisanh in hong tuaksuk hi.
10Ama in Cherub khat tungah
to in manlang takin leang hi;
ama in vui ii thate tungah
khualhaw hi.
11Ama le ama khuazing taw kituam a,
tui taw a kidim meeikaai saate in kiim uum hi.
12Ngialtangte le meileng vazalte
ama mai khualeng panin hong pai a
meeizingte phullet hi.
13Tuaciang Topa in van panin vanto bangin hong pau a,
Saangbel Pa aw kiza hi.
14Ama in a thaltangte hong kap a,
a ngalte kithethaangsak hi;
khualeng tee vazialte taw
amate taisak hi.
15 Topa awng, na ngalte na teih ciang le
thin uukin amate na oksat ciang,
tuipi taw le lei tawdapte kilawt hi.
16 Topa in ka tung panin
hong zamsuk a kei hong len hi;
ama in tuithukte panin
hong kaito hi.
17A thahat ka ngalte le
kei hong ensante
kung panin hong suatak hi —
amate in kei atu in hat lei hi.
18Ka ngim nga laitakin amate in kei hong sim hi,
ahihang Topa in hong dal hi.
19Ama in launa sung panin hong hu hi,
banghang ziam cile ama in kei sia dik hong sa a, hong hun hi.
20 Topa in kei thaman hong pia hi
banghang ziam cile a maante sep le vawtin ka nei hi;
ama in keima thupha hong pia hi,
banghang ziam cile kei mawna ka nei bua hi.
21 Topa thukham ka zui zo a,
ka Pathian kung panin ka pial bua hi.
22Ama thukhamte theampo ka tang zo a,
ama thupiakte ka nit ngawl a om bua hi.
23Ama in ka sitbaan ngawlna,
khial ngawl tu in ka kikepna hong he hi.
24Tua ahikom ama in telte hong pia hi,
banghang ziam cile a maan na seamin ka maw ngawl hunlam hong he hi.
25 Topa awng, hong thumaante tungah na thumaan hi;
a cialcingte ii tungah a kicingin na dik hi.
26A thiangthote tungah na thiangtho hi;
ahihang a seksolte na ngal vawt hi.
27A kiniamkhiak te na hun hi,
ahihang a kiphasakte na niamsak hi.
28 Topa awng, kei khuavak nong pia hi;
ka khuazing na bosak hi.
29Ka ngalte ka sim natu in thahatna nong pia hi,
tuaciang amate ii kinannate ka zaw natu tha nong pia hi.
30Hi Pathian ii nasepnate bangza in cialcing ziam!
Ama kammalte bangza in suan thamman ziam!
Ama ii huuk tu a zongte theampo atu in
Ama in lum taw kibang hi.
31 Topa bekma Pathian ahi hi;
Pathian bekma ei kinanna ahi hi.
32Ama in kei hong thahatsak Pathian hi a,
ka lampi bitsak hi.
33Ama in sangai bangin
ka peang hong khosak a,
mual tungah hong
keamcing hi.#Hab 3:19
34Thal khobel sia
ka zak thei natu in
ama in ngal kido zia
hong sinsak hi.
35 Topa awng, nangma in nong dal a nong hun hi;
nangma ii nong khoina in hong liansak a,
na vaangletna in hong keamcing hi.
36Kipummat natu panin nong keam a
ngalte khut sung ka theng ngei bua hi.
37Ka ngalte ka del a,
amate ka man hi;
amate ka lalsak mateng in
ka tawlnga bua hi.
38Amate ka vaatvawk a, a tho kik thei bua uh hi;
ka mai ah ngallel in amate liik uh hi.
39Nangma in kidona sung a zak tu thahatna nong pia a
ka ngalte nong zosak hi.
40Ka ngalte ka kung panin a tai natu in na vawt hi;
kei hong ensante ka lalsak hi.
41Amate in hu ngenin au ahihang kuama in amate hun ngawl hi.
Amate in Topa biakpui hi, ahihang Ama in a zo bua hi.
42Amate leivui bang ahi dongin ka sucip a,
vui ii let leivuite bang
ahi uh hi.
Lampite ah buan omte bangin
amate ka tuanhcil hi.
43Ngal phuang mihingte kung panin nong hun a
tua ngamte a uk tu in kei nong siam hi;
ka heak ngeingawl mite, tu in ka khutnuai mi suak uh hi.
44Ngamdangmite sia ka mai ah kun uh hi;
ka thu hong zaak ciangin ka thu ni uh hi.
45Amate in thinkiamin a kulhte uh sung pan
a liing sa in hong pai uh hi.
46 Topa nungta hi! Kei hong hungpa pok vun!
Kei hong hun Pathian letna thangsak vun.
47Ama in ka ngalte hong zosak hi;
ngam tuatuamte ka khutnuai ah biiksak vakheau a,
48kei sia ka ngalte khut sung panin hong hun hi.
Topa awng, ka ngalte nong zosak hi;
tuaciang a ngoltol mihingte khut sung panin nong dal hi.
49Tua ahikom ngam tuatuamte kawm ah
nang kong pok hi;
nang tungah pokna la kong sak hi. #Rom 15:9
50Pathian in zawna lian mamate
a kumpipa tungah pia hi;
ama in itna kip sia ama tealsa David le
ama suan le paalte tungah a tawntungin lak hi.
Currently Selected:
Psalm Late 18: SCB2
Highlight
Copy
Compare
Share
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016
